ਮੁੰਬਈ (ਏਜੰਸੀ)- ਅਦਾਕਾਰਾ ਰੁਚੀ ਗੁੱਜਰ ਨੇ ਕਾਨਸ ਫਿਲਮ ਫੈਸਟੀਵਲ 2025 ਵਿੱਚ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਤਸਵੀਰ ਵਾਲਾ ਹਾਰ ਪਹਿਣ ਕੇ ਰੈੱਡ ਕਾਰਪੇਟ 'ਤੇ ਐਂਟਰੀ ਨਾਲ ਸਭ ਨੂੰ ਹੈਰਾਨ ਕਰ ਦਿੱਤਾ। ਵੱਕਾਰੀ ਫੈਸਟੀਵਲ ਵਿਚ ਪ੍ਰਧਾਨ ਮੰਤਰੀ ਮੋਦੀ ਨੂੰ ਸ਼ਰਧਾਂਜਲੀ ਦੇਣ ਬਾਰੇ ਬੋਲਦਿਆਂ ਰੁਚੀ ਨੇ ਕਿਹਾ, "ਹਾਰ ਗਹਿਣਿਆਂ ਤੋਂ ਕਿਤੇ ਵੱਧ ਹੈ - ਇਹ ਤਾਕਤ, ਦ੍ਰਿਸ਼ਟੀ ਅਤੇ ਵਿਸ਼ਵ ਮੰਚ 'ਤੇ ਭਾਰਤ ਦੇ ਉਭਾਰ ਦਾ ਪ੍ਰਤੀਕ ਹੈ। ਕਾਨਸ ਵਿੱਚ ਇਸਨੂੰ ਪਹਿਨ ਕੇ, ਮੈਂ ਸਾਡੇ ਪ੍ਰਧਾਨ ਮੰਤਰੀ ਦਾ ਸਨਮਾਨ ਕਰਨਾ ਚਾਹੁੰਦੀ ਸੀ, ਜਿਨ੍ਹਾਂ ਦੀ ਅਗਵਾਈ ਨੇ ਭਾਰਤ ਨੂੰ ਨਵੀਆਂ ਉਚਾਈਆਂ 'ਤੇ ਪਹੁੰਚਾਇਆ ਹੈ।"
ਇਹ ਵੀ ਪੜ੍ਹੋ: ਮਨੋਰੰਜਨ ਜਗਤ 'ਚ ਸੋਗ ਦੀ ਲਹਿਰ, ਮਸ਼ਹੂਰ ਕਾਮੇਡੀਅਨ ਨੇ ਦੁਨੀਆ ਨੂੰ ਕਿਹਾ ਅਲਵਿਦਾ
ਰਵਾਇਤੀ ਰਾਜਸਥਾਨੀ ਰੂਪਾਂ ਦੀ ਵਿਸ਼ੇਸ਼ਤਾਵਾਂ ਵਾਲਾ ਅਤੇ ਪ੍ਰਧਾਨ ਮੰਤਰੀ ਮੋਦੀ ਦੀ ਵਿਲੱਖਣ ਸ਼ੈਲੀ ਤੋਂ ਪ੍ਰੇਰਿਤ, ਸੁੰਦਰ ਢੰਗ ਨਾਲ ਤਿਆਰ ਕੀਤਾ ਗਿਆ ਹਾਰ, ਉਨ੍ਹਾਂ ਦੇ ਰੈੱਡ-ਕਾਰਪੇਟ ਦੇ ਪਹਿਰਾਵੇ ਵਿੱਚ ਇੱਕ ਡੂੰਘਾ ਸੱਭਿਆਚਾਰਕ ਅਤੇ ਭਾਵਨਾਤਮਕ ਮਹੱਤਵ ਜੋੜ ਰਿਹਾ ਸੀ। ਰੂਪਾ ਸ਼ਰਮਾ ਦੁਆਰਾ ਤਿਆਰ ਕੀਤਾ ਗਿਆ ਉਨ੍ਹਾਂ ਦਾ ਗੋਲਡਲ ਲਹਿੰਗਾ, ਮਿਰਰ ਵਰਕ, ਗੋਟਾ ਪੱਟੀ ਅਤੇ ਕਢਾਈ ਨਾਲ ਚਮਕ ਰਿਹਾ ਸੀ, ਜੋ ਜੈਪੁਰ ਦੀ ਸ਼ਾਹੀ ਕਲਾ ਨੂੰ ਸੁੰਦਰਤਾ ਨਾਲ ਦਰਸਾ ਰਿਹਾ ਸੀ।
