ਜਲੰਧਰ (ਸੁਨੀਲ)— ਜਲੰਧਰ 'ਚ ਜਿਸਮ ਫਿਰੋਸ਼ੀ ਦਾ ਧੰਦਾ ਕਰਨ ਵਾਲਿਆਂ ਨੇ ਸੈਕਸ ਰੈਕੇਟ ਚਲਾਉਣ ਦਾ ਅਜਿਹਾ ਤਰੀਕਾ ਅਪਣਾਇਆ ਹੈ, ਜਿਸ ਨੂੰ ਜਾਣ ਕੇ ਤੁਸੀਂ ਹੈਰਾਨ ਰਹਿ ਜਾਓਗੇ। ਜਿਸਮ ਫਿਰੋਸ਼ੀ ਦੇ ਅੱਡਿਆਂ 'ਤੇ ਪੁਲਸ ਵੱਲੋਂ ਨਕੇਲ ਕੱਸਣ ਕਾਰਨ ਇਸ ਕੰਮ 'ਚ ਸ਼ਾਮਲ ਜਿਸਮ ਦੇ ਸੌਦਾਗਰਾਂ ਨੇ ਬੇਖੌਫ ਹੋ ਕੇ ਪੁਲਸ ਦੀ ਅੱਖਾਂ 'ਚ ਘੱਟਾ ਪਾਉਂਦੇ ਹੋਏ ਨੈਸ਼ਨਲ ਹਾਈਵੇਅ 'ਤੇ ਟਰੱਕਾਂ 'ਚ ਜਿਸਮ ਫਿਰੋਸ਼ੀ ਕਰਨੀ ਸ਼ੁਰੂ ਕਰ ਦਿੱਤੀ ਹੈ।
ਜਾਣਕਾਰੀ ਅਨੁਸਾਰ ਮੀਲਾਂ ਦਾ ਸਫਰ ਤੈਅ ਕਰਨ ਵਾਲੇ ਟਰੱਕ ਚਾਲਕ ਇਸ ਜਿਸਮ ਦੇ ਸੌਦਾਗਰਾਂ ਦੇ ਮੁੱਖ ਗਾਹਕ ਹੁੰਦੇ ਹਨ ਕਿਉਂਕਿ ਟਰੱਕ ਚਾਲਕਾਂ ਦਾ ਕੋਈ ਪਤਾ ਨਹੀਂ ਹੁੰਦਾ ਕਿ ਰਾਤ ਕਿੱਥੇ ਗੁਜ਼ਾਰਨੀ ਹੈ। ਸਭ ਤੋਂ ਵੱਡੀ ਗੱਲ ਇਹ ਹੈ ਕਿ ਇਹ ਲੋਕ ਐੱਚ. ਆਈ. ਵੀ. ਭਾਵ ਏਡਜ਼ ਗ੍ਰਸਤ ਹੁੰਦੇ ਹਨ ਕਿਉਂਕਿ ਆਪਣੇ ਸਫਰ ਦੌਰਾਨ ਇਹ ਕਿਤੇ ਵੀ ਕਿਸੇ ਨਾਲ ਵੀ ਹਮਬਿਸਤਰ ਹੋਣ ਤੋਂ ਨਹੀਂ ਹਿਚਕਿਚਾਉਂਦੇ। ਸਰਕਾਰ ਵੀ ਏਡਜ਼ ਪੀੜਤ ਲੋਕਾਂ ਵੱਲ ਜ਼ਿਆਦਾ ਤਵੱਜੋ ਦੇ ਰਹੀ ਹੈ ਪਰ ਇਸ ਨੂੰ ਨਕਾਰਦੇ ਹੋਏ ਜਲੰਧਰ ਦੇ ਥਾਣਾ ਮਕਸੂਦਾਂ ਅਧੀਨ ਆਉਂਦੇ ਪਠਾਨਕੋਟ ਰੋਡ ਪਿੰਡ ਕਾਨਪੁਰ ਦੇ ਨੇੜੇ ਨਵੀਂ ਚੁੰਗੀ 'ਤੇ ਚੱਲਦੇ-ਫਿਰਦੇ ਹਾਈਵੇ ਵੇਸਵਾ ਘਰ ਤੁਹਾਨੂੰ ਮਿਲ ਸਕਦੇ ਹਨ, ਜਿਸ ਦਾ ਸੰਚਾਲਨ ਕੋਈ ਇਕ ਵਿਅਕਤੀ ਨਹੀਂ ਸਗੋਂ ਕੁਝ ਔਰਤਾਂ ਵੱਲੋਂ ਬਣਾਇਆ ਹੋਇਆ ਇਕ ਗਰੁੱਪ ਕਰ ਰਿਹਾ ਹੈ। ਇਹ ਗਰੁੱਪ ਸਿਰਫ ਟਰੱਕ ਚਾਲਕਾਂ ਨੂੰ ਹੀ ਔਰਤਾਂ ਮੁਹੱਈਆ ਕਰਵਾ ਰਿਹਾ ਹੈ।
