ਮੁੰਬਈ - ਘਰੇਲੂ ਸ਼ੇਅਰ ਬਾਜ਼ਾਰਾਂ ਲਈ ਨਿਫਟੀ ਵੀਰਵਾਰ ਦੀ ਹਫਤਾਵਾਰੀ ਮਿਆਦ 'ਤੇ ਹਰੇ ਰੰਗ 'ਚ ਖੁੱਲ੍ਹਿਆ ਪਰ ਇਸ ਤੋਂ ਬਾਅਦ ਦਿਨ ਦੇ ਉਪਰਲੇ ਪੱਧਰਾਂ ਤੋਂ ਫਿਸਲਦਾ ਦੇਖਿਆ ਗਿਆ। ਦਿਨ ਭਰ ਗਿਰਾਵਟ ਨਾਲ ਕਾਰੋਬਾਰ ਕਰਨ ਤੋਂ ਬਾਅਦ ਇਹ ਲਗਾਤਾਰ ਦੂਜੇ ਦਿਨ ਗਿਰਾਵਟ ਨਾਲ ਬੰਦ ਹੋਇਆ। ਸੈਂਸੈਕਸ ਕਰੀਬ 213.12 ਅੰਕ ਭਾਵ 0.27% ਦੀ ਗਿਰਾਵਟ ਨਾਲ 78,058.16 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਸੈਂਸੈਕਸ ਦੇ 30 ਸਟਾਕਾਂ 'ਚੋਂ 11 ਵਾਧੇ ਨਾਲ ਅਤੇ 19 ਸਟਾਕ ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਗਏ।
ਦੂਜੇ ਪਾਸੇ ਨਿਫਟੀ ਕਰੀਬ 92.95 ਅੰਕ ਭਾਵ 0.39 ਫ਼ੀਸਦੀ ਦੀ ਗਿਰਾਵਟ ਨਾਲ 23,603.35 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਨਿਫਟੀ ਦੇ 50 ਸਟਾਕਾਂ 'ਚੋਂ 21 ਵਾਧੇ ਨਾਲ ਅਤੇ 30 ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਗਏ।
ਗਲੋਬਲ ਬਾਜ਼ਾਰ 'ਚ ਉਛਾਲ ਦੇਖਣ ਨੂੰ ਮਿਲਿਆ
ਏਸ਼ੀਆਈ ਬਾਜ਼ਾਰ 'ਚ ਜਾਪਾਨ ਦਾ ਨਿੱਕੇਈ 0.15 ਫੀਸਦੀ ਅਤੇ ਕੋਰੀਆ ਦਾ ਕੋਸਪੀ 0.65 ਫੀਸਦੀ ਚੜ੍ਹਿਆ ਹੈ। ਉਥੇ ਹੀ ਚੀਨ ਦਾ ਸ਼ੰਘਾਈ ਕੰਪੋਜ਼ਿਟ ਇੰਡੈਕਸ 0.76 ਫੀਸਦੀ ਦੇ ਵਾਧੇ ਨਾਲ ਕਾਰੋਬਾਰ ਕਰ ਰਿਹਾ ਹੈ।
ਐਨਐਸਈ ਦੇ ਅੰਕੜਿਆਂ ਅਨੁਸਾਰ, 5 ਫਰਵਰੀ ਨੂੰ ਵਿਦੇਸ਼ੀ ਨਿਵੇਸ਼ਕਾਂ (ਐਫਆਈਆਈ) ਨੇ 1,682.83 ਕਰੋੜ ਰੁਪਏ ਦੇ ਸ਼ੇਅਰ ਵੇਚੇ। ਬਦਲੇ ਵਿੱਚ, ਘਰੇਲੂ ਨਿਵੇਸ਼ਕਾਂ (DII) ਨੇ 996.28 ਕਰੋੜ ਰੁਪਏ ਦੇ ਸ਼ੇਅਰ ਖਰੀਦੇ।
5 ਫਰਵਰੀ ਨੂੰ ਅਮਰੀਕਾ ਦਾ ਡਾਓ ਜੋਂਸ 0.71 ਫੀਸਦੀ ਦੇ ਵਾਧੇ ਨਾਲ 44,873 'ਤੇ ਬੰਦ ਹੋਇਆ ਸੀ। S&P 500 ਇੰਡੈਕਸ 0.39% ਵਧ ਕੇ 6,061 'ਤੇ ਬੰਦ ਹੋਇਆ। ਨੈਸਡੈਕ ਇੰਡੈਕਸ 0.19% ਵਧ ਕੇ 19,692 'ਤੇ ਬੰਦ ਹੋਇਆ।
ਕੱਲ੍ਹ ਸੈਂਸੈਕਸ 312 ਅੰਕ ਡਿੱਗ ਕੇ 78,271 'ਤੇ ਬੰਦ ਹੋਇਆ ਸੀ।
ਕੱਲ੍ਹ ਯਾਨੀ 5 ਫਰਵਰੀ ਨੂੰ ਸੈਂਸੈਕਸ 312 ਅੰਕਾਂ ਦੀ ਗਿਰਾਵਟ ਨਾਲ 78,271 'ਤੇ ਬੰਦ ਹੋਇਆ ਸੀ। ਨਿਫਟੀ 'ਚ 42 ਅੰਕਾਂ ਦੀ ਗਿਰਾਵਟ ਦਰਜ ਕੀਤੀ ਗਈ, ਇਹ 23,696 ਦੇ ਪੱਧਰ 'ਤੇ ਬੰਦ ਹੋਇਆ। ਇਸ ਦੇ ਨਾਲ ਹੀ ਬੀਐਸਈ ਸਮਾਲ ਕੈਪ 709 ਅੰਕਾਂ ਦੇ ਵਾਧੇ ਨਾਲ 50,510 ਦੇ ਪੱਧਰ 'ਤੇ ਬੰਦ ਹੋਇਆ।
ਸੈਂਸੈਕਸ ਦੇ 30 ਸਟਾਕਾਂ ਵਿੱਚੋਂ 19 ਵਿੱਚ ਗਿਰਾਵਟ ਅਤੇ 11 ਵਿੱਚ ਵਾਧਾ ਹੋਇਆ। ਨਿਫਟੀ ਦੇ 50 ਸਟਾਕਾਂ ਵਿੱਚੋਂ 25 ਵਿੱਚ ਗਿਰਾਵਟ ਅਤੇ 25 ਵਿੱਚ ਵਾਧਾ ਹੋਇਆ। ਐਨਐਸਈ ਸੈਕਟਰਲ ਇੰਡੈਕਸ ਵਿੱਚ, ਰਿਐਲਟੀ ਸੈਕਟਰ 1.85% ਦੀ ਸਭ ਤੋਂ ਵੱਡੀ ਗਿਰਾਵਟ ਨਾਲ ਬੰਦ ਹੋਇਆ।
ਕੰਮ ਨਹੀਂ ਕਰੇਗਾ ਤੁਹਾਡਾ UPI, ਇਸ ਦਿਨ ਲੈਣ-ਦੇਣ 'ਚ ਹੋ ਸਕਦੀ ਹੈ ਸਮੱਸਿਆ
NEXT STORY 
