ਵੈੱਬ ਡੈਸਕ - ਹਿੰਦੂ ਪਰੰਪਰਾ 'ਚ ਵਾਸਤੂ ਸ਼ਾਸਤਰ ਦਾ ਬਹੁਤ ਮਹੱਤਵ ਹੈ, ਜੋ ਘਰ ਦੀ ਸੁੱਖ-ਸ਼ਾਂਤੀ ਅਤੇ ਖੁਸ਼ਹਾਲੀ ਨਾਲ ਜੁੜਿਆ ਹੋਇਆ ਹੈ। ਸਰੋਤਾਂ ਅਨੁਸਾਰ, ਕਈ ਵਾਰ ਅਸੀਂ ਅਣਜਾਣੇ 'ਚ ਅਜਿਹੀਆਂ ਛੋਟੀਆਂ ਗਲਤੀਆਂ ਕਰ ਦਿੰਦੇ ਹਾਂ ਜੋ ਘਰ 'ਚ ਨਕਾਰਾਤਮਕ ਊਰਜਾ ਵਧਾਉਂਦੀਆਂ ਹਨ ਅਤੇ ਆਰਥਿਕ ਤੰਗੀ ਦਾ ਕਾਰਨ ਬਣਦੀਆਂ ਹਨ। ਜੇਕਰ ਤੁਸੀਂ ਵੀ ਆਪਣੀ ਕਮਾਈ ਅਤੇ ਤਰੱਕੀ 'ਚ ਰੁਕਾਵਟਾਂ ਮਹਿਸੂਸ ਕਰ ਰਹੇ ਹੋ, ਤਾਂ ਘਰ ਦੇ ਇਨ੍ਹਾਂ 5 ਪ੍ਰਮੁੱਖ ਵਾਸਤੂ ਦੋਸ਼ਾਂ ਵੱਲ ਧਿਆਨ ਦਿਓ :-
ਮੁੱਖ ਦਰਵਾਜ਼ੇ 'ਤੇ ਜੁੱਤੀਆਂ-ਚੱਪਲਾਂ ਦਾ ਢੇਰ
ਘਰ ਦਾ ਮੁੱਖ ਦਰਵਾਜ਼ਾ ਸਕਾਰਾਤਮਕ ਊਰਜਾ ਦਾ ਪ੍ਰਵੇਸ਼ ਦੁਆਰ ਹੁੰਦਾ ਹੈ। ਜੇਕਰ ਇੱਥੇ ਜੁੱਤੀਆਂ-ਚੱਪਲਾਂ ਦਾ ਢੇਰ ਜਾਂ ਬੇਕਾਰ ਸਾਮਾਨ ਰੱਖਿਆ ਹੋਵੇ, ਤਾਂ ਇਹ ਖੁਸ਼ਹਾਲੀ ਦੇ ਪ੍ਰਵਾਹ ਨੂੰ ਰੋਕ ਦਿੰਦਾ ਹੈ। ਇਸ ਜਗ੍ਹਾ ਨੂੰ ਹਮੇਸ਼ਾ ਸਾਫ਼ ਅਤੇ ਵਿਵਸਥਿਤ ਰੱਖਣਾ ਚਾਹੀਦਾ ਹੈ।
ਪਾਣੀ ਦਾ ਰਿਸਾਅ
ਵਾਸਤੂ ਅਨੁਸਾਰ, ਘਰ 'ਚ ਟਪਕਦੇ ਨਲ, ਪਾਈਪ ਲੀਕ ਹੋਣਾ ਜਾਂ ਕੰਧਾਂ 'ਚ ਸੀਲਨ ਹੋਣਾ ਲਗਾਤਾਰ ਧਨ ਹਾਨੀ ਦਾ ਸੰਕੇਤ ਹੈ। ਅਜਿਹੀਆਂ ਸਮੱਸਿਆਵਾਂ ਨੂੰ ਜਿੰਨੀ ਜਲਦੀ ਹੋ ਸਕੇ ਠੀਕ ਕਰਵਾਉਣਾ ਚਾਹੀਦਾ ਹੈ।
ਟੁੱਟੀਆਂ-ਫੁੱਟੀਆਂ ਚੀਜ਼ਾਂ ਰੱਖਣਾ
