ਮੁੰਬਈ : ਵੈੱਬ ਸੀਰੀਜ਼ ‘ਮਿਰਜ਼ਾਪੁਰ’ ਵਿਚ ਮੁੰਨਾ ਭਈਆ ਦੇ ਖਾਸ ਦੋਸਤ ਲਲਿਤ ਦਾ ਕਿਰਦਾਰ ਨਿਭਾਉਣ ਵਾਲੇ ਬ੍ਰਹਮਾ ਮਿਸ਼ਰਾ ਦਾ ਹਾਰਟ ਅਟੈਕ ਨਾਲ ਦੇਹਾਂਤ ਹੋ ਗਿਆ ਹੈ। ਬ੍ਰਹਮਾ ਨੇ 32 ਸਾਲ ਦੀ ਉਮਰ ਵਿਚ ਇਸ ਦੁਨੀਆ ਨੂੰ ਅਲਵਿਦਾ ਕਹਿ ਦਿੱਤਾ ਹੈ। ਬ੍ਰਹਮਾ ਨੂੰ ਅਚਾਨਕ ਛਾਤੀ ’ਚ ਦਰਦ ਹੋਇਆ, ਜਿਸ ਤੋਂ ਬਾਅਦ ਉਹ ਡਾਕਟਰ ਤੋਂ ਗੈਸ ਦੀ ਦਵਾਈ ਲੈ ਕੇ ਘਰ ਵਾਪਸ ਪਰਤ ਆਏ। ਇਸ ਤੋਂ ਬਾਅਦ ਉਨ੍ਹਾਂ ਦੀ ਦਿਲ ਦਾ ਦੌਰਾ ਪੈਣ ਨਾਲ ਮੌਤ ਹੋ ਗਈ ਤੇ ਬ੍ਰਹਮਾ ਦੀ ਲਾਸ਼ ਤਿੰਨ ਦਿਨ ਤਕ ਬਾਥਰੂਮ ’ਚ ਪਈ ਰਹੀ। ਤਿੰਨ ਦਿਨਾਂ ਬਾਅਦ ਮੁੰਬਈ ਪੁਲਸ ਵੱਲੋਂ ਉਨ੍ਹਾਂ ਦੀ ਮ੍ਰਿਤਕ ਦੇਹ ਦਾ ਪੋਸਟਮਾਰਟਮ ਕਰਵਾਇਆ ਗਿਆ, ਜਿਸ ਤੋਂ ਪਤਾ ਲੱਗਾ ਕਿ ਮੌਤ ਕਦੋਂ ਤੇ ਕਿਵੇਂ ਹੋਈ। ਐਕਟਰ ਦਿਵਯੇਂਦੂ ਨੇ ਬ੍ਰਹਮਾ ਦੇ ਨਾਲ ਇਕ ਤਸਵੀਰ ਸ਼ੇਅਰ ਕਰ ਕੇ ਦੁੱਖ ਜ਼ਾਹਿਰ ਕੀਤਾ ਹੈ।
ਤਸਵੀਰ ਵਿਚ ਦਿਵਯੇਂਦੂ ਤੇ ਬ੍ਰਹਮਾ ਮੁਸਕਰਾਉਂਦੇ ਦਿਸ ਰਹੇ ਹਨ। ਤਸਵੀਰ ਸ਼ੇਅਰ ਕਰਦਿਆਂ ਦਿਵਯੇਂਦੂ ਨੇ ਲਿਖਿਆ, ‘‘RIP ਬ੍ਰਹਮਾ ਮਿਸ਼ਰਾ, ਸਾਡਾ ਲਲਿਤ ਇਸ ਦੁਨੀਆ ਵਿਚ ਨਹੀਂ ਰਿਹਾ। ਸਾਰੇ ਉਸ ਲਈ ਪ੍ਰਾਰਥਨਾ ਕਰਨ।’’ ਫੈਨਜ਼ ਇਸ ਤਸਵੀਰ ਨੂੰ ਲਾਈਕ ਕਰ ਰਹੇ ਹਨ ਤੇ ਦੁੱਖ ਜ਼ਾਹਿਰ ਕਰ ਰਹੇ ਹਨ।
ਦੱਸ ਦੇਈਏ ਕਿ ਵੈੱਬ ਸੀਰੀਜ਼ ਮਿਰਜ਼ਾਪੁਰ ਵਿਚ ਮੁੰਨਾ ਤ੍ਰਿਪਾਠੀ ਦਾ ਰੋਲ ਦਿਵਯੇਂਦੂ ਨੇ ਨਿਭਾਇਆ ਸੀ। ਬ੍ਰਹਮਾ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ 2013 ਵਿਚ ਚੋਰ ਚੋਰ ਸੁਪਰ ਚੋਰ ਤੋਂ ਕੀਤੀ ਸੀ। ਉਨ੍ਹਾਂ ਦੀ ਆਖਰੀ ਫਿਲਮ 2021 ਵਿਚ ਤਾਪਸੀ ਪੰਨੂ ਦੇ ਨਾਲ ਆਈ ‘ਹਸੀਨ ਦਿਲਰੁਬਾ’ ਸੀ। ਇਸ ਫਿਲਮ ਵਿਚ ਉਨ੍ਹਾਂ ਦਾ ਛੋਟਾ ਜਿਹਾ ਰੋਲ ਸੀ। ਮਿਰਜ਼ਾਪੁਰ ਤੋਂ ਇਲਾਵਾ ਬ੍ਰਹਮਾ ਨੇ ਫਿਲਮ ਕੇਸਰੀ, ਮਾਂਝੀ ਤੇ ਬਦਰੀਨਾਥ ਕੀ ਦੁਲਹਨੀਆ ’ਚ ਵੀ ਕੰਮ ਕੀਤਾ ਸੀ।
ਫ਼ਿਲਮ 'ਤੜਪ' ਦੇ ਪ੍ਰੀਮੀਅਰ 'ਤੇ ਆਥੀਆ ਸ਼ੈੱਟੀ ਨਾਲ ਦਿਸੇ ਕੇ. ਐੱਲ. ਰਾਹੁਲ (ਵੇਖੋ ਤਸਵੀਰਾਂ)
NEXT STORY 
