ਮੁੰਬਈ- ਬਾਲੀਵੁੱਡ ਦੇ 'ਹੀ-ਮੈਨ' ਧਰਮਿੰਦਰ ਦਾ 24 ਨਵੰਬਰ 2025 ਨੂੰ 89 ਸਾਲ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ, ਜਿਸ ਤੋਂ ਬਾਅਦ ਪੂਰਾ ਦਿਓਲ ਪਰਿਵਾਰ ਅਤੇ ਉਨ੍ਹਾਂ ਦੇ ਚਾਹੁਣ ਵਾਲੇ ਸੋਗ ਵਿੱਚ ਡੁੱਬੇ ਹੋਏ ਹਨ। ਦਿੱਗਜ ਅਭਿਨੇਤਾ ਦੇ ਦਿਹਾਂਤ ਤੋਂ ਬਾਅਦ ਉਨ੍ਹਾਂ ਦੀ ਦੂਜੀ ਪਤਨੀ ਅਤੇ ਭਾਜਪਾ ਸੰਸਦ ਹੇਮਾ ਮਾਲਿਨੀ ਦੇ ਪਹਿਲੇ ਪ੍ਰਤੀਕਰਮ ਦਾ ਇੰਤਜ਼ਾਰ ਸੀ। ਅੱਜ ਸਵੇਰੇ ਹੇਮਾ ਮਾਲਿਨੀ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ (X) 'ਤੇ ਲਗਾਤਾਰ ਕਈ ਪੋਸਟਾਂ ਸਾਂਝੀਆਂ ਕਰਕੇ ਆਪਣੇ ਦਿਲ ਦਾ ਦਰਦ ਬਿਆਨ ਕੀਤਾ ਹੈ।
ਧਰਮਿੰਦਰ ਮੇਰੇ ਲਈ ਸਭ ਕੁਝ ਸਨ: ਹੇਮਾ ਮਾਲਿਨੀ
ਹੇਮਾ ਮਾਲਿਨੀ ਨੇ ਇੱਕ ਲੰਮਾ ਅਤੇ ਭਾਵੁਕ ਨੋਟ ਸਾਂਝਾ ਕੀਤਾ, ਜਿਸ ਵਿੱਚ ਉਨ੍ਹਾਂ ਨੇ ਧਰਮਿੰਦਰ ਲਈ ਆਪਣੇ ਅਥਾਹ ਪਿਆਰ ਨੂੰ ਪ੍ਰਗਟ ਕੀਤਾ। ਉਨ੍ਹਾਂ ਨੇ ਲਿਖਿਆ, "ਧਰਮ ਜੀ, ਉਹ ਮੇਰੇ ਲਈ ਬਹੁਤ ਕੁਝ ਸਨ। ਪਿਆਰੇ ਪਤੀ, ਸਾਡੀਆਂ ਦੋ ਬੇਟੀਆਂ ਈਸ਼ਾ ਅਤੇ ਅਹਾਨਾ ਦੇ ਪਿਆਰੇ ਪਿਤਾ, ਦੋਸਤ, ਫਿਲਾਸਫਰ, ਗਾਈਡ, ਕਵੀ, ਜ਼ਰੂਰਤ ਦੇ ਹਰ ਸਮੇਂ ਮੇਰੇ 'ਗੋ ਟੂ' ਇਨਸਾਨ, ਅਸਲ ਵਿੱਚ ਉਹ ਮੇਰੇ ਲਈ ਸਭ ਕੁਝ ਸਨ!"। ਹੇਮਾ ਮਾਲਿਨੀ ਨੇ ਜ਼ੋਰ ਦੇ ਕੇ ਕਿਹਾ ਕਿ ਧਰਮਿੰਦਰ ਹਮੇਸ਼ਾ ਚੰਗੇ ਅਤੇ ਮਾੜੇ ਸਮੇਂ ਵਿੱਚ ਉਨ੍ਹਾਂ ਦੇ ਨਾਲ ਰਹੇ। ਉਨ੍ਹਾਂ ਨੇ ਧਰਮਿੰਦਰ ਦੀ ਸ਼ਖਸੀਅਤ ਦੀ ਤਾਰੀਫ਼ ਕਰਦੇ ਹੋਏ ਕਿਹਾ ਕਿ ਉਨ੍ਹਾਂ ਨੇ ਆਪਣੇ ਆਸਾਨ, ਦੋਸਤਾਨਾ ਵਿਵਹਾਰ ਨਾਲ ਉਨ੍ਹਾਂ ਦੇ ਪਰਿਵਾਰ ਦੇ ਸਾਰੇ ਮੈਂਬਰਾਂ ਨੂੰ ਅਪਣਾ ਲਿਆ ਸੀ ਅਤੇ ਹਮੇਸ਼ਾ ਉਨ੍ਹਾਂ ਵਿੱਚ ਪਿਆਰ ਅਤੇ ਦਿਲਚਸਪੀ ਦਿਖਾਈ। ਹੇਮਾ ਨੇ ਅੱਗੇ ਕਿਹਾ ਕਿ ਇੱਕ ਪਬਲਿਕ ਪਰਸਨੈਲਿਟੀ ਵਜੋਂ, ਆਪਣੀ ਪ੍ਰਸਿੱਧੀ ਦੇ ਬਾਵਜੂਦ ਉਨ੍ਹਾਂ ਦੀ ਨਿਮਰਤਾ ਅਤੇ ਉਨ੍ਹਾਂ ਦੀ ਯੂਨੀਵਰਸਲ ਅਪੀਲ ਨੇ ਉਨ੍ਹਾਂ ਨੂੰ ਸਾਰੇ ਦਿੱਗਜਾਂ ਵਿੱਚ ਇੱਕ ਅਨੋਖਾ ਆਈਕਨ ਬਣਾਇਆ।
