ਮੁੰਬਈ - ਦੇਸ਼ ਦੇ ਸਭ ਤੋਂ ਵੱਡੇ IPO ਦੀ ਤਰੀਕ ਦਾ ਖੁਲਾਸਾ ਹੋ ਗਿਆ ਹੈ। ਹੁੰਡਈ ਮੋਟਰ ਇੰਡੀਆ ਦਾ ਲਗਭਗ 25 ਹਜ਼ਾਰ ਕਰੋੜ ਰੁਪਏ ਦਾ ਆਈਪੀਓ ਅਗਲੇ ਹਫਤੇ ਆ ਸਕਦਾ ਹੈ। ਇਕ ਰਿਪੋਰਟ ਮੁਤਾਬਕ ਇਸ ਦਾ ਪ੍ਰਾਈਸ ਬੈਂਡ 1,865 ਤੋਂ 1,960 ਰੁਪਏ ਹੋ ਸਕਦਾ ਹੈ। ਇਸ ਕੀਮਤ 'ਤੇ ਕੰਪਨੀ ਦਾ ਮੁੱਲ 1.6 ਲੱਖ ਕਰੋੜ ਰੁਪਏ ਹੋਵੇਗਾ। ਕੰਪਨੀ ਦੀ ਇਸ ਆਈਪੀਓ ਰਾਹੀਂ 25,000 ਕਰੋੜ ਰੁਪਏ ਜੁਟਾਉਣ ਦੀ ਯੋਜਨਾ ਹੈ।
ਇਹ ਵੀ ਪੜ੍ਹੋ : SBI ਕਰੇਗਾ 10,000 ਕਰਮਚਾਰੀਆਂ ਦੀ ਨਿਯੁਕਤੀ, ਇਨ੍ਹਾਂ ਅਹੁਦਿਆਂ ਲਈ ਕਰੇਗਾ ਭਰਤੀ
ਇਹ ਇਸ਼ੂ ਸੰਸਥਾਗਤ ਨਿਵੇਸ਼ਕਾਂ ਲਈ 14 ਅਕਤੂਬਰ ਨੂੰ ਖੁੱਲ੍ਹ ਸਕਦਾ ਹੈ। ਇਹ 15 ਅਕਤੂਬਰ ਨੂੰ ਪ੍ਰਚੂਨ ਨਿਵੇਸ਼ਕਾਂ ਸਮੇਤ ਹੋਰ ਨਿਵੇਸ਼ਕਾਂ ਲਈ ਖੁੱਲ੍ਹੇਗਾ ਅਤੇ 17 ਅਕਤੂਬਰ ਤੱਕ ਬੋਲੀ ਲਗਾਈ ਜਾ ਸਕਦੀ ਹੈ। ਉੱਪਰੀ ਕੀਮਤ ਬੈਂਡ 'ਤੇ ਕੰਪਨੀ ਦੀ ਕੀਮਤ ਲਗਭਗ 1.6 ਲੱਖ ਕਰੋੜ ਰੁਪਏ ਹੋਵੇਗੀ। ਇਸ ਦੀ ਲਿਸਟਿੰਗ 22 ਅਕਤੂਬਰ ਨੂੰ ਹੋ ਸਕਦੀ ਹੈ। ਹੁੰਡਈ ਨੇ ਇਸ ਸਬੰਧ 'ਚ ਤੁਰੰਤ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ।
ਇਹ ਵੀ ਪੜ੍ਹੋ : ਹੋ ਜਾਓ ਸਾਵਧਾਨ! 10 ਰੁਪਏ ਦਾ ਸਿੱਕਾ ਭੇਜ ਸਕਦੈ ਜੇਲ੍ਹ
