ਬਾਲੀਵੁੱਡ ਡੈਸਕ: ਬਾਲੀਵੁੱਡ ਅਦਾਕਾਰ ਰਣਦੀਪ ਹੁੱਡਾ ਇਨ੍ਹੀਂ ਦਿਨੀਂ ਆਪਣੀ ਫ਼ਿਲਮ 'ਸਵਤੰਤਰ ਵੀਰ ਸਾਵਰਕਰ' ਨੂੰ ਲੈ ਕੇ ਚਰਚਾ ਵਿਚ ਹਨ। ਫ਼ਿਲਮ ਵਿਚ ਰਣਦੀਪ ਦੇ ਕਿਰਦਾਰ ਅਤੇ ਬਾੱਡੀ ਟ੍ਰਾਂਸਫ਼ਾਰੇਸ਼ਨ ਦੀ ਬਹੁਤ ਸ਼ਲਾਘਾ ਕੀਤੀ ਜਾ ਰਹੀ ਹੈ। ਇਸ ਰੋਲ ਲਈ ਉਨ੍ਹਾਂ ਨੇ 30 ਕਿੱਲੋ ਤਕ ਭਾਰ ਘਟਾਇਆ ਹੈ, ਜੋ ਖ਼ਤਰੇ ਨਾਲ ਭਰਿਆ ਹੁੰਦਾ ਹੈ।
1. ਰਣਦੀਪ ਹੁੱਡਾ (ਸਰਬਜੀਤ)
ਹਾਲਾਂਕਿ ਇਸ ਤੋਂ ਪਹਿਲਾਂ ਵੀ ਰਣਦੀਪ ਆਪਣੇ ਕਿਰਦਾਰ ਲਈ ਆਪਣੀ ਜਾਨ ਖ਼ਤਰੇ ਵਿਚ ਪਾ ਚੁੱਕੇ ਹਨ। ਉਨ੍ਹਾਂ ਨੇ ਸਰਬਜੀਤ ਲਈ ਅਜਿਹੀ ਟ੍ਰਾਂਸਫੋਰਮੇਸ਼ਨ ਕੀਤੀ ਸੀ ਕਿ ਉਨ੍ਹਾਂ ਨੂੰ ਪਹਿਚਾਨਣਾ ਵੀ ਔਖਾ ਹੋ ਗਿਆ ਸੀ। ਰਣਦੀਪ ਤੋਂ ਇਲਾਵਾ ਵੀ ਇੰਡਸਟਰੀ ਦੇ ਅਜਿਹੇ ਕਈ ਕਲਾਕਾਰ ਹਨ, ਜਿਨ੍ਹਾਂ ਨੇ ਆਪਣੇ ਕਿਰਦਾਰ ਲਈ ਸ਼ਾਨਦਾਰ ਟ੍ਰਾਂਸਫਾਰਮੇਸ਼ਨ ਕੀਤੀ।
2. ਕਾਰਤਿਕ ਆਰਿਅਨ (ਚੰਦੂ ਚੈਂਪੀਅਨ)
ਇਸ ਸੂਚੀ ਵਿਚ ਇਕ ਨਾਂ ਕਾਰਤਿਕ ਆਰਿਅਨ ਦਾ ਵੀ ਹੈ। ਕਾਰਤਿਕ ਨੇ ਹਾਲ ਹੀ ਵਿਚ ਆਪਣੀ ਫ਼ਿਲਮ 'ਚੰਦੂ ਚੈਂਪੀਅਨ' ਦੀ ਸ਼ੂਟਿੰਗ ਪੂਰੀ ਕੀਤੀ। ਇਸ ਫ਼ਿਲਮ ਲਈ ਕਾਰਤਿਕ ਨੇ ਨਾ ਸਿਰਫ਼ ਆਪਣਾ ਭਾਰ ਘਟਾਇਆ, ਸਗੋਂ ਇਕ ਸਾਲ ਤਕ ਮਿੱਠੇ ਤੋਂ ਵੀ ਦੂਰ ਰਹੇ। ਫ਼ਿਲਮ ਦੇ ਕਿਰਦਾਰ ਲਈ ਕਾਰਤਿਕ ਦੀ ਇਸ ਦਿਖ ਕਾਫ਼ੀ ਚਰਚਾ ਵਿਚ ਰਿਹਾ। ਫ਼ਿਲਹਾਲ ਕਾਰਤਿਕ ਆਪਣੀ ਆਉਣ ਵਾਲੀ ਫ਼ਿਲਮ 'ਭੂਲ ਭੁਲਈਆ' ਦੀ ਸ਼ੂਟਿੰਗ ਵਿਚ ਰੁੱਝੇ ਹੋਏ ਹਨ।
ਇਹ ਖ਼ਬਰ ਵੀ ਪੜ੍ਹੋ - ਊਸ਼ਾ ਮਹਿਤਾ ਦਾ ਕਿਰਦਾਰ ਨਿਭਾਅ ਕੇ ਅੰਦਰੋਂ ਹੋਈ ਮਜ਼ਬੂਤ: ਸਾਰਾ ਅਲੀ ਖ਼ਾਨ
3. ਰਣਵੀਰ ਸਿੰਘ (ਪਦਮਾਵਤ)
