ਨਵੀਂ ਦਿੱਲੀ- ਏਕਤਾ ਕਪੂਰ ਨੇ ਹਾਲ ਹੀ 'ਚ ਆਪਣੇ ਇੰਸਟਾਗ੍ਰਾਮ ਸਟੋਰੀਜ਼ 'ਤੇ ਉਨ੍ਹਾਂ ਲੋਕਾਂ ਨੂੰ ਫਟਕਾਰ ਲਗਾਈ ਹੈ ਜੋ ਉਸ ਦੇ ਸ਼ੋਅ ਬਾਰੇ ਗਲਤ ਜਾਣਕਾਰੀ ਫੈਲਾ ਰਹੇ ਹਨ। ਟੈਲੀਵਿਜ਼ਨ ਸ਼ੋਅ ਦੇ ਨਿਰਮਾਤਾ ਨੇ ਕਿਸੇ ਦਾ ਨਾਂ ਨਹੀਂ ਲਿਆ ਪਰ 'ਗੈਰ-ਪ੍ਰੋਫੈਸ਼ਨਲ ਅਦਾਕਾਰਾਂ' 'ਤੇ ਨਿਸ਼ਾਨਾ ਸਾਧਿਆ ਅਤੇ 'ਗਲਤ ਜਾਣਕਾਰੀ' ਅਤੇ 'ਮਨਘੜਤ ਕਹਾਣੀਆਂ' ਫੈਲਾਉਣ ਵਾਲਿਆਂ ਨੂੰ ਸਵਾਲ ਕੀਤੇ ਹਨ। ਉਸ ਨੇ ਉਨ੍ਹਾਂ ਨੂੰ 'ਚੁੱਪ' ਰਹਿਣ ਅਤੇ ਕੁਝ ਇੱਜ਼ਤ ਬਰਕਰਾਰ ਰੱਖਣ ਦੀ ਅਪੀਲ ਕੀਤੀ। ਏਕਤਾ ਨੇ ਭਾਵੇਂ ਕਿਸੇ ਦਾ ਨਾਂ ਨਹੀਂ ਲਿਆ ਪਰ ਲੋਕ ਇਹ ਮੰਨ ਰਹੇ ਹਨ ਕਿ ਉਸ ਨੇ ਰਾਮ ਕਪੂਰ 'ਤੇ ਨਿਸ਼ਾਨਾ ਸਾਧਿਆ ਹੈ।ਏਕਤਾ ਕਪੂਰ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਲਿਖਿਆ- 'ਨਾਨ-ਪ੍ਰੋਫੈਸ਼ਨਲ ਅਦਾਕਾਰ ਜੋ ਮੇਰੇ ਸ਼ੋਅ ਬਾਰੇ ਇੰਟਰਵਿਊ ਦੇ ਰਹੇ ਹਨ, ਉਨ੍ਹਾਂ ਨੂੰ ਚੁੱਪ ਰਹਿਣਾ ਚਾਹੀਦਾ ਹੈ। ਝੂਠੀ ਜਾਣਕਾਰੀ ਅਤੇ ਮਨਘੜਤ ਕਹਾਣੀਆਂ ਉਦੋਂ ਤੱਕ ਜਾਰੀ ਰਹਿ ਸਕਦੀਆਂ ਹਨ ਜਦੋਂ ਤੱਕ ਮੈਂ ਚੁੱਪ ਰਹਾਂਗੀ ਪਰ ਚੁੱਪ ਵਿੱਚ ਵੀ ਮਾਣ ਹੈ।
ਰਾਮ ਕਪੂਰ ਦੇ ਇੰਟਰਵਿਊ ਤੋਂ ਬਾਅਦ ਏਕਤਾ ਨੇ ਦਿੱਤੀ ਪ੍ਰਤੀਕਿਰਿਆ
