ਜਲੰਧਰ (ਖੁਰਾਣਾ)– ਨਗਰ ਨਿਗਮ ਜਲੰਧਰ ਦੀ ਕੌਂਸਲਰ ਹਾਊਸ ਦੀ ਮੀਟਿੰਗ ਲਗਭਗ 3 ਮਹੀਨੇ ਬਾਅਦ ਜਦੋਂ 22 ਅਕਤੂਬਰ ਨੂੰ ਅਜੇ ਸ਼ੁਰੂ ਹੀ ਹੋਈ ਸੀ ਕਿ ਕਾਂਗਰਸੀ ਕੌਂਸਲਰ ਮਨਮੋਹਨ ਸਿੰਘ ਰਾਜੂ ਅਤੇ ਪਵਨ ਕੁਮਾਰ ਨੇ ਖੜ੍ਹੇ ਹੋ ਕੇ ਇਹ ਕਹਿ ਦਿੱਤਾ ਕਿ ਉਹ ਹਾਊਸ ਦੀ ਮੀਟਿੰਗ ਦਾ ਏਜੰਡਾ ਪੜ੍ਹ ਕੇ ਨਹੀਂ ਆਏ। ਇਸ ਲਈ ਮੀਟਿੰਗ ਕੁਝ ਦਿਨਾਂ ਲਈ ਰੱਦ ਕਰ ਦਿੱਤੀ ਜਾਏ। ਮੇਅਰ ਨੇ ਵੀ ਦੋਵਾਂ ਕੌਂਸਲਰਾਂ ਦੀ ਗੱਲ ਮੰਨਦਿਆਂ ਮਿੰਟਾਂ ਵਿਚ ਹੀ ਮੀਟਿੰਗ ਖ਼ਤਮ ਕਰ ਦਿੱਤੀ, ਜਿਸ ਤੋਂ ਬਾਅਦ ਖ਼ੂਬ ਹੰਗਾਮਾ ਹੋਇਆ ਅਤੇ ਕਾਂਗਰਸੀ ਕੌਂਸਲਰਾਂ ਨੇ ਹੀ ਡੰਮੀ ਹਾਊਸ ਚਲਾਇਆ। ਇਸ ਦੌਰਾਨ ਕਾਂਗਰਸੀ ਕੌਂਸਲਰ ਦੇਸਰਾਜ ਜੱਸਲ ਨੇ ਪੂਰੇ ਹਾਊਸ ਅੱਗੇ ਇਹ ਮੰਗ ਕਰ ਦਿੱਤੀ ਕਿ ਅਗਲੀ ਮੀਟਿੰਗ ਦੌਰਾਨ ਮੇਅਰ ਨੂੰ ਬਦਲਣ ਬਾਰੇ ਏਜੰਡਾ ਲਿਆਂਦਾ ਜਾਵੇ। ਉਨ੍ਹਾਂ ਇਹ ਵੀ ਤਰਕ ਦਿੱਤਾ ਕਿ ਜੇਕਰ ਪੰਜਾਬ ਵਿਚ ਨਾਨ-ਪਰਫਾਰਮੈਂਸ ਕਾਰਨ ਕੈਪਟਨ ਅਮਰਿੰਦਰ ਸਿੰਘ ਨੂੰ ਬਦਲਿਆ ਜਾ ਸਕਦਾ ਹੈ ਤਾਂ ਜਲੰਧਰ ਵਿਚ ਮੇਅਰ ਕਿਉਂ ਨਹੀਂ ਬਦਲ ਸਕਦਾ।
ਇਹ ਵੀ ਪੜ੍ਹੋ: ਕੈਪਟਨ ਦਾ ਵਿਰੋਧੀਆਂ ਨੂੰ ਕਰਾਰਾ ਜਵਾਬ, ਅਰੂਸਾ ਆਲਮ ਦੀਆਂ ਤਸਵੀਰਾਂ ਸਾਂਝੀਆਂ ਕਰ ਕਹੀਆਂ ਵੱਡੀਆਂ ਗੱਲਾਂ
ਇਸ ਤੋਂ ਬਾਅਦ ਕੌਂਸਲਰ ਹਾਊਸ ਦੀ ਮੀਟਿੰਗ ਨੂੰ ਰੱਦ ਕਰਨ ਬਾਰੇ ਕਈ ਅਟਕਲਾਂ ਲੱਗਣ ਲੱਗੀਆਂ ਅਤੇ ਵਿਰੋਧੀ ਧਿਰ ਨੇ ਵੀ ਇਸ ਮੁੱਦੇ ’ਤੇ ਮੇਅਰ ਨੂੰ ਖੂਬ ਘੇਰਿਆ। ਵਿਧਾਇਕਾਂ ਵਿਚ ਨਾਰਾਜ਼ਗੀ ਦੇਖੀ ਗਈ, ਜਿਸ ਕਾਰਨ ਹੁਣ ਇਕ ਹਫ਼ਤੇ ਅੰਦਰ ਹੀ ਕੌਂਸਲਰ ਹਾਊਸ ਦੀ ਅਗਲੀ ਮੀਟਿੰਗ ਬੁਲਾ ਲਈ ਗਈ ਹੈ, ਜਿਹੜੀ 28 ਅਕਤੂਬਰ ਨੂੰ ਸਵੇਰੇ 11 ਵਜੇ ਰੈੱਡ ਕਰਾਸ ਭਵਨ ਦੇ ਹਾਲ ਵਿਚ ਹੋਵੇਗੀ। ਇਸ ਮੀਟਿੰਗ ਦੇ ਏਜੰਡੇ ਵਿਚ 21 ਪ੍ਰਸਤਾਵਾਂ ਵਾਲਾ ਸਪਲੀਮੈਂਟਰੀ ਏਜੰਡਾ ਵੀ ਜੋੜਿਆ ਗਿਆ ਹੈ।
ਸਪਲੀਮੈਂਟਰੀ ਏਜੰਡੇ ਵਿਚ ਆ ਰਹੇ ਪ੍ਰਸਤਾਵ
14 ਅਹੁਦੇ ਭਰਨ ਲਈ ਨਿਗਮ ਵੱਲੋਂ ਬਣਾਏ ਸਰਵਿਸ ਰੂਲਜ਼ ਨੂੰ ਮਨਜ਼ੂਰੀ ਦਿੱਤੀ ਜਾਵੇਗੀ
ਕਲਰਕ ਨੂੰ ਜੂਨੀਅਰ ਸਹਾਇਕ ਦੀ ਤਰੱਕੀ ਬਾਰੇ ਪ੍ਰਸਤਾਵ
ਅਮਰੂਤ ਯੋਜਨਾ ਤਹਿਤ 2 ਕਰੋੜ ਰੁਪਏ ਦਾ ਕੰਮ ਹੋਰ ਕਰਵਾਇਆ ਜਾਵੇਗਾ
ਮਾਡਲ ਟਾਊਨ ਦੀਆਂ ਡੇਅਰੀਆਂ ਤੋਂ ਜਿਹੜੀ ਸੜਕ ਪੀ. ਪੀ. ਆਰ. ਮਾਲ ਤੱਕ ਕੱਢੀ ਗਈ ਹੈ, ਉਸ ਨੂੰ ਕਮਰਸ਼ੀਅਲ ਐਲਾਨਣ ਬਾਰੇ ਪ੍ਰਸਤਾਵ
ਕਿਡਨੀ ਹਸਪਤਾਲ ਤੋਂ ਜੋਤੀ ਨਗਰ ਮੋੜ ਤੱਕ ਸੜਕ ਕਮਰਸ਼ੀਅਲ ਐਲਾਨੀ ਜਾਵੇਗੀ
ਨਿਗਮ ਦੀ ਲੰਮਾ ਪਿੰਡ ਚੌਂਕ ਸਥਿਤ ਵਰਕਸ਼ਾਪ ਵਾਲੇ ਸਥਾਨ ’ਤੇ ਸਮਾਰਟ ਸਿਟੀ ਦੇ ਫੰਡ ਨਾਲ ਸਟੇਡੀਅਮ ਬਣਾਇਆ ਜਾਵੇਗਾ
