ਮੁੰਬਈ- ਹਾਲੀਵੁੱਡ ਅਦਾਕਾਰਾ ਗੈਲ ਗੈਡੋਟ ਦੀ ਫਿਲਮ ‘ਵੰਡਰ ਵੂਮੈਨ 1984' ਬੀਤੇ ਸਾਲ ਦਸੰਬਰ ਦੇ ਮਹੀਨੇ ’ਚ ਦੁਨੀਆ ਭਰ ਦੇ ਸਿਨੇਮਾਘਰਾਂ ’ਚ ਰਿਲੀਜ਼ ਹੋਈ ਸੀ। ਉਸ ਸਮੇਂ ਭਾਰਤ ’ਚ ਕੋਰੋਨਾ ਦੇ ਚੱਲਦੇ ਇਹ ਫ਼ਿਲਮ ਸਹੀ ਢੰਗ ਨਾਲ ਰਿਲੀਜ਼ ਨਹੀਂ ਹੋ ਸਕੀ ਸੀ। ਕੁਝ ਕੁ ਸਿਨੇਮਾਘਰਾਂ ’ਚ ਰਿਲੀਜ਼ ਹੋਣ ਕਾਰਨ ਇਸ ਨੂੰ ਉਹ ਰਿਸਪਾਂਸ ਨਹੀਂ ਮਿਲਿਆ ਜਿਵੇਂ ਦਾ ਮੇਕਰਸ ਉਮੀਦ ਕਰ ਰਹੇ ਸਨ।
ਚਾਰ ਭਾਸ਼ਾਵਾਂ ’ਚ ਹੋਵੇਗੀ ਰਿਲੀਜ਼
ਭਾਰਤ ’ਚ ਗੈਲ ਗੈਡੋਟ ਦੇ ਪ੍ਰਸ਼ੰਸਕ ਫ਼ਿਲਮ ਦੇ ਓ.ਟੀ.ਟੀ ’ਤੇ ਰਿਲੀਜ਼ ਹੋਣ ਦਾ ਇੰਤਜ਼ਾਰ ਕਰ ਰਹੇ ਸੀ। ਹੁਣ ਉਨ੍ਹਾਂ ਦਾ ਇੰਤਜ਼ਾਰ ਖ਼ਤਮ ਹੋ ਗਿਆ ਹੈ। ਫ਼ਿਲਮ 15 ਮਈ ਨੂੰ ਓ.ਟੀ.ਟੀ. ਪਲੇਟਫਾਰਮ ਐਮਾਜ਼ੋਨ ਪ੍ਰਾਈਮ ਵੀਡੀਓ ’ਤੇ ਸਟ੍ਰੀਮ ਕੀਤੀ ਜਾਵੇਗੀ। ਇਸ ਨੂੰ ਅੰਗਰੇਜ਼ੀ, ਹਿੰਦੀ, ਤਮਿਲ, ਤੇਲੁਗ ਸਮੇਤ ਕੁੱਲ 4 ਭਾਸ਼ਾਵਾਂ ’ਚ ਰਿਲੀਜ਼ ਕੀਤਾ ਜਾਵੇਗਾ।
ਪ੍ਰਸ਼ੰਸਕ ਹਨ ਕਾਫ਼ੀ ਉਤਸ਼ਾਹਿਤ
ਸੁਪਰ ਹੀਰੋ ਵਾਲੀ ਸਾਲ 2017 ’ਚ ਆਈ ਇਹ ਫਿਲਮ ‘ਵੰਡਰ ਵੂਮੈਨ’ ਦਾ ਸੀਕੁਅਲ ਹੈ। ਇਹ ਫ਼ਿਲਮ ਡੀ.