ਮੁੰਬਈ(ਪੀ. ਟੀ. ਆਈ.) - ਇੰਫੋਸਿਸ, ਰਿਲਾਇੰਸ ਇੰਡਸਟਰੀਜ਼ ਅਤੇ ਐਚ.ਡੀ.ਐਫ.ਸੀ. ਬੈਂਕ ਦੇ ਵਾਧੇ ਅਤੇ ਵਿਦੇਸ਼ੀ ਫੰਡਾਂ ਦੇ ਨਿਰੰਤਰ ਪ੍ਰਵਾਹ ਕਾਰਨ ਸ਼ੁੱਕਰਵਾਰ ਨੂੰ ਪ੍ਰਮੁੱਖ ਸਟਾਕ ਇੰਡੈਕਸ ਸੈਂਸੈਕਸ 100 ਅੰਕ ਤੋਂ ਵੱਧ ਦੀ ਤੇਜ਼ੀ ਨਾਲ ਵਧਿਆ। ਇਸ ਦੌਰਾਨ 30 ਸ਼ੇਅਰਾਂ ਵਾਲਾ ਬੀ.ਐਸ.ਈ. ਸੈਂਸੈਕਸ 141.75 ਅੰਕ ਭਾਵ 0.28 ਪ੍ਰਤੀਸ਼ਤ ਦੇ ਵਾਧੇ ਨਾਲ 51,673.27 ਦੇ ਪੱਧਰ 'ਤੇ ਪਹੁੰਚ ਗਿਆ, ਜਦੋਂ ਕਿ ਐਨ.ਐਸ.ਈ. ਨਿਫਟੀ 36.50 ਅੰਕ ਭਾਵ 0.24 ਪ੍ਰਤੀਸ਼ਤ ਦੇ ਵਾਧੇ ਨਾਲ 15,209.80 'ਤੇ ਪਹੁੰਚ ਗਿਆ।
ਸੈਂਸੈਕਸ ਵਿਚ ਸਭ ਤੋਂ ਵੱਧ ਲਾਭ ਦੋ ਫ਼ੀਸਦ ਇੰਫੋਸਿਸ ਦਾ ਰਿਹਾ ਜਦੋਂਕਿ ਟੇਕ ਮਹਿੰਦਰਾ, ਐਚ.ਸੀ.ਐਲ. ਟੈਕ, ਐਚ.ਡੀ.ਐਫ.ਸੀ. ਬੈਂਕ, ਟੀ.ਸੀ.ਐਸ. ਅਤੇ ਰਿਲਾਇੰਸ ਇੰਡਸਟਰੀਜ਼ ਵੀ ਤੇਜ਼ ਰਫਤਾਰ 'ਤੇ ਕਾਰੋਬਾਰ ਕਰ ਰਹੀਆਂ ਹਨ। ਦੂਜੇ ਪਾਸੇ ਆਈ.ਟੀ.ਸੀ., ਓ.ਐਨ.ਜੀ.ਸੀ., ਭਾਰਤੀ ਏਅਰਟੈਲ, ਐਸ.ਬੀ.ਆਈ. ਅਤੇ ਇੰਡਸਇੰਡ ਬੈਂਕ ਲਾਲ ਨਿਸ਼ਾਨ ਵਿਚ ਸਨ।
ਸੈਂਸੈਕਸ ਪਿਛਲੇ ਸੈਸ਼ਨ ਵਿਚ 222.13 ਅੰਕ ਭਾਵ 0.43 ਪ੍ਰਤੀਸ਼ਤ ਦੇ ਵਾਧੇ ਨਾਲ 51,531.52 ਦੇ ਪੱਧਰ 'ਤੇ ਅਤੇ ਨਿਫਟੀ 66.80 ਅੰਕ ਭਾਵ 0.44 ਪ੍ਰਤੀਸ਼ਤ ਦੇ ਵਾਧੇ ਨਾਲ 15,173.30' ਤੇ ਬੰਦ ਹੋਇਆ ਹੈ। ਵਿਦੇਸ਼ੀ ਪੋਰਟਫੋਲੀਓ ਨਿਵੇਸ਼ਕ (ਐੱਫ ਪੀ ਆਈ) ਨੇ ਵੀਰਵਾਰ ਨੂੰ ਕੁਲ ਆਧਾਰ 'ਤੇ 944.36 ਕਰੋੜ ਰੁਪਏ ਦੇ ਸ਼ੇਅਰਾਂ ਦੀ ਖਰੀਦ ਕੀਤੀ। ਇਸ ਦੌਰਾਨ, ਗਲੋਬਲ ਤੇਲ ਦਾ ਬੈਂਚਮਾਰਕ ਬ੍ਰੈਂਟ ਕਰੂਡ 0.62% ਦੀ ਗਿਰਾਵਟ ਦੇ ਨਾਲ 60.76 ਡਾਲਰ ਪ੍ਰਤੀ ਬੈਰਲ 'ਤੇ ਰਿਹਾ।
Sun Pharma, MD ਦਿਲੀਪ ਸੰਘਵੀ ਸਮੇਤ 8 ਲੋਕਾਂ ਨੇ ਸੇਬੀ ਨਾਲ ਸੈਟਲ ਕੀਤਾ 3.54 ਕਰੋੜ ’ਚ ਮਾਮਲਾ
NEXT STORY 
