ਮੁੰਬਈ- ਬਾਲੀਵੁੱਡ ਦੇ ਮਸ਼ਹੂਰ ਅਦਾਕਾਰ ਰਿਸ਼ੀ ਕਪੂਰ ਦੇ ਦਿਹਾਂਤ ਨੂੰ ਅੱਜ ਪੂਰੇ 2 ਸਾਲ ਹੋ ਗਏ ਹਨ। ਕੈਂਸਰ ਨਾਲ ਲੰਬੀ ਲੜਾਈ ਲੜਣ ਤੋਂ ਬਾਅਦ ਰਿਸ਼ੀ ਜੀ ਨੇ 30 ਅਪ੍ਰੈਲ ਨੂੰ ਸਾਲ 2020 'ਚ ਦੁਨੀਆ ਤੋਂ ਵਿਦਾਈ ਲਈ ਸੀ। ਉਨ੍ਹਾਂ ਨੇ 67 ਸਾਲ ਦੀ ਉਮਰ 'ਚ ਆਖਰੀ ਸਾਹ ਲਿਆ। ਅੱਜ ਰਿਸ਼ੀ ਦੀ ਦੂਜੀ ਬਰਸੀ ਹੈ। ਅੱਜ ਰਿਸ਼ੀ ਦੀ ਬਰਸੀ 'ਤੇ ਪ੍ਰਸ਼ੰਸਕਾਂ ਤੋਂ ਲੈ ਕੇ ਪਰਿਵਾਰ ਵਾਲੇ ਉਨ੍ਹਾਂ ਨੂੰ ਯਾਦ ਕਰਕੇ ਭਾਵੁਕ ਹੋ ਰਹੇ ਹਨ। ਨੀਤੂ ਕਪੂਰ ਤੋਂ ਲੈ ਕੇ ਰਿੱਧੀਮਾ ਕਪੂਰ ਨੇ ਇੰਸਟਾ 'ਤੇ ਪੋਸਟ ਸਾਂਝੀ ਕਰਕੇ ਸਵ. ਅਦਾਕਾਰ ਨੂੰ ਯਾਦ ਕੀਤਾ ਹੈ।
ਉਧਰ ਹੁਣ ਨੂੰਹ ਆਲੀਆ ਭੱਟ ਨੇ ਵੀ ਸਵ. ਸਹੁਰਾ ਜੀ ਨੂੰ ਯਾਦ ਕੀਤਾ ਹੈ। ਆਲੀਆ ਨੇ ਆਪਣੀ ਇੰਸਟਾ ਸਟੋਰੀ 'ਤੇ ਇਕ ਬਲੈਕ ਐਂਡ ਵ੍ਹਾਈਟ ਤਸਵੀਰ ਸਾਂਝੀ ਕੀਤੀ ਹੈ। ਤਸਵੀਰ 'ਚ ਆਲੀਆ, ਰਣਬੀਰ-ਨੀਤੂ ਅਤੇ ਰਿਸ਼ੀ ਕਪੂਰ ਦੇ ਨਾਲ ਖੜ੍ਹੀ ਹੋ ਕੇ ਕੈਮਰੇ ਨੂੰ ਪੋਜ਼ ਦਿੰਦੀ ਨਜ਼ਰ ਆ ਰਹੀ ਹੈ।
ਇਸ ਦੌਰਾਨ ਸਭ ਦੇ ਚਿਹਰੇ 'ਤੇ ਪਿਆਰੀ ਜਿਹੀ ਮੁਸਕੁਰਾਹਟ ਹੈ, ਜਿਸ ਤੋਂ ਸਾਫ ਪਤਾ ਚੱਲਦਾ ਹੈ ਕਿ ਆਲੀਆ ਪਹਿਲੇ ਤੋਂ ਹੀ ਕਪੂਰ ਪਰਿਵਾਰ ਦੇ ਕਾਫੀ ਕਰੀਬ ਸੀ। ਤਸਵੀਰ ਦੇ ਨਾਲ ਆਲੀਆ ਨੇ ਲਿਖਿਆ-'ਹਮੇਸ਼ਾ-ਹਮੇਸ਼ਾ ਦੇ ਲਈ'।
ਆਲੀਆ ਭੱਟ ਰਿਸ਼ੀ ਕਪੂਰ ਦੇ ਇਲਾਜ ਦੌਰਾਨ ਉਨ੍ਹਾਂ ਨੂੰ ਕਈ ਵਾਰ ਮਿਲਣ ਪਹੁੰਚੀ ਸੀ, ਨਾਲ ਹੀ ਅਦਾਕਾਰ ਦੇ ਅੰਤਿਮ ਸੰਸਕਾਰ 'ਚ ਵੀ ਆਲੀਆ ਭੱਟ ਨੂੰ ਕਪੂਰ ਪਰਿਵਾਰ ਦੇ ਨਾਲ ਖੜ੍ਹਾ ਪਾਇਆ ਗਿਆ ਸੀ।
ਜ਼ਿਕਰਯੋਗ ਹੈ ਕਿ 14 ਅਪ੍ਰੈਲ ਨੂੰ ਰਿਸ਼ੀ ਕਪੂਰ ਦੇ ਇਕਲੌਤੇ ਪੁੱਤਰ ਰਣਬੀਰ ਕਪੂਰ ਨੇ ਆਲੀਆ ਭੱਟ ਨਾਲ ਵਿਆਹ ਰਚਾਇਆ ਹੈ। ਇਸ ਵਿਆਹ ਦੇ ਦੌਰਾਨ ਹਰ ਕਿਸੇ ਨੇ ਰਿਸ਼ੀ ਨੂੰ ਯਾਦ ਕੀਤਾ। ਦਰਅਸਲ ਰਿਸ਼ੀ ਜੀ ਦੀ ਆਖਿਰੀ ਇੱਛਾ ਸੀ ਕਿ ਉਹ ਰਣਬੀਰ ਨੂੰ ਘੋੜੀ ਚੜ੍ਹੇ ਦੇਖਣਾ ਚਾਹੁੰਦੇ ਸਨ। ਅਜਿਹੇ 'ਚ ਜਦੋਂ ਇਸ ਖਾਸ ਘੜੀ 'ਚ ਰਿਸ਼ੀ ਜੀ ਨਾਲ ਨਹੀਂ ਸਨ ਤਾਂ ਪਰਿਵਾਰ ਦੀਆਂ ਅੱਖਾਂ ਨਮ ਸਨ। ਭਾਵੇਂ ਹੀ ਸਰੀਰਿਕ ਰੂਪ ਨਾਲ ਮੌਜੂਦ ਨਹੀਂ ਸਨ ਪਰ ਤਸਵੀਰਾਂ ਰਾਹੀਂ ਉਨ੍ਹਾਂ ਨੂੰ ਹਰ ਫੰਕਸ਼ਨ 'ਚ ਸ਼ਿਰਕਤ ਕਰਦੇ ਹੋਏ ਦੇਖਿਆ ਗਿਆ ਸੀ।
ਕੰਮ ਤੋਂ ਬ੍ਰੇਕ ਲੈ ਕੇ ਮਾਂ ਅਤੇ ਭੈਣ ਨਾਲ ਘੁੰਮਣ ਨਿਕਲੀ ਦੀਪਿਕਾ, ਦੇਖੋ ਮਸਤੀ ਟਾਈਮ ਦੀਆਂ ਤਸਵੀਰਾਂ
NEXT STORY 
