ਮੁੰਬਈ (ਬਿਊਰੋ) : ਬਾਲੀਵੁੱਡ ਅਦਾਕਾਰਾ ਇਨ੍ਹੀਂ ਦਿਨੀਂ ਡਿਜੀਟਲ ਪਲੇਟਫਾਰਮ 'ਤੇ ਬਹੁਤ ਸਰਗਰਮ ਹੈ ਅਤੇ ਉਹ ਆਪਣੀ ਅਗਲੀ ਵੈੱਬ ਸੀਰੀਜ਼ ਲਈ ਤਿਆਰ ਹੈ। ਸਵਰਾ ਭਾਸਕਰ ਹੁਣ ਤੱਕ 'ਫਲੇਸ਼' ਅਤੇ 'ਭਾਗ ਬੀਨੀ ਭਾਗ' ਵਰਗੀਆਂ ਸੀਰੀਜ਼ 'ਚ ਨਜ਼ਰ ਆ ਚੁੱਕੀ ਹੈ। ਜਦੋਂ ਉਹ 'ਫਲੇਸ਼' 'ਚ ਇਕ ਪੁਲਸ ਅਧਿਕਾਰੀ ਬਣ ਗਈ, ਉਸ ਨੇ 'ਭਾਗ ਬੀਨੀ ਭਾਗ' 'ਚ ਇਕ ਸਟੈਂਡਅਪ ਕਾਮੇਡੀਅਨ ਦੀ ਭੂਮਿਕਾ ਨਿਭਾਈ ਪਰ ਇਸ ਵਾਰ ਉਹ ਬਹੁਤ ਹੀ ਵੱਖਰੇ ਢੰਗ ਨਾਲ ਪ੍ਰਸ਼ੰਸਕਾਂ ਦਾ ਸਾਹਮਣਾ ਕਰਨ ਆ ਰਹੀ ਹੈ। ਇਸ ਵਾਰ ਸਵਰਾ ਨੇ ਆਪਣੇ ਪ੍ਰਸ਼ੰਸਕਾਂ ਨੂੰ ਡਰਾਉਣ ਦਾ ਵਾਅਦਾ ਕੀਤਾ ਹੈ। ਸਵਰਾ ਭਾਸਕਰ ਐਮ. ਐਕਸ. ਪਲੇਅਰ ਦੀ ਅਗਲੀ ਸੀਰੀਜ਼ 'ਆਪਕੇ ਕਾਮਰੇ ਮੇਂ ਕੋਈ ਰਹਿਤਾ ਹੈ' ਦਾ ਟਰੇਲਰ ਰਿਲੀਜ਼ ਹੋ ਗਿਆ ਹੈ। ਇਸ 'ਚ ਅਦਾਕਾਰਾ ਦਾ ਇਕ ਵੱਖਰਾ ਅੰਦਾਜ਼ ਦੇਖਣ ਨੂੰ ਮਿਲ ਰਿਹਾ ਹੈ।
ਐਮ ਐਕਸ ਪਲੇਅਰ ਦੀ ਇਸ ਡਰਾਉਣੀ ਕਾਮੇਡੀ ਸੀਰੀਜ਼ 'ਚ ਸੁਮਿਤ ਵਿਆਸ, ਨਵੀਨ ਕਸਤੂਰੀਆ, ਅਮੋਲ ਪਰਾਸ਼ਰ ਅਤੇ ਆਸ਼ੀਸ਼ ਵਰਮਾ ਵੀ ਸਵਰਾ ਭਾਸਕਰ ਨਾਲ ਨਜ਼ਰ ਆਉਣਗੇ। ਇਸ ਵੈੱਬ ਸੀਰੀਜ਼ ਦੀ ਕਹਾਣੀ ਚਾਰ ਨੌਜਵਾਨਾਂ ਬਾਰੇ ਹੈ, ਜੋ ਇਕ ਘਰ ਦੀ ਭਾਲ 'ਚ ਹਨ। ਘਰ ਲਈ ਸੰਘਰਸ਼ ਕਰਦੇ ਹੋਏ ਉਹ ਇੱਕ ਇਮਾਰਤ 'ਚ ਆ ਜਾਂਦੇ ਹਨ। ਇਸ ਦੌਰਾਨ ਉਨ੍ਹਾਂ ਨਾਲ ਸਭ ਉਲਟ ਵਾਪਰਦਾ ਹੈ। ਸਿਰਫ਼ ਇਹ ਹੀ ਨਹੀਂ ਸਵਰਾ ਭਾਸਕਰ ਦੇ ਅੰਦਰ ਵੀ ਆਤਮਾ ਦਾ ਵਾਸ ਹੋ ਜਾਂਦਾ ਹੈ। ਇਸ ਤਰੀਕੇ ਨਾਲ ਬਹੁਤ ਜ਼ਿਆਦਾ ਦਹਿਸ਼ਤ ਅਤੇ ਕਾਮੇਡੀ ਹੈ। ਪੰਜ ਐਪੀਸੋਡ ਵੈੱਬ ਸੀਰੀਜ਼ 'ਆਪਕੇ ਕਮਰੇ ਮੈਂ ਕੋਈ ਰਹਿਤਾ ਹੈ' 22 ਜਨਵਰੀ ਤੋਂ ਐਮ. ਐਕਸ. ਪਲੇਅਰ 'ਤੇ ਸਟ੍ਰੀਮਿੰਗ ਲਈ ਉਪਲੱਬਧ ਹੋਵੇਗੀ। ਇਸ ਵੈੱਬ ਸੀਰੀਜ਼ ਦੇ ਟਰੇਲਰ ਨੂੰ ਵੇਖਦਿਆਂ, ਜ਼ਬਰਦਸਤ ਕਾਮੇਡੀ ਦੀ ਉਮੀਦ ਕੀਤੀ ਜਾ ਸਕਦੀ ਹੈ।
ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
ਸ਼੍ਰੀਦੇਵੀ ਦੀ ਧੀ ਜਾਨ੍ਹਵੀ ਕਪੂਰ ਪੰਜਾਬ 'ਚ ਕਾਰ ਦੀ ਥਾਂ ਆਟੋ 'ਤੇ ਕਰ ਰਹੀ ਸਵਾਰੀ, ਤਸਵੀਰਾਂ ਵਾਇਰਲ
NEXT STORY 
