ਨਵੀਂ ਦਿੱਲੀ : ਅਕਸਰ ਅਸੀਂ ਸਖ਼ਤ ਮਿਹਨਤ ਦੇ ਬਾਵਜੂਦ ਘਰ 'ਚ ਆਰਥਿਕ ਤੰਗੀ ਜਾਂ ਮਾਨਸਿਕ ਤਣਾਅ ਮਹਿਸੂਸ ਕਰਦੇ ਹਾਂ। ਵਾਸਤੂ ਸ਼ਾਸਤਰ ਅਨੁਸਾਰ, ਘਰ ਦਾ ਮੁੱਖ ਦਰਵਾਜ਼ਾ ਸਿਰਫ਼ ਲੱਕੜ ਦਾ ਇੱਕ ਢਾਂਚਾ ਨਹੀਂ ਹੈ, ਸਗੋਂ ਇਹ ਊਰਜਾ ਦੇ ਪ੍ਰਵੇਸ਼ ਦਾ ਮੁੱਖ ਬਿੰਦੂ ਹੈ। ਜੇਕਰ ਇਸ 'ਚ ਕੁਝ ਵਾਸਤੂ ਦੋਸ਼ ਹਨ ਤਾਂ ਇਹ ਸਕਾਰਾਤਮਕ ਊਰਜਾ ਤੇ ਧਨ ਦੇ ਆਗਮਨ ਨੂੰ ਰੋਕ ਸਕਦੇ ਹਨ।
ਵਾਸਤੂ ਮਾਹਿਰਾਂ ਅਨੁਸਾਰ ਮੁੱਖ ਦਰਵਾਜ਼ੇ ਨਾਲ ਜੁੜੀਆਂ ਹੇਠ ਲਿਖੀਆਂ 4 ਗਲਤੀਆਂ ਤੁਹਾਡੀ ਤਰੱਕੀ ਵਿੱਚ ਰੁਕਾਵਟ ਬਣ ਸਕਦੀਆਂ ਹਨ।
ਦਰਵਾਜ਼ਾ ਖੁੱਲ੍ਹਣ ਦੀ ਗਲਤ ਦਿਸ਼ਾ: ਵਾਸਤੂ ਅਨੁਸਾਰ ਜੇਕਰ ਦਰਵਾਜ਼ਾ ਬਾਹਰ ਵੱਲ ਜਾਂ ਘੜੀ ਦੀ ਉਲਟ ਦਿਸ਼ਾ (Anti-clockwise) 'ਚ ਖੁੱਲ੍ਹਦਾ ਹੈ ਤਾਂ ਇਹ ਇੱਕ 'ਦਿਸ਼ਾ ਦੋਸ਼' ਹੈ। ਇਹ ਸਕਾਰਾਤਮਕ ਊਰਜਾ ਦੇ ਪ੍ਰਵਾਹ ਨੂੰ ਰੋਕਦਾ ਹੈ, ਜਿਸ ਨਾਲ ਘਰ ਦੀ ਬਰਕਤ ਰੁਕ ਜਾਂਦੀ ਹੈ ਅਤੇ ਆਰਥਿਕ ਰੁਕਾਵਟਾਂ ਪੈਦਾ ਹੁੰਦੀਆਂ ਹਨ।
ਦਰਵਾਜ਼ੇ 'ਤੇ ਹਨੇਰਾ ਹੋਣਾ: ਅਕਸਰ ਲੋਕ ਮੁੱਖ ਦਰਵਾਜ਼ੇ 'ਤੇ ਰੌਸ਼ਨੀ ਵੱਲ ਧਿਆਨ ਨਹੀਂ ਦਿੰਦੇ। ਪ੍ਰਵੇਸ਼ ਦੁਆਰ 'ਤੇ ਹਨੇਰਾ ਹੋਣਾ ਨਕਾਰਾਤਮਕਤਾ ਨੂੰ ਆਕਰਸ਼ਿਤ ਕਰਦਾ ਹੈ, ਜਿਸਦਾ ਸਿੱਧਾ ਅਸਰ ਘਰ ਦੀ ਖੁਸ਼ਹਾਲੀ 'ਤੇ ਪੈਂਦਾ ਹੈ।
