ਮੁੰਬਈ : ਬਾਲੀਵੁੱਡ ਅਦਾਕਾਰ ਅਤੇ ਗਾਇਕ ਅਪਾਰਸ਼ਕਤੀ ਖੁਰਾਣਾ ਨੇ ਆਪਣਾ ਨਵਾਂ ਗੀਤ ‘ਤੇਰੇ ਪਿੱਛੇ’ ਰਿਲੀਜ਼ ਕਰ ਦਿੱਤਾ ਹੈ। ਇਸ ਰੋਮਾਂਟਿਕ ਗੀਤ ਵਿੱਚ ਅਪਾਰਸ਼ਕਤੀ ਦੇ ਨਾਲ ਅਦਾਕਾਰਾ ਮਹਿਮਾ ਮਕਵਾਨਾ ਨਜ਼ਰ ਆ ਰਹੀ ਹੈ। ਦੋਵਾਂ ਦੀ ਆਨ-ਸਕ੍ਰੀਨ ਕੈਮਿਸਟਰੀ ਦਰਸ਼ਕਾਂ ਦਾ ਦਿਲ ਜਿੱਤ ਰਹੀ ਹੈ। ਇਹ ਗੀਤ ਅਪਾਰਸ਼ਕਤੀ ਦੀ ਨਵੀਂ ਐਲਬਮ ਦਾ ਹਿੱਸਾ ਹੈ ਅਤੇ ਹੁਣ ਯੂਟਿਊਬ ਤੇ ਸਪੋਟੀਫਾਈ 'ਤੇ ਸੁਣਨ ਲਈ ਉਪਲਬਧ ਹੈ।
ਆਪਣੇ ਨਵੇਂ ਗੀਤ ਬਾਰੇ ਗੱਲ ਕਰਦਿਆਂ ਅਪਾਰਸ਼ਕਤੀ ਨੇ ਕਿਹਾ, "‘ਤੇਰੇ ਪਿੱਛੇ’ ਇੱਕ ਸਕੂਨ ਦੇਣ ਵਾਲਾ ਪਿਆਰ ਭਰਿਆ ਗੀਤ ਹੈ, ਜੋ ਪਿਆਰ ਦੀ ਨਿੱਘ ਅਤੇ ਉਸ ਦੀ ਨਜ਼ਾਕਤ ਨੂੰ ਮਹਿਸੂਸ ਕਰਵਾਉਂਦਾ ਹੈ। ਇਹ ਮੇਰੇ ਸਭ ਤੋਂ ਖਾਸ ਗੀਤਾਂ ਵਿੱਚੋਂ ਇੱਕ ਹੈ, ਜਿਸ ਨੂੰ ਮੈਂ ਸਾਕਸ਼ੀ ਰੱਟੀ ਅਤੇ ਮੀਰ ਦੇਸਾਈ ਦੇ ਨਾਲ ਮਿਲ ਕੇ ਬਣਾਇਆ ਹੈ। ਇਹ ਕਵਿਤਾ ਅਤੇ ਮਧੁਰ ਸੰਗੀਤ ਦਾ ਇੱਕ ਖੂਬਸੂਰਤ ਸੁਮੇਲ ਹੈ।"
ਇਸ ਗੀਤ ਦੇ ਬੋਲ ਸਾਕਸ਼ੀ ਰੱਟੀ ਅਤੇ ਖੁਦ ਅਪਾਰਸ਼ਕਤੀ ਖੁਰਾਣਾ ਨੇ ਲਿਖੇ ਹਨ। ਇਸ ਐਲਬਮ ਵਿੱਚ 'ਤੇਰੇ ਪਿੱਛੇ' ਤੋਂ ਇਲਾਵਾ ਦੋ ਹੋਰ ਗੀਤ ‘ਗੁਲਾਬੀ ਆਸਮਾਨ’ ਅਤੇ ‘ਆਖਰੀ ਵਾਰ’ ਵੀ ਸ਼ਾਮਲ ਹਨ, ਜੋ ਵੱਖ-ਵੱਖ ਸੰਗੀਤਕ ਸ਼ੈਲੀਆਂ ਰਾਹੀਂ ਆਮ ਜ਼ਿੰਦਗੀ ਦੀਆਂ ਭਾਵਨਾਵਾਂ ਨੂੰ ਪੇਸ਼ ਕਰਦੇ ਹਨ। ਅਪਾਰਸ਼ਕਤੀ ਖੁਰਾਣਾ ਨੇ ਇਸ ਐਲਬਮ ਰਾਹੀਂ ਇੱਕ ਵਾਰ ਫਿਰ ਸਾਬਤ ਕਰ ਦਿੱਤਾ ਹੈ ਕਿ ਉਹ ਅਦਾਕਾਰੀ ਦੇ ਨਾਲ-ਨਾਲ ਸੰਗੀਤ ਦੇ ਖੇਤਰ ਵਿੱਚ ਵੀ ਲਗਾਤਾਰ ਨਵੇਂ ਪ੍ਰਯੋਗ ਕਰ ਰਹੇ ਹਨ ਅਤੇ ਆਪਣੀ ਵੱਖਰੀ ਪਛਾਣ ਬਣਾ ਰਹੇ ਹਨ।
ਕੀ ਹੁਣ ਫਿਲਮਾਂ ਦੇਖ ਕੇ ਪਾਸ ਹੋਣਗੇ ਬੱਚੇ ? ਪੇਪਰ 'ਚ ਆਇਆ ਫਿਲਮ ਧੁਰੰਦਰ ਨਾਲ ਸਬੰਧਤ ਸਵਾਲ, ਵੇਖ ਸਟੂਡੈਂਟ ਹੋਏ ਹੈਰਾਨ
NEXT STORY 