'ਖਾਲੀਪਣ ਬਾਕੀ ਦੀ ਜ਼ਿੰਦਗੀ ਰਹੇਗਾ'
ਅਦਾਕਾਰਾ ਨੇ ਆਪਣੇ ਨਿੱਜੀ ਨੁਕਸਾਨ ਨੂੰ ਸ਼ਬਦਾਂ ਵਿੱਚ ਬਿਆਨ ਕਰਨਾ ਮੁਸ਼ਕਲ ਦੱਸਿਆ। ਹੇਮਾ ਮਾਲਿਨੀ ਨੇ ਲਿਖਿਆ, "ਮੇਰਾ ਨਿੱਜੀ ਨੁਕਸਾਨ ਸ਼ਬਦਾਂ ਵਿੱਚ ਬਿਆਨ ਨਹੀਂ ਕੀਤਾ ਜਾ ਸਕਦਾ ਅਤੇ ਜੋ ਖਾਲੀਪਣ ਪੈਦਾ ਹੋਇਆ ਹੈ, ਉਹ ਕੁਝ ਅਜਿਹਾ ਹੈ ਜੋ ਮੇਰੀ ਬਾਕੀ ਜ਼ਿੰਦਗੀ ਰਹੇਗਾ"। ਉਨ੍ਹਾਂ ਨੇ ਕਿਹਾ ਕਿ ਫਿਲਮ ਇੰਡਸਟਰੀ ਵਿੱਚ ਧਰਮਿੰਦਰ ਦੀ ਸਦਾ ਰਹਿਣ ਵਾਲੀ ਸ਼ੋਹਰਤ ਅਤੇ ਕਾਮਯਾਬੀਆਂ ਹਮੇਸ਼ਾ ਰਹਿਣਗੀਆਂ। ਉਨ੍ਹਾਂ ਨੇ ਭਾਵੁਕਤਾ ਨਾਲ ਕਿਹਾ ਕਿ ਸਾਲਾਂ ਤੱਕ ਨਾਲ ਰਹਿਣ ਤੋਂ ਬਾਅਦ, ਉਨ੍ਹਾਂ ਕੋਲ ਕਈ ਖਾਸ ਪਲਾਂ ਨੂੰ ਮੁੜ ਜਿਊਣ ਲਈ ਬਹੁਤ ਸਾਰੀਆਂ ਯਾਦਾਂ ਬਚੀਆਂ ਹਨ।
ਇਸ ਤੋਂ ਬਾਅਦ ਹੇਮਾ ਮਾਲਿਨੀ ਨੇ ਲਗਾਤਾਰ ਦੋ ਹੋਰ ਪੋਸਟਾਂ ਸਾਂਝੀਆਂ ਕੀਤੀਆਂ ਜਿਨ੍ਹਾਂ ਵਿੱਚ ਉਨ੍ਹਾਂ ਨੇ ਧਰਮਿੰਦਰ ਨਾਲ ਬਿਤਾਏ ਕਈ 'ਯਾਦਗਾਰ ਪਲ' ਅਤੇ 'ਖਾਸ ਪਲ' ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ, ਜਿਨ੍ਹਾਂ ਵਿੱਚ ਦੋਵਾਂ ਦਾ ਪਿਆਰ ਸਾਫ਼ ਜ਼ਾਹਰ ਹੋ ਰਿਹਾ ਹੈ। ਜ਼ਿਕਰਯੋਗ ਹੈ ਕਿ ਹੇਮਾ ਮਾਲਿਨੀ ਅਤੇ ਧਰਮਿੰਦਰ ਨੇ 21 ਅਗਸਤ 1979 ਨੂੰ ਵਿਆਹ ਕੀਤਾ ਸੀ, ਜਿਸ ਤੋਂ ਪਹਿਲਾਂ ਉਨ੍ਹਾਂ ਨੇ ਕਥਿਤ ਤੌਰ 'ਤੇ ਇਸਲਾਮ ਧਰਮ ਅਪਣਾਇਆ ਸੀ ਕਿਉਂਕਿ ਧਰਮਿੰਦਰ ਆਪਣੀ ਪਹਿਲੀ ਪਤਨੀ ਨੂੰ ਤਲਾਕ ਨਹੀਂ ਦੇ ਸਕਦੇ ਸਨ।
'ਇੱਕ ਘੰਟੇ ਦੇ ਕਿੰਨੇ ਪੈਸੇ ?', ਨੈਸ਼ਨਲ ਕ੍ਰਸ਼' ਬਣੀ ਅਦਾਕਾਰਾ ਨੂੰ ਯੂਜ਼ਰਸ ਨੇ ਭੇਜੇ ਅਸ਼ਲੀਲ ਮੈਸੇਜ
NEXT STORY 
