ਵੈੱਬ ਡੈਸਕ: ਅਕਤੂਬਰ ਦਾ ਮਹੀਨਾ ਕਈ ਰਾਸ਼ੀਆਂ ਲਈ ਬਦਲਾਅ ਲੈ ਕੇ ਆ ਸਕਦਾ ਹੈ। ਇਸ ਸਮੇਂ ਸ਼ਨੀ ਮੀਨ ਰਾਸ਼ੀ ਵਿਚ ਵਕਰੀ ਚਾਲ ਚੱਲ ਰਹੇ ਹਨ ਅਤੇ ਦਸੰਬਰ ਤੱਕ ਇਸੇ ਸਥਿਤੀ ਵਿਚ ਰਹਿਣਗੇ। ਜੋਤਿਸ਼ ਵਿਚ ਸ਼ਨੀ ਨੂੰ ਕਰਮ ਅਤੇ ਨਿਆਂ ਨਾਲ ਜੁੜਿਆ ਗ੍ਰਹਿ ਮੰਨਿਆ ਜਾਂਦਾ ਹੈ, ਇਸ ਲਈ ਇਸ ਦੀ ਚਾਲ ਦਾ ਅਸਰ ਨੌਕਰੀ, ਵਪਾਰ, ਆਰਥਿਕ ਫੈਸਲਿਆਂ ਅਤੇ ਪਰਿਵਾਰਕ ਜੀਵਨ 'ਤੇ ਪੈਂਦਾ ਹੈ। ਸ਼ਨੀ 27 ਜੁਲਾਈ 2026 ਨੂੰ ਵਕਰੀ ਹੋਏ ਸਨ ਅਤੇ 11 ਦਸੰਬਰ 2026 ਤੱਕ ਲਗਭਗ 138 ਦਿਨ ਇਸੇ ਹਾਲਤ ਵਿਚ ਰਹਿਣਗੇ। ਇਸ ਦੌਰਾਨ 3 ਰਾਸ਼ੀਆਂ ਦੇ ਲੋਕਾਂ ਨੂੰ ਖਾਸ ਤੌਰ 'ਤੇ ਜਲਦਬਾਜ਼ੀ ਤੋਂ ਬਚਣ ਅਤੇ ਸੋਚ-ਸਮਝ ਕੇ ਫ਼ੈਸਲੇ ਲੈਣ ਦੀ ਸਲਾਹ ਦਿੱਤੀ ਗਈ ਹੈ:
1. ਸਿੰਘ ਰਾਸ਼ੀ (Leo): ਸਿੰਘ ਰਾਸ਼ੀ ਵਾਲਿਆਂ ਨੂੰ ਅਕਤੂਬਰ ਵਿਚ ਕੰਮ ਵਾਲੀ ਥਾਂ 'ਤੇ ਛੋਟੀਆਂ-ਛੋਟੀਆਂ ਗੱਲਾਂ ਨੂੰ ਲੈ ਕੇ ਤਣਾਅ ਹੋ ਸਕਦਾ ਹੈ। ਕਿਸੇ ਵੀ ਵੱਡੇ ਫੈਸਲੇ ਤੋਂ ਪਹਿਲਾਂ ਸਾਰੇ ਪਹਿਲੂਆਂ 'ਤੇ ਵਿਚਾਰ ਕਰਨਾ ਬਿਹਤਰ ਰਹੇਗਾ। ਵੱਡਾ ਨਿਵੇਸ਼ ਕਰਨ ਤੋਂ ਪਹਿਲਾਂ ਪੂਰੀ ਜਾਂਚ-ਪੜਤਾਲ ਕਰੋ। ਜੇਕਰ ਪਰਿਵਾਰ ਵਿਚ ਕੋਈ ਮਤਭੇਦ ਹੋਵੇ, ਤਾਂ ਗੱਲਬਾਤ ਨਾਲ ਮਾਮਲਾ ਸੁਲਝਾਉਣ ਦੀ ਕੋਸ਼ਿਸ਼ ਕਰੋ।