ਘਰ 'ਚ ਖਰਾਬ ਫਰਨੀਚਰ, ਟੁੱਟੇ ਹੋਏ ਇਲੈਕਟ੍ਰਾਨਿਕਸ ਜਾਂ ਸਜਾਵਟੀ ਸਾਮਾਨ ਰੱਖਣ ਨਾਲ ਨਕਾਰਾਤਮਕਤਾ ਅਤੇ ਤਣਾਅ ਵਧਦਾ ਹੈ। ਵਾਸਤੂ ਅਨੁਸਾਰ, ਅਜਿਹੀਆਂ ਚੀਜ਼ਾਂ ਤਰੱਕੀ ਵਿਚ ਰੁਕਾਵਟ ਪਾਉਂਦੀਆਂ ਹਨ, ਇਸ ਲਈ ਇਨ੍ਹਾਂ ਨੂੰ ਤੁਰੰਤ ਘਰੋਂ ਬਾਹਰ ਕੱਢ ਦੇਣਾ ਚਾਹੀਦਾ ਹੈ।
ਸ਼ੀਸ਼ੇ (ਆਈਨੇ) ਦੀ ਗਲਤ ਦਿਸ਼ਾ
ਸ਼ੀਸ਼ਾ ਘਰ ਦੀ ਊਰਜਾ ਨੂੰ ਪ੍ਰਭਾਵਿਤ ਕਰਦਾ ਹੈ। ਬੈੱਡਰੂਮ 'ਚ ਜਾਂ ਗਲਤ ਦਿਸ਼ਾ 'ਚ ਲੱਗਿਆ ਸ਼ੀਸ਼ਾ ਮਾਨਸਿਕ ਤਣਾਅ ਅਤੇ ਅਸੰਤੁਲਨ ਪੈਦਾ ਕਰ ਸਕਦਾ ਹੈ। ਇਸ ਦੀ ਸਹੀ ਦਿਸ਼ਾ ਦਾ ਧਿਆਨ ਰੱਖਣਾ ਬਹੁਤ ਜ਼ਰੂਰੀ ਹੈ।
ਰਸੋਈ ਅਤੇ ਟਾਇਲਟ ਦੀ ਦਿਸ਼ਾ
ਵਾਸਤੂ 'ਚ ਉੱਤਰ-ਪੂਰਬ ਦਿਸ਼ਾ ਨੂੰ ਬਹੁਤ ਪਵਿੱਤਰ ਮੰਨਿਆ ਗਿਆ ਹੈ। ਜੇਕਰ ਇਸ ਦਿਸ਼ਾ 'ਚ ਰਸੋਈ ਜਾਂ ਟਾਇਲਟ ਹੋਵੇ, ਤਾਂ ਇਹ ਆਰਥਿਕ ਸਮੱਸਿਆਵਾਂ ਅਤੇ ਅਣਚਾਹੇ ਖਰਚਿਆਂ ਨੂੰ ਵਧਾ ਸਕਦਾ ਹੈ।
ਨਕਾਰਾਤਮਕਤਾ ਦੂਰ ਕਰਨ ਦੇ ਨੁਸਖ਼ੇ
- ਘਰ 'ਚ ਸੇਂਧਾ ਨਮਕ ਜਾਂ ਸਮੁੰਦਰੀ ਨਮਕ ਰੱਖਣ ਨਾਲ ਨਕਾਰਾਤਮਕ ਊਰਜਾ ਘੱਟ ਹੁੰਦੀ ਹੈ।
- ਉੱਤਰ ਦਿਸ਼ਾ 'ਚ ਮਨੀ ਪਲਾਂਟ ਜਾਂ ਛੋਟਾ ਫੁਹਾਰਾ ਰੱਖਣਾ ਸ਼ੁਭ ਮੰਨਿਆ ਜਾਂਦਾ ਹੈ।
- ਵਾਤਾਵਰਣ ਨੂੰ ਸ਼ੁੱਧ ਕਰਨ ਲਈ ਸਮੇਂ-ਸਮੇਂ 'ਤੇ ਕਪੂਰ ਜਲਾਉਣਾ ਚਾਹੀਦਾ ਹੈ।
ਨੋਟ: ਇਹ ਜਾਣਕਾਰੀ ਆਮ ਤੱਥਾਂ ਉਤੇ ਆਧਾਰਿਤ ਹੈ। ਜਗਬਾਣੀ ਇਸ ਦੀ ਕੋਈ ਪੁਸ਼ਟੀ ਨਹੀਂ ਕਰਦਾ।
22 ਮਈ ਤੋਂ ਸ਼ੁਰੂ ਹੋਵੇਗਾ ਇਨ੍ਹਾਂ 5 ਰਾਸ਼ੀਆਂ ਦਾ 'ਗੋਲਡਨ ਟਾਈਮ'! ਬਣ ਰਿਹੈ 'ਲਾਭ ਦ੍ਰਿਸ਼ਟੀ ਯੋਗ',...
NEXT STORY 