ਰਾਤ ਤੋਂ ਦਿਨ ਤੱਕ ਚੱਲਦਾ ਹੈ ਗੰਦਾ ਕੰਮ
ਇੰਨਾ ਹੀ ਨਹੀਂ, ਇਸ ਧੰਦੇ 'ਚ ਲੱਗੀਆਂ ਕੁਝ ਔਰਤਾਂ ਖੁਦ ਹੀ ਗਾਹਕ ਤਲਾਸ਼ ਲੈਂਦੀਆਂ ਹਨ ਕਿਉਂਕਿ ਸਿਰਫ ਪੈਸਿਆਂ 'ਚ ਮੁਹੱਈਆ ਹੋਣ ਵਾਲੀਆਂ ਇਨ੍ਹਾਂ ਔਰਤਾਂ ਵੱਲੋਂ ਇਸ ਗੰਦੇ ਕੰਮ ਨੂੰ ਰਾਤ ਦੇ ਹਨੇਰੇ 'ਚ ਅੰਜਾਮ ਦਿੱਤਾ ਜਾਂਦਾ ਹੈ ਅਤੇ ਦਿਨ ਤੱਕ ਚੱਲਦਾ ਹੈ। ਇਸ ਲਈ ਟਰੱਕਾਂ ਦੀ ਆੜ 'ਚ ਖਾਲੀ ਸੁੰਨਸਾਨ ਜਗ੍ਹਾ 'ਤੇ ਚਾਲਕ ਮੌਜ-ਮਸਤੀ ਲਈ ਡੇਰਾ ਜਮਾਉਂਦੇ ਹਨ। ਦੇਖਣ 'ਚ ਲੱਗਦਾ ਹੈ ਕਿ ਸ਼ਾਇਦ ਇਹ ਥੱਕੇ-ਹਾਰੇ ਚਾਲਕ ਨੇ ਡੇਰਾ ਲਾਇਆ ਹੋਇਆ ਹੈ। ਜਦੋਂ ਇਸ ਮਾਮਲੇ ਦੀ ਜਾਂਚ ਕੀਤੀ ਗਈ ਤਾਂ ਪਤਾ ਲੱਗਾ ਕਿ ਇਹ ਤਾਂ ਚੱਲਦੇ-ਫਿਰਦੇ ਵੇਸਵਾ ਘਰ ਹਨ।
ਟਰੱਕਾਂ 'ਚ ਹੁੰਦੇ ਹਨ ਹਮਬਿਸਤਰ
ਸੜਕ ਕੰਢੇ ਬਣੇ ਚਾਹ ਦੇ ਖੋਖਿਆਂ ਅਤੇ ਢਾਬੇ ਵਾਲਿਆਂ ਦਾ ਕਹਿਣਾ ਹੈ ਕਿ ਟਰੱਕ ਚਾਲਕਾਂ ਨੂੰ ਔਰਤਾਂ ਇਥੇ ਆਸਾਨੀ ਨਾਲ ਸੈਕਸ ਲਈ ਮਿਲ ਜਾਂਦੀਆਂ ਹਨ, ਜਿਸ ਕਾਰਨ ਅਸੀਂ ਕਾਫੀ ਪ੍ਰੇਸ਼ਾਨ ਹਾਂ। ਇਥੇ ਕਿਸੇ ਹੋਟਲ ਦੀ ਜ਼ਰੂਰਤ ਨਹੀਂ ਸਗੋਂ ਟਰੱਕਾਂ ਦੇ ਕੈਬਿਨ 'ਚ ਔਰਤਾਂ ਪਰੋਸੀਆਂ ਜਾਂਦੀਆਂ ਹਨ, ਜੋ ਵੀ ਟਰੱਕ ਡਰਾਈਵਰ ਰਾਤ ਦੌਰਾਨ ਡੇਰਾ ਲਾਉਂਦਾ ਹੈ ਤਾਂ ਇਸ ਧੰਦੇ 'ਚ ਸ਼ਾਮਲ ਔਰਤਾਂ ਖੁਦ ਹੀ ਉਸ ਨਾਲ ਸੰਪਰਕ ਬਣਾ ਲੈਂਦੀਆਂ ਹਨ ਅਤੇ ਪੈਸੇ ਦੀ ਸੈਟਲਮੈਂਟ ਕੀਤੀ ਜਾਂਦੀ ਹੈ। ਟਰੱਕਾਂ ਦੇ ਕੈਬਿਨ ਨੂੰ ਬਹੁਤ ਸੇਫ ਸਮਝਿਆ ਜਾਂਦਾ ਹੈ ਕਿਉਂਕਿ ਪੁਲਸ ਛਾਪੇਮਾਰੀ ਜੇਕਰ ਹੋ ਵੀ ਜਾਵੇ ਤਾਂ ਟਰੱਕ ਨੂੰ ਔਰਤ ਸਮੇਤ ਭਜਾ ਲਿਆ ਜਾਂਦਾ ਹੈ।
ਸ਼ਹਿਰ ਦੇ ਬਾਹਰੀ ਇਲਾਕਿਆਂ ਤੋਂ ਆਉਂਦੀਆਂ ਹਨ ਔਰਤਾਂ, ਫੋਨ 'ਤੇ ਕੀਤਾ ਜਾਂਦਾ ਹੈ ਸੰਪਰਕ
ਪਤਾ ਲੱਗਾ ਹੈ ਕਿ ਧੰਦੇ 'ਚ ਸ਼ਾਮਲ ਇਹ ਔਰਤਾਂ ਸਿਰਫ ਜਲੰਧਰ ਤੋਂ ਹੀ ਨਹੀਂ, ਸਗੋਂ ਬਾਹਰੀ ਇਲਾਕਿਆਂ ਤੋਂ ਵੀ ਆਉਂਦੀਆਂ ਹਨ, ਜੋ ਸਵੇਰ ਹੁੰਦੇ ਹੀ ਮੋਟੀ ਕਮਾਈ ਕਰ ਕੇ ਚਲੀਆਂ ਜਾਂਦੀਆਂ ਹਨ। ਜਾਣਕਾਰੀ ਅਨੁਸਾਰ ਇਨ੍ਹਾਂ ਔਰਤਾਂ ਨੇ ਆਪਣੇ ਗਾਹਕਾਂ ਨੂੰ ਆਪਣੇ ਮੋਬਾਇਲ ਨੰਬਰ ਵੀ ਦੇ ਰੱਖੇ ਹਨ। ਜੋ ਚਾਲਕ ਪੱਕੇ ਤੌਰ 'ਤੇ ਇਸ ਰਾਹ ਤੋਂ ਲੰਘਦੇ ਹਨ ਉਨ੍ਹਾਂ ਨੂੰ ਇਹ ਆਸਾਨੀ ਨਾਲ ਮੁਹੱਈਆ ਹੋ ਜਾਂਦੀਆਂ ਹਨ। ਥਾਣਾ ਮਕਸੂਦਾਂ ਦੇ ਐੱਸ. ਐੱਚ. ਓ. ਰਮਨਦੀਪ ਨੇ ਕਿਹਾ ਕਿ ਪਹਿਲਾਂ ਵੀ ਕਈ ਵਾਰ ਇਨ੍ਹਾਂ ਨੂੰ ਇਥੋਂ ਭੱਜਾ ਚੁੱਕੇ ਹਨ ਪਰ ਜੇਕਰ ਹੁਣ ਕੋਈ ਗਲਤ ਕੰਮ ਕਰਦਾ ਫੜਿਆ ਗਿਆ ਤਾਂ ਉਸ ਦੇ ਖਿਲਾਫ ਬਣਦੀ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇਇਲਾਕਾ ਸੁਧਾਰ ਕਮੇਟੀ ਨੂਰਪੁਰਬੇਦੀ ਵੱਲੋਂ ਸੰਘਰਸ਼ ਦੀ ਚਿਤਾਵਨੀ
NEXT STORY 