ਸੀ. ਸਟੂਡੀਓਜ਼ ਨੇ ਬਣਾਈ ਹੈ। ਇਹ ਫ਼ਿਲਮ ਇਕ ਵੱਡੇ ਬਜਟ ਦੀ ਫ਼ਿਲਮ ਹੈ, ਜਿਸ ਨੂੰ ਬਣਾਉਣ ’ਚ 850 ਮਿਲੀਅਨ ਡਾਲਰ ਦਾ ਖਰਚਾ ਆਇਆ। ਫਿਲਮ ’ਚ ਗੈਲ ਗੈਡੋਟ ਤੋਂ ਇਲਾਵਾ ਕ੍ਰਿਸ ਪਾਈਨ, ਪੈਡਰੋ ਪਾਸਕਲ ਤੇ ਕ੍ਰਿਸਟਨ ਵਿਗ ਜਿਹੇ ਅਦਾਕਾਰ ਵੀ ਹਨ। ਹੁਣ ਪ੍ਰਸ਼ੰਸਕ ਅੱਜ ਤੋਂ ਇਸ ਫ਼ਿਲਮ ਨੂੰ ਦੇਖ ਸਕਣਗੇ। ਅਜਿਹੇ ’ਚ ਪ੍ਰਸ਼ੰਸਕ ਫ਼ਿਲਮ ਨੂੰ ਲੈ ਕੇ ਕਾਫ਼ੀ ਉਤਸ਼ਾਹਿਤ ਹਨ।
ਗੈਲ ਗੈਡੋਟ ਨੇ 2009 ’ਚ ਕੀਤੀ ਸੀ ਕਰੀਅਰ ਦੀ ਸ਼ੁਰੂਆਤ
ਗੈਲ ਗੈਡੋਟ ਦੀ ਇਸ ਫ਼ਿਲਮ ਨੂੰ 2020 ਦਸੰਬਰ ’ਚ ਪੂਰੀ ਦੁਨੀਆ ’ਚ ਇਕੱਠੇ ਸਿਨੇਮਾਘਰਾਂ ’ਚ ਰਿਲੀਜ਼ ਕੀਤਾ ਗਿਆ ਸੀ ਪਰ ਭਾਰਤ ’ਚ ਉਸ ਸਮੇਂ ਸਿਨੇਮਾਘਰ ਬੰਦ ਸਨ ਤਾਂ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਇਸ ਫ਼ਿਲਮ ਨੂੰ ਸਿਨੇਮਾਘਰਾਂ ’ਚ ਨਾ ਦੇਖ ਪਾਉਣ ਦੀ ਵਜ੍ਹਾ ਨਾਲ ਕਾਫ਼ੀ ਦੁਖ਼ੀ ਹੋਏ ਸਨ। ਗੈਲ ਗੈਡੋਟ ਇਜ਼ਰਾਈਲ ਦੀ ਰਹਿਣ ਵਾਲੀ ਹੈ ਅਤੇ 2009 ’ਚ ਉਨ੍ਹਾਂ ਨੇ ਹਾਲੀਵੁੱਡ ’ਚ ਆਪਣਾ ਕਰੀਅਰ ਸ਼ੁਰੂ ਕੀਤਾ ਸੀ। ਉਨ੍ਹਾਂ ਨੇ ਫ਼ਿਲਮ ‘ਫਾਸਟ ਐਂਡ ਫਿਊਰਿਅਸ’ ’ਚ ਪਹਿਲਾਂ ਰੋਲ ਮਿਲਿਆ ਜਿਸ ਤੋਂ ਬਾਅਦ ਹੁਣ ਤੱਕ ਉਨ੍ਹਾਂ ਦੀ 9 ਫ਼ਿਲਮ ’ਚ ਖਤਰਨਾਕ ਸਟੰਟ ਕਰਦੇ ਹੋਏ ਜਲਦੀ ਹੀ ਨਜ਼ਰ ਆਉਣ ਵਾਲੀ ਹੈ।
ਕੋਰੋਨਾ ਆਫ਼ਤ ਦੌਰਾਨ ਕਾਰਤਿਨ ਨੇ ਵਧਾਇਆ ਮਦਦ ਦਾ ਹੱਥ, ਪਿ੍ਰਯੰਕਾ ਚੋਪੜਾ ਦੀ ਫਾਊਂਡੇਸ਼ਨ ’ਚ ਦਾਨ ਕੀਤੇ 5 ਲੱਖ
NEXT STORY 
