ਮੁੰਬਈ (ਬਿਊਰੋ)– ਟੀ. ਵੀ. ਅਦਾਕਾਰ ਅਰਜੁਨ ਬਿਜਲਾਨੀ ਬਾਰੇ ਸ਼ਾਕਿੰਗ ਖ਼ਬਰ ਆਈ ਸੀ। ਕਿਹਾ ਗਿਆ ਕਿ ਉਨ੍ਹਾਂ ਦੀ ਵਿਆਹੁਤਾ ਜ਼ਿੰਦਗੀ ’ਚ ਤਣਾਅ ਚੱਲ ਰਿਹਾ ਹੈ। ਇਹ ਖ਼ਬਰ ਅੱਗ ਵਾਂਗ ਫੈਲੀ। ਅਰਜੁਨ ਦੇ ਪ੍ਰਸ਼ੰਸਕ ਹੈਰਾਨ ਪ੍ਰੇਸ਼ਾਨ ਹੋ ਗਏ ਕਿਉਂਕਿ ਇਨ੍ਹੀਂ ਦਿਨੀਂ ਸਮਾਰਟ ਜੋੜੀ ’ਚ ਉਹ ਆਪਣੀ ਪਤਨੀ ਨੇਹਾ ਸਵਾਮੀ ਨਾਲ ਨਜ਼ਰ ਆ ਰਹੇ ਹਨ।
ਇਹ ਖ਼ਬਰ ਵੀ ਪੜ੍ਹੋ : ਸਿੱਧੂ ਮੂਸੇ ਵਾਲਾ ਦੀ ਹਾਰ ’ਤੇ ਗੈਰੀ ਸੰਧੂ ਨੇ ਕੀਤੀ ਟਿੱਪਣੀ, ਕਿਹਾ– ‘ਮੌਤ ਮਾਰਦੀ ਨਾ ਬੰਦੇ ਨੂੰ...’
ਕੱਪਲ ਦੇ ਵਿਆਹ ’ਚ ਤਰੇੜ ਦੀ ਖ਼ਬਰ ਉਦੋਂ ਸਾਹਮਣੇ ਆਈ, ਜਦੋਂ ਅਰਜੁਨ ਨੇ ਇੰਸਟਾਗ੍ਰਾਮ ਪੋਸਟ ’ਚ ਲਿਖਿਆ, ‘ਹਮੇਸ਼ਾ ਦਾ ਸਾਥ ਝੂਠ ਹੈ।’ ਇਸ ਪੋਸਟ ਨਾਲ ਅਰਜੁਨ ਬਿਜਲਾਨੀ ਨੇ ਦਿਲ ਟੁੱਟਣ ਵਾਲੀ ਇਮੋਜੀ ਬਣਾਈ।
ਅਰਜੁਨ ਦੀ ਇਹ ਪੋਸਟ ਦੇਖ ਕੇ ਸਾਰੇ ਪ੍ਰਸ਼ੰਸਕ ਤੇ ਸਿਤਾਰੇ ਹੈਰਾਨ ਰਹਿ ਗਏ। ਸਾਰੇ ਅਦਾਕਾਰ ਨੂੰ ਪੁੱਛਣ ਲੱਗੇ ਕਿ ਕੀ ਹੋ ਗਿਆ। ਅਰਜੁਨ ਬਿਜਲਾਨੀ ਦੀ ਸਲਾਮਤੀ ਬਾਰੇ ਲੋਕ ਪੁੱਛਣ ਲੱਗੇ। ਕਈ ਯੂਜ਼ਰਸ ਨੇ ਅਰਜੁਨ ਦਾ ਪਤਨੀ ਨਾਲ ਝਗੜਾ ਹੋਣਾ ਦੱਸਿਆ ਤੇ ਕਿਹਾ ਕਿ ਵਿਆਹ ’ਚ ਤਰੇੜ ਆ ਗਈ।
ਲੋਕਾਂ ਦੀ ਪ੍ਰੇਸ਼ਾਨੀ ਦੂਰ ਕਰਦਿਆਂ ਅਰਜੁਨ ਨੇ ਇਸ ਪੋਸਟ ਦਾ ਸੱਚ ਦੱਸਿਆ। ਅਰਜੁਨ ਨੇ ਇੰਸਟਾਗ੍ਰਾਮ ’ਤੇ ਪਤਨੀ ਨੇਹਾ ਨਾਲ ਰਿਐਲਿਟੀ ਸ਼ੋਅ ਸਮਾਰਟ ਜੋੜੀ ’ਚ ਹੋਏ ਉਨ੍ਹਾਂ ਦੇ ਵਿਆਹ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ।
ਉਨ੍ਹਾਂ ਕੈਪਸ਼ਨ ’ਚ ਲਿਖਿਆ, ‘ਪਿਆਰ ਹਮੇਸ਼ਾ ਲਈ ਹੈ। ਪਿਛਲੀ ਰਾਤ ਜੋ ਮੈਂ ਪੋਸਟ ਲਿਖੀ ਸੀ, ਉਸ ਦਾ ਮੇਰੀ ਨਿੱਜੀ ਜ਼ਿੰਦਗੀ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ। ਕਈ ਲੋਕਾਂ ਦੇ ਫੋਨ ਤੇ ਮੈਸਿਜ ਆਏ। ਸੱਚ ਦੱਸਾਂ ਤਾਂ ਮੈਂ ਧੰਨਵਾਦੀ ਹਾਂ ਕਿਉਂਕਿ ਇਹ ਦਿਖਾਉਂਦਾ ਹੈ ਕਿ ਲੋਕ ਤੁਹਾਨੂੰ ਕਿੰਨਾ ਪਿਆਰ ਤੇ ਤੁਹਾਡੀ ਕਿੰਨੀ ਫਿਰਕ ਕਰਦੇ ਹਨ। ਦੋਸਤੋਂ ਮੇਰਾ ਹਾਲ-ਚਾਲ ਪੁੱਛਣ ਲਈ ਧੰਨਵਾਦ। ਢੇਰ ਸਾਰਾ ਪਿਆਰ।’
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਫ਼ਿਲਮ ਦੀ ਪ੍ਰਮੋਸ਼ਨ ਲਈ ਦਿੱਲੀ ਪੁੱਜੇ ਵਿਵੇਕ ਰੰਜਨ, ਪੱਲਵੀ ਜੋਸ਼ੀ ਤੇ ਦਰਸ਼ਨ ਕੁਮਾਰ
NEXT STORY 