ਇਹ ਵੀ ਪੜ੍ਹੋ: 'Hera Pheri 3' ਤੋਂ ਪਿੱਛੇ ਹਟਣਾ ਪਰੇਸ਼ ਰਾਵਲ ਨੂੰ ਪਿਆ ਮਹਿੰਗਾ, ਅਕਸ਼ੈ ਕੁਮਾਰ ਨੇ ਠੋਕਿਆ 25 ਕਰੋੜ ਦਾ ਮੁਕੱਦਮਾ
ਰੁਚੀ ਨੇ ਅੱਗੇ ਕਿਹਾ, “ਪ੍ਰਧਾਨ ਮੰਤਰੀ ਮੋਦੀ ਨੇ ਦੁਨੀਆ ਭਰ ਵਿੱਚ ਭਾਰਤ ਦੇ ਅਕਸ ਨੂੰ ਮੁੜ ਪਰਿਭਾਸ਼ਿਤ ਕੀਤਾ ਹੈ। ਮੈਂ ਉਸ ਮਾਣ ਨੂੰ ਆਪਣੇ ਨਾਲ ਲੈ ਕੇ ਜਾਣਾ ਚਾਹੁੰਦੀ ਸੀ, ਅਤੇ ਇਹ ਹਾਰ ਉਨ੍ਹਾਂ ਦੀ ਅਗਵਾਈ ਲਈ ਮੇਰੀ ਸ਼ਰਧਾਂਜਲੀ ਸੀ। ਕਾਨਸ ਵਿੱਚ ਰਾਜਸਥਾਨ ਅਤੇ ਭਾਰਤ ਦੀ ਨੁਮਾਇੰਦਗੀ ਕਰਨਾ ਮੇਰੇ ਲਈ ਸਿਰਫ਼ ਇੱਕ ਪਲ ਨਹੀਂ ਹੈ - ਇਹ ਦੁਨੀਆ ਨੂੰ ਇੱਕ ਸੰਦੇਸ਼ ਹੈ ਕਿ ਅਸੀਂ ਕੌਣ ਹਾਂ।” ਕਾਨਸ ਫਿਲਮ ਫੈਸਟੀਵਲ ਦਾ 78ਵਾਂ ਐਡੀਸ਼ਨ 13 ਤੋਂ 24 ਮਈ 2025 ਤੱਕ ਆਯੋਜਿਤ ਹੋਵੇਗਾ।
ਇਹ ਵੀ ਪੜ੍ਹੋ: ਸੁਪਰਹਿੱਟ TV ਸ਼ੋਅ ਤੇ ਫ਼ਿਲਮਾਂ 'ਚ ਕੰਮ ਕਰਨ ਵਾਲੀ ਅਦਾਕਾਰਾ ਹੋ ਗਈ ਬੇਰੁਜ਼ਗਾਰ, ਹੁਣ ਲੋਕਾਂ ਤੋਂ ਮੰਗ ਰਹੀ 'ਕੰਮ'
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਵਿਆਹ ਦੇ 34 ਸਾਲ ਬਾਅਦ ਅਰਚਨਾ ਪੂਰਨ ਤੇ ਪਰਮੀਤ ਸੇਠੀ ਦੇ ਰਿਸ਼ਤੇ 'ਚ ਆਈ ਦਰਾਰ! ਅਦਾਕਾਰਾ ਨੇ ਦੱਸਿਆ ਸੱਚ
NEXT STORY 
