ਮੁੰਬਈ - ਸ਼ੇਅਰ ਬਾਜ਼ਾਰ ਲਈ ਇਹ ਹਫ਼ਤਾ ਬਹੁਤ ਖ਼ਰਾਬ ਰਿਹਾ ਹੈ। ਸੈਂਸੈਕਸ ਨੇ ਇਸ ਹਫਤੇ 1525 ਅੰਕ (2.73 ਫੀਸਦੀ) ਦੀ ਗਿਰਾਵਟ ਦਰਜ ਕੀਤੀ। ਪਿਛਲੇ ਕਾਰੋਬਾਰੀ ਸੈਸ਼ਨ 'ਚ ਸੈਂਸੈਕਸ 54333 ਦੇ ਪੱਧਰ 'ਤੇ ਅਤੇ ਨਿਫਟੀ 16245 ਦੇ ਪੱਧਰ 'ਤੇ ਬੰਦ ਹੋਇਆ ਸੀ। ਸੈਂਸੈਕਸ ਇਸ ਹਫਤੇ ਅੱਠ ਮਹੀਨਿਆਂ ਦੇ ਹੇਠਲੇ ਪੱਧਰ 'ਤੇ ਬੰਦ ਹੋਇਆ। ਬੀਐਸਈ ਸੂਚੀਬੱਧ ਕੰਪਨੀਆਂ ਦਾ ਮਾਰਕੀਟ ਕੈਪ ਘਟ ਕੇ 246.79 ਲੱਖ ਕਰੋੜ ਰੁਪਏ ਰਹਿ ਗਿਆ।
ਬੀਐਸਈ ਦਾ ਮਾਰਕੀਟ ਕੈਪ ਪਿਛਲੇ ਹਫ਼ਤੇ 249.97 ਲੱਖ ਕਰੋੜ ਰੁਪਏ ਸੀ। ਇਸ ਹਫਤੇ ਸ਼ੇਅਰ ਬਾਜ਼ਾਰ ਦੇ ਨਿਵੇਸ਼ਕਾਂ ਦੀ ਦੌਲਤ 'ਚ 3.18 ਲੱਖ ਕਰੋੜ ਰੁਪਏ ਦੀ ਕਮੀ ਆਈ ਹੈ। ਯੂਕਰੇਨ 'ਤੇ ਰੂਸ ਦੇ ਹਮਲੇ ਨੇ ਗਲੋਬਲ ਬਾਜ਼ਾਰ 'ਤੇ ਕਾਫੀ ਦਬਾਅ ਪਾਇਆ ਹੈ। ਇਸ ਤੋਂ ਇਲਾਵਾ ਫੈਡਰਲ ਰਿਜ਼ਰਵ ਵੀ ਵਿਆਜ ਦਰ ਵਧਾ ਸਕਦਾ ਹੈ।
ਵਿਦੇਸ਼ੀ ਨਿਵੇਸ਼ਕ ਲਗਾਤਾਰ ਭਾਰਤੀ ਬਾਜ਼ਾਰ ਤੋਂ ਨਿਕਾਸੀ ਕਰ ਰਹੇ ਹਨ। ਮਾਰਚ 'ਚ ਹੁਣ ਤੱਕ ਵਿਦੇਸ਼ੀ ਪੋਰਟਫੋਲੀਓ ਨਿਵੇਸ਼ਕਾਂ ਨੇ ਸ਼ੇਅਰ ਬਾਜ਼ਾਰ ਤੋਂ 14,721 ਕਰੋੜ ਰੁਪਏ ਕੱਢ ਲਏ ਹਨ। ਇਸ ਸਾਲ ਹੁਣ ਤੱਕ FPIs ਨੇ ਸਟਾਕ ਮਾਰਕੀਟ ਤੋਂ ਕੁੱਲ 83616 ਕਰੋੜ ਰੁਪਏ ਕਢਵਾ ਲਏ ਹਨ।
ਘਰੇਲੂ ਨਿਵੇਸ਼ਕ
ਇੱਕ ਪਾਸੇ ਵਿਦੇਸ਼ੀ ਨਿਵੇਸ਼ਕ ਵਿਕਰੀ ਰਹੇ ਹਨ। ਦੂਜੇ ਪਾਸੇ, ਘਰੇਲੂ ਸੰਸਥਾਗਤ ਨਿਵੇਸ਼ਕ (DII) ਵੱਡੇ ਪੱਧਰ 'ਤੇ ਖਰੀਦਦਾਰੀ ਕਰ ਰਹੇ ਹਨ। ਪਿਛਲੇ ਪੰਜ ਮਹੀਨਿਆਂ ਦੀ ਡੀਆਈਆਈ ਦੀ ਖਰੀਦ ਦੀ ਗੱਲ ਕਰੀਏ ਤਾਂ ਫਰਵਰੀ ਵਿੱਚ ਉਸਨੇ 42084 ਕਰੋੜ, ਜਨਵਰੀ ਵਿੱਚ 21928 ਕਰੋੜ, ਦਸੰਬਰ ਵਿੱਚ 31231 ਕਰੋੜ, ਨਵੰਬਰ ਵਿੱਚ 30560 ਕਰੋੜ ਅਤੇ ਅਕਤੂਬਰ ਵਿੱਚ 4471 ਕਰੋੜ ਰੁਪਏ ਦੀ ਖਰੀਦਦਾਰੀ ਕੀਤੀ।
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਭਾਰਤ-ਬੰਗਲਾਦੇਸ਼ ਵਪਾਰ ਸਮਝੌਤੇ ’ਤੇ ਸਾਂਝੇ ਅਧਿਐਨ ਨੂੰ ਛੇਤੀ ਦਿੱਤਾ ਜਾਏਗਾ ਅੰਤਿਮ ਰੂਪ : ਵਪਾਰ ਮੰਤਰੀ
NEXT STORY 
