ਨਵੀਂ ਦਿੱਲੀ - ਬੈਂਗਲੁਰੂ ਸਥਿਤ ਆਈ. ਟੀ. ਸਰਵਿਸ ਕੰਪਨੀ ਵਿਪਰੋ ਨੇ ਸੰਕੇਤ ਦਿੱਤਾ ਹੈ ਕਿ ਉਹ ਇਕ ਵਾਰ ਫਿਰ ਆਪਣੇ ਨਿਵੇਸ਼ਕਾਂ ਨੂੰ ਵੱਡਾ ਰਿਟਰਨ ਦੇਣ ਦੀ ਤਿਆਰੀ ’ਚ ਹੈ। ਕੰਪਨੀ 16 ਅਪ੍ਰੈਲ ਨੂੰ ਹੋਣ ਵਾਲੀ ਬੋਰਡ ਮੀਟਿੰਗ ’ਚ ਸ਼ੇਅਰ ਬਾਏਬੈਕ ’ਤੇ ਵਿਚਾਰ ਕਰੇਗੀ, ਜਿੱਥੇ ਮਾਰਚ ਤਿਮਾਹੀ ਦੇ ਨਤੀਜਿਆਂ ’ਤੇ ਵੀ ਚਰਚਾ ਹੋਵੇਗੀ।
ਇਹ ਕਰੀਬ 3 ਸਾਲਾਂ ’ਚ ਪਹਿਲਾ ਮੌਕਾ ਹੈ, ਜਦੋਂ ਵਿਪਰੋ ਬਾਏਬੈਕ ’ਤੇ ਵਿਚਾਰ ਕਰ ਰਹੀ ਹੈ। ਇਸ ਤੋਂ ਪਹਿਲਾਂ ਜੂਨ 2023 ’ਚ ਕੰਪਨੀ ਨੇ 12,000 ਕਰੋੜ ਰੁਪਏ ਦਾ ਵੱਡਾ ਸ਼ੇਅਰ ਬਾਏਬੈਕ ਕੀਤਾ ਸੀ।
ਪਿਛਲਾ ਬਾਏਬੈਕ ਕਿਹੋ ਜਿਹਾ ਰਿਹਾ
2023 ’ਚ ਵਿਪਰੋ ਨੇ 22 ਜੂਨ ਤੋਂ 30 ਜੂਨ ਦੇ ਵਿਚਾਲੇ 26.96 ਕਰੋੜ ਸ਼ੇਅਰ, ਭਾਵ ਕੁੱਲ ਇਕੁਇਟੀ ਦਾ 4.91 ਫੀਸਦੀ ਹਿੱਸਾ, 445 ਰੁਪਏ ਪ੍ਰਤੀ ਸ਼ੇਅਰ ਦੇ ਭਾਅ ’ਤੇ ਵਾਪਸ ਖਰੀਦਿਆ ਸੀ। ਇਹ ਕੀਮਤ ਦਸੰਬਰ 2024 ’ਚ ਹੋਏ 1:1 ਬੋਨਸ ਇਸ਼ੂ ਦੇ ਹਿਸਾਬ ਨਾਲ ਐਡਜਸਟ ਨਹੀਂ ਹੈ।
ਕੰਪਨੀ ਦੀ ਮੈਨੇਜਮੈਂਟ ਨੇ ਪਹਿਲਾਂ ਹੀ ਸਾਫ ਕਰ ਦਿੱਤਾ ਸੀ ਕਿ ਸ਼ੇਅਰ ਬਾਏਬੈਕ ਸ਼ੇਅਰਧਾਰਕਾਂ ਨੂੰ ਕੈਸ਼ ਵਾਪਸ ਕਰਨ ਦਾ ਅਹਿਮ ਤਰੀਕਾ ਬਣਿਆ ਰਹੇਗਾ। ਭਾਵ ਆਉਣ ਵਾਲੇ ਸਮੇਂ ’ਚ ਵੀ ਅਜਿਹੇ ਕਦਮ ਦੇਖਣ ਨੂੰ ਮਿਲ ਸਕਦੇ ਹਨ।
ਵਿਪਰੋ ਕੋਲ ਮਜ਼ਬੂਤ ਕੈਸ਼
ਬ੍ਰੋਕਰੇਜ ਫਰਮ ਇਨਵੈਸਟੈੱਕ ਮੁਤਾਬਕ ਵਿਪਰੋ ਕੋਲ ਇਸ ਸਮੇਂ ਕਰੀਬ 41,000 ਕਰੋੜ ਰੁਪਏ ਦਾ ਨੈੱਟ ਕੈਸ਼ ਹੈ, ਜੋ ਕੰਪਨੀ ਦੀ ਕੁੱਲ ਮਾਰਕੀਟ ਵੈਲਿਊ ਦਾ ਕਰੀਬ 20 ਫੀਸਦੀ ਹੈ। ਪਿਛਲੀ ਵਾਰ ਬਾਏਬੈਕ ਦੇ ਸਮੇਂ ਇਹ ਅੰਕੜਾ ਕਰੀਬ 28,000 ਕਰੋੜ ਰੁਪਏ ਸੀ।
ਇਨਵੈਸਟੈੱਕ ਦਾ ਮੰਨਣਾ ਹੈ ਕਿ ਜੇਕਰ ਕੰਪਨੀ ਪਿਛਲੀ ਤਰ੍ਹਾਂ ਹੀ ਕਰੀਬ 20.4 ਫੀਸਦੀ ਫੰਡ ਦੀ ਵਰਤੋਂ ਕਰਦੀ ਹੈ, ਤਾਂ ਇਸ ਵਾਰ ਕਰੀਬ 16,000 ਕਰੋੜ ਰੁਪਏ ਤੱਕ ਦਾ ਬਾਏਬੈਕ ਹੋ ਸਕਦਾ ਹੈ।
ਕੀ ਘਟਣਗੀਆਂ Petrol Diesel ਦੀਆਂ ਕੀਮਤਾਂ! ਇਸ ਦੇਸ਼ ਤੋਂ ਭਾਰਤ ਆਵੇਗਾ ਸਸਤਾ ਕੱਚਾ ਤੇਲ
NEXT STORY 