ਰਣਵੀਰ ਸਿੰਘ ਨੇ ਆਪਣੀ ਫ਼ਿਲਮ 'ਪਦਮਾਵਤ' ਵਿਚ ਖਿਲਜੀ ਦੇ ਕਿਰਦਾਰ ਲਈ ਆਪਣਾ ਭਾਰ ਵਧਾਇਆ। ਇਸ ਦੇ ਨਾਲ ਹੀ ਫ਼ਿਲਮ ਵਿਚ ਰਣਵੀਰ ਦੇ ਫੇਸ ਲੁੱਕ ਦੀ ਵੀ ਕਾਫ਼ੀ ਤਾਰੀਫ਼ ਹੋਈ ਸੀ, ਜਿਸ ਲਈ ਉਨ੍ਹਾਂ ਨੇ ਕਈ ਮਹੀਨੇ ਤਕ ਆਪਣੇ ਵਾਲ ਤੇ ਦਾੜ੍ਹੀ ਨਹੀਂ ਕਟਵਾਏ। ਪਦਮਾਵਤ ਤੋਂ ਬਾਅਦ ਰਣਵੀਰ ਨੇ ਫਿਲਮ 'ਗਲੀ ਬੁਆਏ' ਲਈ ਆਪਣਾ ਵਜ਼ਨ ਕਾਫੀ ਘੱਟ ਕੀਤਾ ਸੀ। ਦੋਵਾਂ ਫਿਲਮਾਂ 'ਚ ਰਣਵੀਰ ਦੇ ਟ੍ਰਾਂਸਫਾਰਮੇਸ਼ਨ ਦੀ ਕਾਫੀ ਤਾਰੀਫ ਹੋਈ ਸੀ। ਰਣਵੀਰ ਨੇ ਇਸ ਦੇ ਲਈ ਕਾਫੀ ਮਿਹਨਤ ਕੀਤੀ ਸੀ।
4. ਫਰਹਾਨ ਅਖ਼ਤਰ (ਭਾਗ ਮਿਲਖਾ ਭਾਗ)
ਇਸ ਤੋਂ ਇਲਾਵਾ ਮਿਲਖਾ ਸਿੰਘ ਦੀ ਬਾਇਓਪਿਕ ਲਈ ਫਰਹਾਨ ਅਖਤਰ ਨੇ ਸ਼ਾਨਦਾਰ ਬਾਡੀ ਟ੍ਰਾਂਸਫਾਰਮੇਸ਼ਨ ਕੀਤਾ ਸੀ। ਮਿਲਖਾ ਸਿੰਘ ਦੇ ਰੋਲ ਲਈ ਅਦਾਕਾਰ ਨੇ ਆਪਣੀ ਬਾਡੀ ਬਿਲਕੁਲ ਐਥਲੀਟ ਵਰਗੀ ਬਣਾਈ ਸੀ, ਜਿਸ ਨੂੰ ਦੇਖ ਕੇ ਹਰ ਕੋਈ ਹੈਰਾਨ ਰਹਿ ਗਿਆ। ਫਰਹਾਨ ਅਖ਼ਤਰ ਨੇ ਇਸ ਫ਼ਿਲਮ ਨੂੰ ਲੈ ਕੇ ਕਾਫੀ ਸੁਰਖੀਆਂ ਬਟੋਰੀਆਂ ਸਨ।
ਇਹ ਖ਼ਬਰ ਵੀ ਪੜ੍ਹੋ - ਕਰਨ ਔਜਲਾ ਨੇ ਗੱਡੇ ਝੰਡੇ, ਵਿਦੇਸ਼ ਦੀ ਧਰਤੀ 'ਤੇ ਇੰਝ ਚਮਕਾਇਆ ਪੰਜਾਬੀਆਂ ਦਾ ਨਾਂ
5. ਆਮਿਰ ਖ਼ਾਨ (ਦੰਗਲ)
ਇਸ ਦੇ ਨਾਲ ਹੀ ਅਦਾਕਾਰ ਆਮਿਰ ਖ਼ਾਨ ਨੇ ਫ਼ਿਲਮ ਦੰਗਲ ਵਿਚ ਆਪਣੀ ਭੂਮਿਕਾ ਲਈ ਆਪਣਾ ਭਾਰ 96 ਕਿਲੋ ਤੱਕ ਵਧਾ ਲਿਆ ਸੀ। ਇਸ ਦੇ ਲਈ ਉਸ ਨੇ ਸਿਰਫ 5 ਮਹੀਨੇ ਲਏ। ਤਾਂ ਕਿ ਉਹ ਆਪਣੇ ਕਿਰਦਾਰ 'ਚ ਪਰਫੈਕਟ ਨਜ਼ਰ ਆਵੇ।
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਮੈਚ ਦੌਰਾਨ ਸ਼ਾਹਰੁਖ ਖ਼ਾਨ ਸ਼ਰੇਆਮ ਕਰ 'ਤੀ ਇਹ ਹਰਕਤ, ਵੇਖ ਸੱਤਵੇਂ ਆਸਮਾਨ 'ਤੇ ਚੜ੍ਹਿਆ ਲੋਕਾਂ ਦਾ ਪਾਰਾ
NEXT STORY 