2. ਮਕਰ ਰਾਸ਼ੀ (Capricorn): ਮਕਰ ਰਾਸ਼ੀ ਦੇ ਸੁਆਮੀ ਸ਼ਨੀ ਹੀ ਹਨ। ਇਸ ਮਹੀਨੇ ਪੁਰਾਣੇ ਕਰਜ਼ੇ, ਨਿਵੇਸ਼ ਜਾਂ ਵੱਡੇ ਖਰਚੇ ਬਾਰੇ ਬਿਨਾਂ ਸੋਚੇ-ਸਮਝੇ ਫੈਸਲਾ ਲੈਣ ਤੋਂ ਬਚੋ। ਮਿਹਨਤ ਦੇ ਬਾਵਜੂਦ ਨਤੀਜੇ ਮਿਲਣ ਵਿੱਚ ਦੇਰੀ ਹੋ ਸਕਦੀ ਹੈ, ਇਸ ਲਈ ਧੀਰਜ ਰੱਖੋ ਅਤੇ ਆਪਣੇ ਬਜਟ ਦੇ ਅਨੁਸਾਰ ਹੀ ਖਰਚਾ ਕਰੋ।
3. ਕਰਕ ਰਾਸ਼ੀ (Cancer): ਕਰਕ ਰਾਸ਼ੀ ਵਾਲਿਆਂ ਨੂੰ ਭਾਵਨਾਵਾਂ ਵਿਚ ਆ ਕੇ ਕੋਈ ਵੱਡਾ ਫੈਸਲਾ ਨਹੀਂ ਲੈਣਾ ਚਾਹੀਦਾ। ਆਰਥਿਕ ਮਾਮਲਿਆਂ ਵਿਚ ਵੱਡਾ ਖਰਚ ਕਰਨ ਤੋਂ ਪਹਿਲਾਂ ਚੰਗੀ ਤਰ੍ਹਾਂ ਸੋਚੋ। ਪਰਿਵਾਰ ਵਿਚ ਗੁੱਸੇ ਤੋਂ ਬਚੋ ਅਤੇ ਕਰੀਅਰ ਵਿਚ ਬਦਲਾਅ ਲਈ ਸਹੀ ਸਮੇਂ ਦਾ ਇੰਤਜ਼ਾਰ ਕਰੋ।
ਸ਼ਨੀ ਦੇ ਪ੍ਰਭਾਵ ਤੋਂ ਬਚਣ ਲਈ ਉਪਾਅ
- ਸ਼ਨੀਵਾਰ ਨੂੰ ਲੋੜਵੰਦਾਂ ਨੂੰ ਕਾਲੇ ਤਿਲ, ਉੜਦ ਦੀ ਦਾਲ ਜਾਂ ਸਰ੍ਹੋਂ ਦੇ ਤੇਲ ਦਾ ਦਾਨ ਕਰਨਾ ਸ਼ੁਭ ਮੰਨਿਆ ਜਾਂਦਾ ਹੈ।
- ਸ਼ਨੀਵਾਰ ਜਾਂ ਮੰਗਲਵਾਰ ਨੂੰ ਹਨੂਮਾਨ ਚਾਲੀਸਾ ਦਾ ਪਾਠ ਕਰੋ ਅਤੇ 'ਓਮ ਸ਼ੰ ਸ਼ਨੈਸ਼ਚਰਾਏ ਨਮਹ' ਮੰਤਰ ਦਾ ਜਾਪ ਕਰੋ।
ਕਰੋੜਾਂ ਦਾ ਬਿਜ਼ਨੈੱਸ ਬਣਿਆ ਆਨਲਾਈਨ ਜੋਤਿਸ਼ : ਨਿਵੇਸ਼ਕਾਂ ਨੇ ਲਗਾਏ ਕਰੋੜਾਂ ਰੁਪਏ
NEXT STORY 
