ਐਟਰਟੇਨਮੈਂਟ ਡੈਸਕ- ਮਹਾਂਕੁੰਭ 2025 13 ਜਨਵਰੀ ਨੂੰ ਉੱਤਰ ਪ੍ਰਦੇਸ਼ ਦੇ ਪ੍ਰਯਾਗਰਾਜ 'ਚ ਸ਼ੁਰੂ ਹੋਇਆ ਹੈ। ਇਸ ਸਮੇਂ ਦੌਰਾਨ, ਪੌਸ਼ ਪੂਰਨਿਮਾ 'ਤੇ, ਲੱਖਾਂ ਸ਼ਰਧਾਲੂਆਂ ਨੇ ਗੰਗਾ ਨਦੀ 'ਚ ਪਵਿੱਤਰ ਡੁਬਕੀ ਲਗਾਈ। ਦੇਸ਼ ਅਤੇ ਦੁਨੀਆ ਦੀਆਂ ਕਈ ਵੱਡੀਆਂ ਸ਼ਖਸੀਅਤਾਂ, ਸੰਤ ਅਤੇ ਅਧਿਆਤਮਿਕ ਆਗੂ ਹਿੱਸਾ ਲੈਣ ਲਈ ਪ੍ਰਯਾਗਰਾਜ ਪਹੁੰਚ ਰਹੇ ਹਨ।
ਇਸ ਦੌਰਾਨ, ਹਰਸ਼ਾ ਰਿਚਾਰੀਆ ਨਾਮ ਦੀ ਇੱਕ ਸੁੰਦਰ ਸਾਧਵੀ ਦੀ ਸੋਸ਼ਲ ਮੀਡੀਆ 'ਤੇ ਬਹੁਤ ਚਰਚਾ ਹੋ ਰਹੀ ਹੈ। ਇਸ ਦੇ ਨਾਲ ਹੀ, ਬਹੁਤ ਸਾਰੇ ਲੋਕ ਹਰਸ਼ਾ ਰਿਚਾਰੀਆ ਦੀ ਪੁਰਾਣੀ ਤਸਵੀਰ ਨੂੰ ਵੀ ਵਾਇਰਲ ਕਰ ਰਹੇ ਹਨ। ਜਾਣੋ ਕੌਣ ਹੈ ਹਰਸ਼ਾ ਰਿਚਾਰੀਆ ਜਿਸ ਦੀਆਂ ਤਸਵੀਰਾਂ ਨੇ ਸੋਸ਼ਲ ਮੀਡੀਆ 'ਤੇ ਉਸ ਬਾਰੇ ਚਰਚਾ ਸ਼ੁਰੂ ਕਰ ਦਿੱਤੀ ਹੈ?
ਵੀਡੀਓ ਹੋ ਰਿਹਾ ਹੈ ਵਾਇਰਲ
ਹਰਸ਼ਾ ਰਿਚਾਰੀਆ ਮਹਾਕੁੰਭ 2025 'ਚ ਸ਼ਾਮਲ ਹੋਣ ਲਈ ਆਈ ਹੈ। ਇਸ ਦੌਰਾਨ, ਉਸ ਦੀ ਇੱਕ ਵੀਡੀਓ ਸਾਹਮਣੇ ਆਈ ਜਿਸ ਵਿੱਚ ਹਰਸ਼, ਰੱਥ 'ਤੇ ਬੈਠੀ ਹੈ, ਆਪਣੇ ਮੱਥੇ 'ਤੇ ਤਿਲਕ ਅਤੇ ਫੁੱਲਾਂ ਦੀ ਮਾਲਾ ਪਹਿਨੀ ਹੋਈ ਹੈ। ਇਸ ਦੌਰਾਨ ਇੱਕ ਰਿਪੋਰਟਰ ਹਰਸ਼ਾ ਨੂੰ ਸਵਾਲ ਕਰਦਾ ਹੈ।
ਜਦੋਂ ਹਰਸ਼ਾ ਨੂੰ ਪੁੱਛਿਆ ਗਿਆ ਕਿ ਇੰਨੀ ਸੁੰਦਰ ਹੋਣ ਦੇ ਬਾਵਜੂਦ, ਉਹ ਸਾਧਵੀ ਕਿਉਂ ਬਣੀ? ਇਸ 'ਤੇ ਉਸਨੇ ਇੰਨੀ ਛੋਟੀ ਉਮਰ ਵਿੱਚ ਇਹ ਰਸਤਾ ਚੁਣਨ ਦਾ ਕਾਰਨ ਦੱਸਿਆ।
ਤੁਸੀਂ ਸਾਧਵੀ ਕਿਉਂ ਬਣੇ?