ਦਿਲਚਸਪ ਗੱਲ ਇਹ ਹੈ ਕਿ ਇਹ ਪੋਸਟ ਏਕਤਾ ਕਪੂਰ ਦੁਆਰਾ ਨਿਰਮਿਤ ਰਾਮ ਕਪੂਰ ਦੇ ਸ਼ੋਅ 'ਬੜੇ ਅੱਛੇ ਲਗਤੇ ਹੈ' ਬਾਰੇ ਗੱਲ ਕਰਨ ਤੋਂ ਇਕ ਦਿਨ ਬਾਅਦ ਕੀਤੀ ਗਈ ਹੈ। ਰਾਮ ਨੇ ਸ਼ੋਅ ਵਿੱਚ ਸਾਕਸ਼ੀ ਤੰਵਰ ਨਾਲ ਆਪਣੀ ਆਨ -ਸਕ੍ਰੀਨ Kiss ਬਾਰੇ ਗੱਲ ਕੀਤੀ ਅਤੇ ਯਾਦ ਕੀਤਾ ਕਿ ਇਸ ਦੀ ਦਰਸ਼ਕਾਂ ਵੱਲੋਂ ਭਾਰੀ ਆਲੋਚਨਾ ਹੋਈ ਸੀ। ਉਸ ਨੇ ਦੱਸਿਆ ਕਿ ਏਕਤਾ ਨੇ ਇਸ ਬੋਲਡ ਸੀਨ ਨੂੰ ਅੱਗੇ ਵਧਾਉਣ ਦਾ ਫੈਸਲਾ ਕੀਤਾ ਸੀ।
ਇਹ ਵੀ ਪੜ੍ਹੋ-ਅਕਸ਼ੈ ਕੁਮਾਰ ਦੀਆਂ ਵਧੀਆਂ ਮੁਸ਼ਕਲਾਂ! ਜਾਣੋ ਕਾਰਨ
ਰਾਮ ਕਪੂਰ ਨੇ ਸ਼ੋਅ ਬਾਰੇ ਕੀ ਕਿਹਾ?
ਇਕ ਇੰਟਰਵਿਊ 'ਚ ਰਾਮ ਕਪੂਰ ਨੇ ਕਿਹਾ ਸੀ- 'ਮੇਰਾ ਕੰਮ ਅਦਾਕਾਰ ਦੇ ਤੌਰ 'ਤੇ ਆਪਣਾ ਕੰਮ ਕਰਨਾ ਹੈ। ਮੈਨੂੰ ਕਿਸੇ ਨੂੰ ਕੋਈ ਸਪੱਸ਼ਟੀਕਰਨ ਦੇਣ ਦੀ ਲੋੜ ਨਹੀਂ ਹੈ, ਮੇਰਾ ਕੰਮ ਸਕ੍ਰਿਪਟ ਦਾ ਪਾਲਣ ਕਰਨਾ ਹੈ, ਮੈਂ ਕਿਵੇਂ ਕਹਿ ਸਕਦਾ ਹਾਂ ਕਿ ਮੈਂ ਅਜਿਹਾ ਨਹੀਂ ਕਰ ਸਕਦਾ, ਜੇਕਰ ਮੈਂ ਅਜਿਹਾ ਕਰਾਂਗਾ ਤਾਂ ਮੈਂ ਅਦਾਕਾਰ ਨਹੀਂ ਹਾਂ, ਇਸ ਲਈ ਮੈਂ ਕੁਝ ਗਲਤ ਨਹੀਂ ਕੀਤਾ ਹੈ।
ਟੈਲੀਵਿਜ਼ਨ ਦਾ ਪਹਿਲਾ KISS
ਉਸ ਨੇ ਅੱਗੇ ਕਿਹਾ, 'ਏਕਤਾ ਨੇ ਖੁਦ ਸੀਨ ਲਿਖਿਆ ਸੀ, ਸਾਨੂੰ ਸੀਨ ਕਰਨ ਲਈ ਕਿਹਾ ਸੀ। ਮੈਂ ਏਕਤਾ ਨੂੰ ਕਿਹਾ, 'ਕੀ ਤੁਹਾਨੂੰ ਯਕੀਨ ਹੈ? ਇਹ ਟੈਲੀਵਿਜ਼ਨ 'ਤੇ ਪਹਿਲਾਂ ਕਦੇ ਨਹੀਂ ਹੋਇਆ, ਇਹ ਟੈਲੀਵਿਜ਼ਨ 'ਤੇ ਪਹਿਲਾ KISS ਸੀ, ਜੋ ਕਿ ਇੱਕ ਵੱਡੀ ਗੱਲ ਹੈ ਅਤੇ ਤਿੰਨ ਪੀੜ੍ਹੀਆਂ ਇਕੱਠੇ ਦੇਖ ਰਹੀਆਂ ਹਨ ਪਰ ਏਕਤਾ ਨੇ ਕਿਹਾ ਕਿ ਉਸ ਨੂੰ ਇਹ ਕਰਨਾ ਪਵੇਗਾ, ਮੈਂ ਕਿਹਾ, ਠੀਕ ਹੈ, ਪਹਿਲਾਂ ਮੈਂ ਆਪਣੀ ਆਨ ਸਕ੍ਰੀਨ ਪਤਨੀ ਤੋਂ ਇਜਾਜ਼ਤ ਲਵਾਂਗਾ। ਫਿਰ ਮੈਂ ਸਾਕਸ਼ੀ ਨੂੰ ਕਿਹਾ ਕਿ ਦੇਖ, ਮੈਂ ਏਕਤਾ ਨੂੰ ਸੰਭਾਲ ਲਵਾਂਗਾ, ਜੇ ਤੁਹਾਨੂੰ ਕੋਈ ਸਮੱਸਿਆ ਹੈ ਤਾਂ ਮੈਨੂੰ ਦੱਸੋ।
ਇਹ ਵੀ ਪੜ੍ਹੋ-ਧਰਮਿੰਦਰ ਨੇ ਪੁਰਾਣੇ ਦਿਨਾਂ ਨੂੰ ਮੁੜ ਕੀਤਾ ਯਾਦ, ਤਸਵੀਰ ਕੀਤੀ ਸਾਂਝੀ
2011 'ਚ ਹੋਇਆ ਸੀ ਸ਼ੋਅ ਦਾ ਪ੍ਰੀਮੀਅਰ
ਤੁਹਾਨੂੰ ਦੱਸ ਦੇਈਏ ਕਿ ‘ਬੜੇ ਅੱਛੇ ਲਗਤੇ ਹੈ’ ਦਾ ਪ੍ਰੀਮੀਅਰ 2011 'ਚ ਹੋਇਆ ਸੀ। ਇਸ ਸ਼ੋਅ 'ਚ ਰਾਮ ਕਪੂਰ ਅਤੇ ਸਾਕਸ਼ੀ ਤੰਵਰ ਨੇ ਰਾਮ ਅਤੇ ਪ੍ਰਿਆ ਦੀ ਭੂਮਿਕਾ ਨਿਭਾਈ ਹੈ। ਉਨ੍ਹਾਂ ਦੀ ਕੈਮਿਸਟਰੀ ਨੂੰ ਦਰਸ਼ਕਾਂ ਨੇ ਕਾਫੀ ਪਸੰਦ ਕੀਤਾ ਅਤੇ ਸ਼ੋਅ ਹਿੱਟ ਹੋ ਗਿਆ। ਸ਼ੋਅ ਦੇ ਦੂਜੇ ਸੀਜ਼ਨ 'ਚ, ਰਾਮ ਅਤੇ ਸਾਕਸ਼ੀ ਦੀ ਥਾਂ ਨਕੁਲ ਮਹਿਤਾ ਅਤੇ ਦਿਸ਼ਾ ਪਰਮਾਰ ਨੂੰ ਲਿਆ ਗਿਆ ਸੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਅਕਸ਼ੈ ਕੁਮਾਰ ਦੀਆਂ ਵਧੀਆਂ ਮੁਸ਼ਕਲਾਂ! ਜਾਣੋ ਕਾਰਨ
NEXT STORY 
