ਐਂਟਰਟੇਨਮੈਂਟ ਡੈਸਕ- ਫਿਲਮੀ ਇੰਡਸਟਰੀ ਤੋਂ ਇਕ ਹੋਰ ਹੈਰਾਨ ਕਰਨ ਵਾਲੀ ਖ਼ਬਰ ਸਾਹਮਣੇ ਆਈ ਹੈ। ਦੱਸਣਯੋਗ ਹੈ ਕਿ ਵੀਰਵਾਰ ਨੂੰ ਤਾਮਿਲ ਅਦਾਕਾਰ ਕ੍ਰਿਸ਼ਨਾ ਕੁਲਸ਼ੇਕਰਨ ਨੂੰ ਨਸ਼ੀਲੇ ਪਦਾਰਥਾਂ ਦੀ ਦੁਰਵਰਤੋਂ ਅਤੇ ਤਸਕਰੀ ਦੇ ਇੱਕ ਮਾਮਲੇ ਵਿੱਚ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਦਰਅਸਲ ਕੁਝ ਦਿਨ ਪਹਿਲਾਂ ਅਦਾਕਾਰ ਸ਼੍ਰੀਕਾਂਤ ਅਤੇ ਇੱਕ ਡਰੱਗ ਤਸਕਰ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਇਨ੍ਹਾਂ ਦੋਵਾਂ ਤੋਂ ਪੁੱਛਗਿੱਛ ਕਰਨ ਤੋਂ ਬਾਅਦ ਕ੍ਰਿਸ਼ਨਾ ਕੁਲਸ਼ੇਕਰਨ ਦਾ ਨਾਮ ਸਾਹਮਣੇ ਆਇਆ। ਇਸ ਤੋਂ ਬਾਅਦ ਪੁਲਸ ਨੇ ਕ੍ਰਿਸ਼ਨਾ ਤੋਂ ਇਸ ਮਾਮਲੇ ਬਾਰੇ ਪੁੱਛਗਿੱਛ ਕੀਤੀ।
ਪੁਲਸ ਨੇ ਬੇਸੰਤ ਨਗਰ ਵਿੱਚ ਕ੍ਰਿਸ਼ਨਾ ਦੇ ਘਰ ਦੀ ਦੋ ਘੰਟੇ ਤਲਾਸ਼ੀ ਲਈ ਜਿਸ ਤੋਂ ਬਾਅਦ ਅਦਾਕਾਰ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ। ਮਸ਼ਹੂਰ ਫਿਲਮ ਨਿਰਮਾਤਾ ਵਿਸ਼ਨੂੰ ਵਰਧਨ ਦਾ ਛੋਟਾ ਭਰਾ ਕ੍ਰਿਸ਼ਨਾ ਪੁਲਸ ਸੰਮਨ ਆਉਣ ਤੋਂ ਪਹਿਲਾਂ ਹੀ ਕੇਰਲ ਭੱਜ ਗਿਆ ਸੀ। ਇਸ ਲਈ ਪੁਲਸ ਨੇ ਉਨ੍ਹਾਂ ਨੂੰ ਫੜਨ ਲਈ ਚਾਰ ਵਿਸ਼ੇਸ਼ ਟੀਮਾਂ ਬਣਾਈਆਂ ਸਨ।
ਗ੍ਰਿਫ਼ਤਾਰ ਕੀਤੇ ਜਾਣ ਤੋਂ ਬਾਅਦ ਅਦਾਕਾਰ ਨੇ ਇਸ ਦੋਸ਼ ਤੋਂ ਇਨਕਾਰ ਕੀਤਾ ਅਤੇ ਕਿਹਾ-'ਮੈਂ ਨਸ਼ਿਆਂ ਦਾ ਆਦੀ ਨਹੀਂ ਹਾਂ। ਮੈਨੂੰ ਦਿਲ ਅਤੇ ਪੇਟ ਦੀ ਬਿਮਾਰੀ ਹੈ, ਇਸ ਲਈ ਮੈਂ ਅਜਿਹੇ ਪਦਾਰਥ ਨਹੀਂ ਲੈ ਸਕਦਾ।'
ਇਹ ਮਾਮਲਾ ਉਦੋਂ ਸ਼ੁਰੂ ਹੋਇਆ ਜਦੋਂ ਪ੍ਰਦੀਪ ਨਾਮ ਦੇ ਇੱਕ ਮੁੱਖ ਡਰੱਗ ਸਪਲਾਇਰ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ। ਉਨ੍ਹਾਂ ਨੇ ਪ੍ਰਸ਼ਾਦ ਨਾਮ ਦੇ ਇੱਕ ਵਿਅਕਤੀ ਨੂੰ ਨਸ਼ੀਲੇ ਪਦਾਰਥ ਸਪਲਾਈ ਕਰਨ ਦਾ ਇਕਬਾਲ ਕੀਤਾ। ਇਸ ਗ੍ਰਿਫ਼ਤਾਰੀ ਵਿੱਚ ਪ੍ਰਸ਼ਾਦ ਨਾਮ ਦਾ ਇੱਕ ਸਾਬਕਾ ਏਆਈਏਡੀਐਮਕੇ ਆਈਟੀ ਵਿੰਗ ਵਰਕਰ ਵੀ ਸ਼ਾਮਲ ਹੈ। ਇਹ ਮਾਮਲਾ ਡਰੱਗ ਨੈੱਟਵਰਕ ਅਤੇ ਚੇਨਈ ਵਿੱਚ ਹਾਲ ਹੀ ਵਿੱਚ ਹੋਏ ਪੱਬ ਝਗੜੇ ਨਾਲ ਸਬੰਧਤ ਹੈ। ਇਸ ਮਾਮਲੇ ਵਿੱਚ ਹੁਣ ਤੱਕ 4 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਦੂਜੇ ਦੋਸ਼ੀ ਪ੍ਰਸ਼ਾਂਤ ਨੇ ਦਾਅਵਾ ਕੀਤਾ ਕਿ ਸ਼੍ਰੀਕਾਂਤ ਨੇ ਫਿਲਮ 'ਥੀਨਗਰਾਈ' ਦੀ ਸ਼ੂਟਿੰਗ ਦੌਰਾਨ 12,000 ਰੁਪਏ ਵਿੱਚ ਕੋਕੀਨ ਖਰੀਦੀ ਸੀ ਅਤੇ ਦੋਵੇਂ ਅਦਾਕਾਰਾਂ ਨੇ ਡਰੱਗ ਪਾਰਟੀਆਂ ਵਿੱਚ ਹਿੱਸਾ ਲਿਆ ਸੀ।
ਦਿਲਜੀਤ ਦੋਸਾਂਝ 'ਤੇ ਕ੍ਰਿਪਟਿਕ ਪੋਸਟ ਕਰਨਾ ਗੁਰੂ ਰੰਧਾਵਾ ਨੂੰ ਪਿਆ ਮਹਿੰਗਾ, 'X' ਅਕਾਊਂਟ ਕਰਨਾ ਪਿਆ ਬੰਦ
NEXT STORY 