ਹਰਸ਼ ਨੇ ਦੱਸਿਆ ਕਿ ਮੈਂ ਉਤਰਾਖੰਡ ਤੋਂ ਹਾਂ ਅਤੇ ਆਚਾਰੀਆ ਮਹਾਮੰਡਲੇਸ਼ਵਰ ਦੀ ਸਾਧਵੀ ਹਾਂ। ਆਪਣੀ ਸੁੰਦਰਤਾ ਬਾਰੇ ਇੱਕ ਸਵਾਲ ਦੇ ਜਵਾਬ ਵਿੱਚ, ਉਸ ਨੇ ਕਿਹਾ, ਮੈਂ ਆਪਣੀ ਪੁਰਾਣੀ ਜ਼ਿੰਦਗੀ ਨੂੰ ਪਿੱਛੇ ਛੱਡ ਦਿੱਤਾ ਹੈ ਅਤੇ ਇੱਕ ਨਵਾਂ ਰਸਤਾ ਅਪਣਾਇਆ ਹੈ। ਮੈਂ ਅੰਦਰੂਨੀ ਸ਼ਾਂਤੀ ਲਈ ਸਾਧਵੀ ਦਾ ਜੀਵਨ ਚੁਣਿਆ। ਇੰਟਰਵਿਊ 'ਚ ਉਸ ਨੇ ਕਿਹਾ ਕਿ ਮੈਂ ਇਸ ਸਮੇਂ 30 ਸਾਲਾਂ ਦੀ ਹਾਂ ਅਤੇ ਪਿਛਲੇ ਦੋ ਸਾਲਾਂ ਤੋਂ ਸਾਧਵੀ ਦੀ ਜ਼ਿੰਦਗੀ ਜੀਅ ਰਹੀ ਹਾਂ।
ਉਸ ਦੇ ਇੰਸਟਾਗ੍ਰਾਮ ਪ੍ਰੋਫਾਈਲ ਦੇ ਅਨੁਸਾਰ, ਉਹ ਇੱਕ ਸਮਾਜਿਕ ਕਾਰਕੁਨ ਅਤੇ Influncer ਹੈ। ਉਸ ਨੇ ਇਹ ਵੀ ਕਿਹਾ ਹੈ ਕਿ ਉਹ ਆਚਾਰੀਆ ਮਹਾਮੰਡਲੇਸ਼ਵਰ ਸਵਾਮੀ ਕੈਲਾਸ਼ਾਨੰਦ ਮਹਾਰਾਜ ਨਿਰੰਜਨੀ ਅਖਾੜਾ ਦੀ ਇੱਕ ਸਾਧਵੀ ਹੈ। ਉਸ ਨੇ ਐਂਕਰਿੰਗ ਅਤੇ ਅਦਾਕਾਰੀ ਲਈ ਦੁਨੀਆ ਭਰ ਦੀ ਯਾਤਰਾ ਕੀਤੀ ਹੈ। ਇੰਟਰਵਿਊ ਦੌਰਾਨ ਹਰਸ਼ਾ ਕਹਿੰਦੀ ਹੈ- ਜਦੋਂ ਤੁਸੀਂ ਜ਼ਿੰਦਗੀ ਵਿੱਚ ਬਹੁਤ ਕੁਝ ਪ੍ਰਾਪਤ ਕਰਦੇ ਹੋ ਤਾਂ ਤੁਹਾਨੂੰ ਅਹਿਸਾਸ ਹੁੰਦਾ ਹੈ ਕਿ ਇਹ ਸਭ ਸ਼ਾਂਤੀ ਨਹੀਂ ਦਿੰਦਾ। ਉਸ ਦੀਆਂ ਕਈ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਸਿੱਧੂ ਮੂਸੇਵਾਲਾ ਦੇ ਚਾਹੁਣ ਵਾਲਿਆਂ ਲਈ ਖ਼ੁਸ਼ਖ਼ਬਰੀ! ਜਲਦ ਆ ਰਿਹੈ ਨਵਾਂ ਗਾਣਾ, ਹਵੇਲੀ 'ਚ ਹੋਈ ਸ਼ੂਟਿੰਗ
NEXT STORY 