ਦਰਵਾਜ਼ੇ ਦਾ ਸ਼ੋਰ ਤੇ ਜੰਗ: ਜੇਕਰ ਦਰਵਾਜ਼ਾ ਖੋਲ੍ਹਦੇ ਸਮੇਂ ਅਜੀਬ ਆਵਾਜ਼ਾਂ ਆਉਂਦੀਆਂ ਹਨ ਜਾਂ ਦਰਵਾਜ਼ੇ ਦੇ ਕਬਜ਼ਿਆਂ (Hinges) ਨੂੰ ਜੰਗ ਲੱਗਿਆ ਹੋਇਆ ਹੈ ਤਾਂ ਇਹ 'ਧੁਨੀ ਦੋਸ਼' ਪੈਦਾ ਕਰਦਾ ਹੈ। ਇਸ ਨਾਲ ਘਰ ਦੇ ਮਾਹੌਲ ਵਿੱਚ ਮਾਨਸਿਕ ਅਸ਼ਾਂਤੀ ਅਤੇ ਕਲੇਸ਼ ਵਧਦਾ ਹੈ।
ਦਹਲੀਜ਼ 'ਤੇ ਗੰਦਗੀ ਅਤੇ ਜੁੱਤੀਆਂ: ਮੁੱਖ ਦਰਵਾਜ਼ੇ ਦੇ ਸਾਹਮਣੇ ਜੁੱਤੀਆਂ-ਚੱਪਲਾਂ ਦਾ ਖਿਲਾਰਾ ਜਾਂ ਗੰਦੀ ਦਹਲੀਜ਼ ਮਾਤਾ ਲੱਛਮੀ ਦੇ ਆਗਮਨ ਨੂੰ ਰੋਕਦੀ ਹੈ ਅਤੇ ਘਰ ਵਿੱਚ ਦਰਿਦਰਤਾ ਦਾ ਕਾਰਨ ਬਣਦੀ ਹੈ।
ਖੁਸ਼ਹਾਲੀ ਲਈ 3 ਸਰਲ ਉਪਾਅ
1. ਸਹੀ ਦਿਸ਼ਾ: ਜੇਕਰ ਸੰਭਵ ਹੋਵੇ ਤਾਂ ਦਰਵਾਜ਼ਾ ਹਮੇਸ਼ਾ ਅੰਦਰ ਵੱਲ ਤੇ ਘੜੀ ਦੀ ਦਿਸ਼ਾ (Clockwise) 'ਚ ਖੁੱਲ੍ਹਣ ਵਾਲਾ ਹੋਣਾ ਚਾਹੀਦਾ ਹੈ।
2. ਰੌਸ਼ਨੀ ਤੇ ਨੇਮਪਲੇਟ: ਪ੍ਰਵੇਸ਼ ਦੁਆਰ 'ਤੇ ਹਮੇਸ਼ਾ ਉਜਵਲ ਰੌਸ਼ਨੀ ਰੱਖੋ ਤੇ ਇੱਕ ਸਾਫ਼ ਨੇਮਪਲੇਟ ਲਗਾਓ, ਜੋ ਸਕਾਰਾਤਮਕ ਊਰਜਾ ਨੂੰ ਘਰ ਵੱਲ ਖਿੱਚਦੀ ਹੈ।
3. ਦੇਖਭਾਲ: ਦਰਵਾਜ਼ੇ ਦੇ ਕਬਜ਼ਿਆਂ 'ਚ ਨਿਯਮਤ ਤੇਲ (Oiling) ਪਾਉਂਦੇ ਰਹੋ ਤਾਂ ਜੋ ਆਵਾਜ਼ ਨਾ ਆਵੇ ਅਤੇ ਪ੍ਰਵੇਸ਼ ਦੁਆਰ ਨੂੰ ਹਮੇਸ਼ਾ ਸਾਫ਼-ਸੁਥਰਾ ਰੱਖੋ।
ਇਨ੍ਹਾਂ ਛੋਟੇ ਪਰ ਪ੍ਰਭਾਵਸ਼ਾਲੀ ਵਾਸਤੂ ਬਦਲਾਵਾਂ ਨਾਲ ਤੁਸੀਂ ਆਪਣੇ ਘਰ 'ਚ ਧਨ ਅਤੇ ਖੁਸ਼ਹਾਲੀ ਦੇ ਨਵੇਂ ਰਸਤੇ ਖੋਲ੍ਹ ਸਕਦੇ ਹੋ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਰਸੋਈ 'ਚ ਤਵਾ ਅਤੇ ਕੜਾਹੀ ਬਦਲ ਸਕਦੇ ਨੇ ਤੁਹਾਡੀ ਕਿਸਮਤ, ਬਸ ਕਰ ਲਓ ਇਹ ਛੋਟਾ ਜਿਹਾ ਕੰਮ
NEXT STORY 
