ਮੁੰਬਈ (ਬਿਊਰੋ) : ਬਾਲੀਵੁੱਡ ਦੀ ਕੰਟਰੋਵਰਸੀ ਕਵੀਨ ਰਾਖੀ ਸਾਵੰਤ ਇੰਨੀਂ ਦਿਨੀਂ 'ਬਿੱਗ ਬੌਸ 14' 'ਚ ਨਜ਼ਰ ਆ ਰਹੀ ਹੈ। 'ਬਿੱਗ ਬੌਸ' 'ਚ ਆਉਣ ਦੇ ਨਾਲ ਹੀ ਰਾਖੀ ਸਾਵੰਤ ਦੀ ਪਰਸਨਲ ਲਾਈਫ਼ ਨਾਲ ਜੁੜਿਆ ਇਕ ਰਾਜ਼ ਫਿਰ ਤੋਂ ਚਰਚਾ 'ਚ ਆ ਗਿਆ ਹੈ। ਉਹ ਰਾਜ਼ ਹੈ ਰਾਖੀ ਦਾ ਵਿਆਹ। ਰਾਖੀ ਸਾਵੰਤ ਹੁਣ ਤਕ ਇਹ ਦਾਅਵਾ ਕਰਦੀ ਹੈ ਕਿ ਉਹ ਵਿਆਹੁਤਾ ਹੈ ਪਰ ਅੱਜ ਤਕ ਨਾ ਉਸ ਦਾ ਪਤੀ ਕਿਸੇ ਨੇ ਦੇਖਿਆ ਹੈ ਅਤੇ ਨਾ ਹੀ ਕਦੇ ਰਾਖੀ ਸਾਵੰਤ ਆਪਣੇ ਪਤੀ ਨਾਲ ਨਜ਼ਰ ਆਈ ਹੈ। 'ਬਿੱਗ ਬੌਸ' 'ਚ ਵੀ ਰਾਖੀ ਸਾਵੰਤ ਨੇ ਇਸ ਗੱਲ ਦਾ ਕਈ ਵਾਰ ਜ਼ਿਕਰ ਕੀਤਾ ਹੈ ਕਿ ਉਹ ਵਿਆਹੁਤਾ ਹੈ ਪਰ ਉਸ ਦਾ ਪਤੀ ਵਿਦੇਸ਼ 'ਚ ਰਹਿੰਦਾ ਹੈ। ਇਨ੍ਹਾਂ ਸਾਰੀਆਂ ਖ਼ਬਰਾਂ ਤੇ ਗੱਲਾਂ ਦੇ ਵਿਚਕਾਰ ਰਾਖੀ ਸਾਵੰਤ ਦੇ ਪਤੀ, ਜਿਨ੍ਹਾਂ ਨੂੰ ਅੱਜ ਤਕ ਕਿਸੇ ਨੇ ਨਹੀਂ ਦੇਖੇ ਉਹ ਖ਼ੁਦ ਹੀ ਸਾਰਿਆਂ ਦੇ ਸਾਹਮਣੇ ਆ ਗਏ।
ਰਾਖੀ ਸਾਵੰਤ ਦੇ ਪਤੀ ਰਿਤੇਸ਼ ਜੋ ਕਿ ਇਕ ਯੂਕੇ ਬੈਸਡ ਬਿਜ਼ਨੈੱਸਮੈਨ ਹੈ, ਨਾ ਸਿਰਫ਼ ਸਭ ਦੇ ਸਾਹਮਣੇ ਆਏ ਹਨ ਸਗੋਂ ਉਨ੍ਹਾਂ ਨੇ ਆਪਣੇ ਵਿਆਹ ਤੇ 'ਬਿੱਗ ਬੌਸ' ਨੂੰ ਲੈ ਕੇ ਵੀ ਖੁੱਲ੍ਹ ਕੇ ਚਰਚਾ ਕੀਤੀ ਹੈ। ਇਕ ਨਿੱਜੀ ਚੈਨਲ ਨਾਲ ਗੱਲਬਾਤ ਕਰਦਿਆਂ ਰਿਤੇਸ਼ ਨੇ ਹਰ ਉਸ ਸਵਾਲ ਦਾ ਜਵਾਬ ਦਿੱਤਾ ਹੈ, ਜੋ ਸ਼ਾਇਦ ਰਾਖੀ ਸਾਵੰਤ ਦਾ ਹਰ ਪ੍ਰਸ਼ੰਸਕ ਜਾਨਣਾ ਚਾਹੁੰਦਾ ਹੈ।
ਵੈੱਬਸਾਈਟ ਨਾਲ ਗੱਲਬਾਤ 'ਚ ਰਿਤੇਸ਼ ਨੇ ਕਿਹਾ, ਮੈਂ ਆਪਣੇ ਸਵਾਰਥੀ ਮਕਸਦ ਕਾਰਨ ਹੁਣ ਤਕ ਸਭ ਦੇ ਸਾਹਮਣੇ ਨਹੀਂ ਆਇਆ। ਮੈਂ ਸਵਾਰਥੀ ਸੀ ਕਿ ਮੈਂ ਹੁਣ ਤਕ ਰਾਖੀ ਸਾਵੰਤ ਨਾਲ ਆਪਣੇ ਵਿਆਹ ਦਾ ਓਹਲਾ ਰੱਖਿਆ, ਇਹ ਮੇਰੀ ਗ਼ਲਤੀ ਸੀ। ਮੈਨੂੰ ਲੱਗਦਾ ਹੈ ਕਿ ਜੇ ਮੈਂ ਆਪਣੀ ਪਛਾਣ ਤੇ ਰਾਖੀ ਨਾਲ ਵਿਆਹ ਦੀ ਗੱਲ ਉਜਾਗਰ ਕਰ ਦਿੱਤੀ ਤਾਂ ਗ਼ਲਤ ਅਫ਼ਵਾਹਾਂ ਕਾਰਨ ਇਸ ਦਾ ਅਸਰ ਮੇਰੇ ਸ਼ੇਅਰ 'ਤੇ ਪਵੇਗਾ ਪਰ ਹੁਣ ਤਕ ਇਸ ਇੰਟਰਵਿਊ ਦੇ ਜ਼ਰੀਏ ਮੈਂ ਕਹਿਣਾ ਚਾਹੁੰਦਾ ਹਾਂ ਕਿ ਰਾਖੀ ਮੇਰੀ ਜ਼ਿੰਦਗੀ 'ਚ ਆਈ ਤਾਂ ਮੇਰਾ ਜੀਵਨ ਸਫ਼ਲ ਹੋ ਗਿਆ ਹੈ।'
ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਬਾਕਸ 'ਚ ਜ਼ਰੂਰ ਦੱਸੋ।
ਕੀ ਸਰਕਾਰ ਨੂੰ ਖੁਸ਼ ਕਰਨ ਦੀ ਤਿਆਰੀ ’ਚ ਨੇ ਕਰਨ ਜੌਹਰ, ਪੀ. ਐੱਮ. ਮੋਦੀ ਨੂੰ ਟੈਗ ਕਰਕੇ ਕੀਤਾ ਵੱਡਾ ਐਲਾਨ
NEXT STORY 