ਸਵਾ ਸਾਲ ਪਹਿਲਾਂ ਸ਼ਹਿਰ ਵਿਚ ਕੂੜਾ ਆਦਿ ਚੁੱਕਣ ਲਈ ਕਿਰਾਏ ’ਤੇ ਲਈਆਂ ਗਈਆਂ 24 ਟਰਾਲੀਆਂ ਦੇ ਟੈਂਡਰ ਨੂੰ 25 ਫੀਸਦੀ ਭਾਵ ਲਗਭਗ 3 ਮਹੀਨਿਆਂ ਲਈ ਹੋਰ ਵਧਾਇਆ ਜਾਵੇ
ਇਹ ਵੀ ਪੜ੍ਹੋ: ਭੋਗਪੁਰ: ਕਰਵਾਚੌਥ ਵਾਲੇ ਦਿਨ ਉਜੜਿਆ ਪਰਿਵਾਰ, ਭਿਆਨਕ ਸੜਕ ਹਾਦਸੇ 'ਚ ਇਕੋ ਪਰਿਵਾਰ ਦੇ ਤਿੰਨ ਜੀਆਂ ਦੀ ਮੌਤ
ਸੱਤਾ ਅਤੇ ਵਿਰੋਧੀ ਧਿਰ ਵੱਲੋਂ ਹੰਗਾਮਾ ਤੈਅ
22 ਅਕਤੂਬਰ ਨੂੰ ਹੋਈ ਮੀਟਿੰਗ ਤੋਂ ਬਾਅਦ ਕਾਂਗਰਸੀ ਕੌਂਸਲਰ ਦੇਸਰਾਜ ਜੱਸਲ ਨੇ ਕਾਫੀ ਜ਼ੋਰ-ਸ਼ੋਰ ਨਾਲ ਮੇਅਰ ਵਿਰੁੱਧ ਗੱਲਾਂ ਕਹੀਆਂ ਸਨ ਅਤੇ ਇਸ ਵਾਰ ਦੀ ਹਾਊਸ ਦੀ ਮੀਟਿੰਗ ਵਿਚ ਉਨ੍ਹਾਂ ਦੇ ਤੇਵਰ ਤਿੱਖੇ ਹੀ ਰਹਿਣਗੇ। ਮੇਅਰ ਸਮਰਥਕ ਕੌਂਸਲਰਾਂ ਨਾਲ ਜੱਸਲ ਅਤੇ ਹੋਰਨਾਂ ਦੀ ਝੜਪ ਹੋਣੀ ਤੈਅ ਮੰਨੀ ਜਾ ਰਹੀ ਹੈ। ਇਸ ਤੋਂ ਇਲਾਵਾ ਵਿਰੋਧੀ ਧਿਰ ਵੀ ਇਸ ਵਾਰ ਤਿਆਰੀ ਨਾਲ ਆਵੇਗੀ ਕਿਉਂਕਿ ਪਿਛਲੀ ਮੀਟਿੰਗ ਦੌਰਾਨ ਵਿਰੋਧੀ ਧਿਰ ਦੀ ਗੈਰ-ਹਾਜ਼ਰੀ ਨੇ ਕਈ ਸਵਾਲ ਖੜ੍ਹੇ ਕਰ ਦਿੱਤੇ ਸਨ।
ਇਹ ਵੀ ਪੜ੍ਹੋ: ਜਲੰਧਰ ਦੇ ਸੈਂਟਰਲ ਹਲਕੇ ਤੋਂ ਵਿਧਾਇਕ ਰਜਿੰਦਰ ਬੇਰੀ ਅਦਾਲਤ ਵੱਲੋਂ ਦੋਸ਼ੀ ਕਰਾਰ, ਜਾਣੋ ਕੀ ਹੈ ਪੂਰਾ ਮਾਮਲਾ?
ਨੋਟ : ਇਸ ਖ਼ਬਰ ਸਬੰਧੀ ਕੁਮੈਂਟ ਕਰਕੇ ਦਿਓ ਆਪਣੀ ਰਾਏ
ਸ਼੍ਰੋਮਣੀ ਅਕਾਲੀ ਦਲ 29 ਨੂੰ ਵਾਹਗਾ ਬਾਰਡਰ ਤੋਂ ਗੋਲਡਨ ਗੇਟ ਅੰਮ੍ਰਿਤਸਰ ਤਕ ਕੱਢੇਗਾ ਰੋਡ ਸ਼ੋਅ
NEXT STORY 
