ਮੁੰਬਈ - ਬਾਲੀਵੁੱਡ ਦੇ ਦਿੱਗਜ ਅਦਾਕਾਰ ਸੁਨੀਲ ਸ਼ੈੱਟੀ ਅੱਜਕੱਲ੍ਹ ਆਪਣੇ ਨਵੇਂ ਰਿਐਲਿਟੀ ਬਿਜ਼ਨਸ ਸ਼ੋਅ ‘ਭਾਰਤ ਕੇ ਸੁਪਰ ਫਾਊਂਡਰਜ਼’ ਨੂੰ ਲੈ ਕੇ ਚਰਚਾ ਵਿਚ ਹਨ। ਇਸ ਸ਼ੋਅ ਦੇ ਪ੍ਰਮੋਸ਼ਨ ਦੌਰਾਨ ਉਨ੍ਹਾਂ ਨੇ ਬੜੇ ਹੀ ਮਜ਼ਾਕੀਆ ਅੰਦਾਜ਼ ਵਿਚ ਦੱਸਿਆ ਕਿ ਉਨ੍ਹਾਂ ਨੇ ਆਪਣੀ ਸੁਪਰਹਿੱਟ ਫਿਲਮ ‘ਧੜਕਣ’ ਵੇਲੇ ਹੀ ਸਿਹਤ ਅਤੇ ਤੰਦਰੁਸਤੀ ਦੇ ਉਦਯੋਗ ਦਾ ਬੀਜ ਬੋ ਦਿੱਤਾ ਸੀ।
ਸਿਰਫ਼ 'ਪੈਦਲ ਚੱਲ ਕੇ' ਖੜ੍ਹਾ ਕੀਤਾ 500 ਕਰੋੜ ਦਾ ਕਾਰੋਬਾਰ
ਸੁਨੀਲ ਸ਼ੈੱਟੀ ਨੇ ਹੱਸਦਿਆਂ ਕਿਹਾ ਕਿ ਉਹ ਸਿਹਤ ਉਦਯੋਗ ਵਿਚ ਸਭ ਤੋਂ ਪਹਿਲਾਂ ਕਦਮ ਰੱਖਣ ਵਾਲੇ ਵਿਅਕਤੀ ਸਨ ਕਿਉਂਕਿ ਉਨ੍ਹਾਂ ਦੇ ਕਿਰਦਾਰ 'ਦੇਵ' ਨੇ ਫਿਲਮ ਵਿਚ ਸਿਰਫ਼ ਇਕ ਸਾਲ ਪੈਦਲ ਚੱਲ ਕੇ 500 ਕਰੋੜ ਰੁਪਏ ਦਾ ਸਾਮਰਾਜ ਬਣਾ ਲਿਆ ਸੀ। ਉਨ੍ਹਾਂ ਮੁਤਾਬਕ, "ਫਿਟਨੈੱਸ ਸਭ ਤੋਂ ਵੱਡਾ ਕਾਰੋਬਾਰ ਹੈ" ਅਤੇ ਇਸੇ ਜਾਗਰੂਕਤਾ ਕਾਰਨ ਅੱਜ ਉਹ ਇੰਨੇ ਵੱਡੇ ਕਾਰੋਬਾਰੀ ਬਣ ਸਕੇ ਹਨ। ਉਨ੍ਹਾਂ ਮਜ਼ਾਕ ਵਿਚ ਇਹ ਵੀ ਕਿਹਾ ਕਿ ਉਸ ਸਮੇਂ ਇਨਕਮ ਟੈਕਸ ਦੇ ਡਰੋਂ ਉਨ੍ਹਾਂ ਨੇ ਇਨ੍ਹਾਂ ਪੈਸਿਆਂ ਦਾ ਖੁਲਾਸਾ ਨਹੀਂ ਸੀ ਕੀਤਾ, ਪਰ ਹੁਣ 500 ਕਰੋੜ ਰੁਪਏ ਕੋਈ ਵੱਡੀ ਗੱਲ ਨਹੀਂ ਰਹੀ।
ਕੀ ਹੈ ਨਵਾਂ ਸ਼ੋਅ ‘ਭਾਰਤ ਕੇ ਸੁਪਰ ਫਾਊਂਡਰਜ਼’?
ਤੁਹਾਨੂੰ ਦੱਸ ਦੇਈਏ ਕਿ ਸੁਨੀਲ ਸ਼ੈੱਟੀ ਇਸ ਸ਼ੋਅ ਵਿਚ ਇਕ ਮੇਂਟਰ (ਗਾਈਡ) ਵਜੋਂ ਨਜ਼ਰ ਆਉਣਗੇ। ਇਹ ਸ਼ੋਅ ਭਾਰਤ ਦੇ ਪ੍ਰਭਾਵਸ਼ਾਲੀ ਉੱਦਮੀਆਂ ਅਤੇ ਸਟਾਰਟਅੱਪ ਲੀਡਰਾਂ ਦੇ ਸਫ਼ਰ ਨੂੰ ਦਰਸਾਉਂਦਾ ਹੈ। ਇਸ ਵਿਚ ਦਿਖਾਇਆ ਗਿਆ ਹੈ ਕਿ ਕਿਵੇਂ ਵੱਖ-ਵੱਖ ਖੇਤਰਾਂ ਜਿਵੇਂ ਕਿ ਟੈਕਨਾਲੋਜੀ, ਵਿੱਤ ਅਤੇ ਲੌਜਿਸਟਿਕਸ ਵਿਚ ਕੰਮ ਕਰਨ ਵਾਲੇ ਲੋਕਾਂ ਨੇ ਮੁਸ਼ਕਲਾਂ ਅਤੇ ਫੰਡਿੰਗ ਦੀਆਂ ਚੁਣੌਤੀਆਂ ਦਾ ਸਾਹਮਣਾ ਕਰਕੇ ਵੱਡੀਆਂ ਕੰਪਨੀਆਂ ਖੜ੍ਹੀਆਂ ਕੀਤੀਆਂ ਹਨ।
ਇਹ ਸ਼ੋਅ ਖਾਸ ਤੌਰ 'ਤੇ ਭਾਰਤੀ ਸਮੱਸਿਆਵਾਂ ਦੇ ਨਵੀਨਤਮ ਹੱਲ ਕੱਢਣ ਵਾਲੇ ਸਟਾਰਟਅੱਪਸ 'ਤੇ ਕੇਂਦਰਿਤ ਹੈ। ਪ੍ਰਸ਼ੰਸਕ ਇਸ ਸ਼ੋਅ ਨੂੰ ਐਮਾਜ਼ਾਨ ਐਮਐਕਸ ਪਲੇਅਰ (Amazon MX Player) 'ਤੇ ਦੇਖ ਸਕਦੇ ਹਨ।
ਜੇਲ੍ਹ ਦੀ ਹਵਾ ਖਾ ਰਹੀ ਮਸ਼ਹੂਰ ਅਦਾਕਾਰਾ ਦੇ ਪਿਓ ਦੀ ਅਸ਼ਲੀਲ ਵੀਡੀਓ ਹੋਈ ਵਾਇਰਲ!
NEXT STORY 