2003 ਤੋਂ ਬਾਅਦ ਦੇਸ਼ ਵਿੱਚ ਕਿਸੇ ਕਾਰ ਕੰਪਨੀ ਦਾ ਇਹ ਪਹਿਲਾ ਆਈਪੀਓ ਹੋਵੇਗਾ। ਉਸ ਸਮੇਂ ਮਾਰੂਤੀ ਸੁਜ਼ੂਕੀ ਆਈ.ਪੀ.ਓ. ਲੈ ਕੇ ਆਈ ਸੀ। ਹੁੰਡਈ ਮੋਟਰ ਇੰਡੀਆ ਦੇ ਆਈਪੀਓ ਵਿੱਚ, ਇਸਦੀ ਦੱਖਣੀ ਕੋਰੀਆਈ ਮੂਲ ਕੰਪਨੀ OFS ਦੁਆਰਾ 17.5 ਪ੍ਰਤੀਸ਼ਤ ਹਿੱਸੇਦਾਰੀ ਵੇਚੇਗੀ। ਹੁੰਡਈ ਦੇਸ਼ ਦੀ ਦੂਜੀ ਸਭ ਤੋਂ ਵੱਡੀ ਆਟੋ ਕੰਪਨੀ ਹੈ। ਹੁੰਡਈ ਮੋਟਰ ਇੰਡੀਆ ਇਸ IPO ਤੋਂ ਕੋਈ ਪੈਸਾ ਨਹੀਂ ਕਮਾਏਗੀ ਕਿਉਂਕਿ ਇਹ ਪੂਰੀ ਤਰ੍ਹਾਂ OFS ਹੈ। ਸੇਬੀ ਨੇ ਇਸ ਆਈਪੀਓ ਲਈ 24 ਸਤੰਬਰ ਨੂੰ ਮਨਜ਼ੂਰੀ ਦਿੱਤੀ ਸੀ। ਹੁੰਡਈ ਮੋਟਰ ਭਾਰਤ ਵਿੱਚ 1996 ਵਿੱਚ ਸ਼ੁਰੂ ਕੀਤੀ ਗਈ ਸੀ। ਕੰਪਨੀ ਦੇ ਸ਼ੇਅਰ ਗ੍ਰੇ ਮਾਰਕੀਟ 'ਚ 270 ਰੁਪਏ ਦੇ ਪ੍ਰੀਮੀਅਮ 'ਤੇ ਕਾਰੋਬਾਰ ਕਰ ਰਹੇ ਹਨ।
ਇਹ ਵੀ ਪੜ੍ਹੋ : ਡੁੱਬਣ ਦੀ ਕਗਾਰ ’ਤੇ ਸਰਕਾਰੀ ਕੰਪਨੀ MTNL, ਸਖ਼ਤ ਕਾਰਵਾਈ ਦੀ ਤਿਆਰੀ 'ਚ ਕਈ ਬੈਂਕ
ਕਾਰਪੋਰੇਟ ਯੋਜਨਾਬੰਦੀ
ਹੁੰਡਈ ਦੇਸ਼ ਦੀ ਦੂਜੀ ਸਭ ਤੋਂ ਵੱਡੀ ਆਟੋ ਕੰਪਨੀ ਹੈ। ਦੱਖਣੀ ਕੋਰੀਆ ਦੀ ਇਸ ਕੰਪਨੀ ਨੇ ਭਾਰਤ ਵਿੱਚ 32 ਹਜ਼ਾਰ ਕਰੋੜ ਰੁਪਏ ਦਾ ਨਿਵੇਸ਼ ਕਰਨ ਦੀ ਯੋਜਨਾ ਬਣਾਈ ਹੈ। ਕੰਪਨੀ ਨੇ ਪਿਛਲੇ ਸਾਲ ਮਹਾਰਾਸ਼ਟਰ 'ਚ ਜਨਰਲ ਮੋਟਰਜ਼ ਦੀ ਫੈਕਟਰੀ ਖਰੀਦੀ ਸੀ। ਇਸ ਫੈਕਟਰੀ ਨੂੰ ਚਲਾਉਣ ਅਤੇ ਇੱਥੋਂ ਵਾਹਨਾਂ ਦੇ ਉਤਪਾਦਨ ਲਈ ਆਉਣ ਵਾਲੇ ਖਰਚੇ ਵੀ ਕੰਪਨੀ ਦੇ ਭਾਰਤ ਵਿੱਚ ਨਿਵੇਸ਼ ਕੀਤੇ ਜਾਣ ਵਾਲੇ ਫੰਡਾਂ ਦਾ ਹਿੱਸਾ ਹੋਣਗੇ। ਕੰਪਨੀ ਨੇ ਪਹਿਲਾਂ ਹੀ ਕਿਹਾ ਹੈ ਕਿ ਉਹ ਭਾਰਤ ਵਿੱਚ ਵਿਸਤਾਰ ਕਰੇਗੀ ਅਤੇ ਉਸਦਾ ਟੀਚਾ ਸਾਲ 2025 ਤੱਕ ਸਾਲਾਨਾ ਉਤਪਾਦਨ 10 ਲੱਖ ਯੂਨਿਟ ਤੱਕ ਵਧਾਉਣ ਦਾ ਹੈ।
IPO ਨੂੰ ਚੰਗਾ ਹੁੰਗਾਰਾ ਮਿਲਣ ਦੀ ਉਮੀਦ
ਮਾਹਿਰਾਂ ਦੀ ਮੰਨੀਏ ਤਾਂ IPO ਨੂੰ ਚੰਗਾ ਹੁੰਗਾਰਾ ਮਿਲਣ ਦੀ ਉਮੀਦ ਹੈ। ਹਾਲ ਹੀ ਵਿੱਚ ਆਏ ਸਾਰੇ ਆਈਪੀਓਜ਼ ਨੂੰ ਜ਼ਬਰਦਸਤ ਹੁੰਗਾਰਾ ਮਿਲਿਆ ਹੈ। ਅਜਿਹੇ 'ਚ ਉਮੀਦ ਕੀਤੀ ਜਾ ਰਹੀ ਹੈ ਕਿ ਹੁੰਡਈ ਨੂੰ ਬਿਹਤਰ ਰਿਸਪਾਂਸ ਮਿਲ ਸਕਦਾ ਹੈ। ਇਸ ਤੋਂ ਪਹਿਲਾਂ ਜਦੋਂ LIC ਦਾ IPO ਆਇਆ ਸੀ ਤਾਂ ਇਹ ਵੀ ਇਸ ਦਾਇਰੇ 'ਚ ਸੀ। IPO ਨੂੰ ਜ਼ਬਰਦਸਤ ਹੁੰਗਾਰਾ ਮਿਲਿਆ ਪਰ ਲਿਸਟਿੰਗ ਇੰਨੀ ਚੰਗੀ ਨਹੀਂ ਸੀ। ਹੁਣ ਜਦੋਂ ਹੁੰਡਈ ਦਾ ਸਭ ਤੋਂ ਵੱਡਾ IPO ਹੋਣ ਜਾ ਰਿਹਾ ਹੈ ਤਾਂ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਇਸਦੀ ਲਿਸਟਿੰਗ ਕਿਵੇਂ ਹੋਵੇਗੀ।
ਇਹ ਵੀ ਪੜ੍ਹੋ : ਅਭਿਸ਼ੇਕ ਬੱਚਨ ਨੂੰ SBI ਹਰ ਮਹੀਨੇ ਦੇ ਰਿਹੈ 18 ਲੱਖ ਰੁਪਏ! ਇਹ ਵਜ੍ਹਾ ਆਈ ਸਾਹਮਣੇ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਸਜ਼ਾਯੋਗ ਅਪਰਾਧ ਹੈ ਭਾਰਤੀ ਕਰੰਸੀ ਲੈਣ ਤੋਂ ਇਨਕਾਰ ਕਰਨਾ, ਜਾਣੋ ਕਿਵੇਂ ਕਰੀਏ ਸ਼ਿਕਾਇਤ
NEXT STORY 
