ਜਲੰਧਰ (ਲਖਨ ਪਾਲ)- ਪੰਜਾਬੀ ਸਿਨੇਮਾ ਵਿਚ ਆਪਣੀ ਵੱਖਰੀ ਪਛਾਣ ਬਣਾਉਣ ਵਾਲੇ ਅਦਾਕਾਰ ਜੈ ਰੰਧਾਵਾ ਤੇ ਸ਼ਹਿਨਾਜ਼ ਗਿੱਲ ਇਕ ਵਾਰ ਫਿਰ ਵੱਡੇ ਪਰਦੇ ’ਤੇ ਆਪਣੀ ਨਵੀਂ ਫ਼ਿਲਮ ‘ਇਸ਼ਕਨਾਮਾ’ ਰਾਹੀਂ ਦਰਸ਼ਕਾਂ ਦੇ ਰੂਬਰੂ ਹੋਣ ਜਾ ਰਹੇ ਹਨ। ਸਾਲ 1982 ਦੇ ਪਿਛੋਕੜ ’ਤੇ ਆਧਾਰਿਤ ਇਹ ਫ਼ਿਲਮ ਸਰਹੱਦਾਂ ਤੋਂ ਪਰ੍ਹੇ ਪਿਆਰ, ਜਜ਼ਬਾਤਾਂ, ਵਿਛੋੜੇ ਅਤੇ ਕੁਰਬਾਨੀ ਦੀ ਇਕ ਦਿਲ ਨੂੰ ਛੂਹਣ ਵਾਲੀ ਕਹਾਣੀ ਹੈ। ਫ਼ਿਲਮ ਦਾ ਨਿਰਦੇਸ਼ਨ ਅਰਵਿੰਦਰ ਸਿੰਘ ਖਹਿਰਾ ਨੇ ਕੀਤਾ ਹੈ, ਜਦਕਿ ਇਸ ਦੇ ਨਿਰਮਾਤਾ ਸੌਰਭ ਰਾਣਾ ਹਨ।
ਫ਼ਿਲਮ ਵਿਚ ਜੈ ਰੰਧਾਵਾ ਦੇ ਨਾਲ ਸ਼ਹਿਨਾਜ਼ ਗਿੱਲ, ਸੌਰਭ ਸਚਦੇਵਾ, ਅਰਵਿੰਦਰ ਕੌਰ, ਅੰਜੁਮ ਬੱਤਰਾ, ਮਹਾਬੀਰ ਭੁੱਲਰ, ਪ੍ਰੀਤ ਭੁੱਲਰ ਅਤੇ ਹੋਰ ਕਈ ਨਾਮੀ ਕਲਾਕਾਰ ਅਹਿਮ ਭੂਮਿਕਾ ਵਿਚ ਨਜ਼ਰ ਆਉਣਗੇ। ਫ਼ਿਲਮ ਦਾ ਟੀਜ਼ਰ ਅਤੇ ਗੀਤ ਪਹਿਲਾਂ ਹੀ ਦਰਸ਼ਕਾਂ ਦੀਆਂ ਉਮੀਦਾਂ ’ਤੇ ਖਰੇ ਉਤਰ ਚੁੱਕੇ ਹਨ ਅਤੇ ਹੁਣ ਹਰ ਕਿਸੇ ਦੀਆਂ ਨਜ਼ਰਾਂ ਇਸ ਦੀ ਰਿਲੀਜ਼ ’ਤੇ ਟਿਕੀਆਂ ਹੋਈਆਂ ਹਨ।
‘ਜਗ ਬਾਣੀ’ ਨਾਲ ਖ਼ਾਸ ਮੁਲਾਕਾਤ ਦੌਰਾਨ ਜੈ ਰੰਧਾਵਾ ਤੇ ਸ਼ਹਿਨਾਜ਼ ਗਿੱਲ ਨੇ ਫ਼ਿਲਮ ‘ਇਸ਼ਕਨਾਮਾ’ ਨਾਲ ਜੁੜੇ ਆਪਣੇ ਤਜਰਬੇ, ਆਪਣੇ ਕਿਰਦਾਰ ਲਈ ਕੀਤੀ ਤਿਆਰੀ, ਸਹਿ-ਕਲਾਕਾਰਾਂ ਨਾਲ ਕੰਮ ਕਰਨ ਦਾ ਤਜਰਬਾ, ਫ਼ਿਲਮ ਦੀ ਸ਼ੂਟਿੰਗ ਦੌਰਾਨ ਦੀਆਂ ਯਾਦਾਂ, ਆਪਣੇ ਫ਼ਿਲਮੀ ਸਫ਼ਰ ਬਾਰੇ ਖੁੱਲ੍ਹ ਕੇ ਗੱਲਬਾਤ ਕੀਤੀ। ਆਓ ਪੜ੍ਹਦੇ ਹਾਂ ਜੈ ਰੰਧਾਵਾ ਤੇ ਸ਼ਹਿਨਾਜ਼ ਗਿੱਲ ਨਾਲ ਹੋਈ ਇਹ ਖ਼ਾਸ ਗੱਲਬਾਤ।
ਜੈ ਰੰਧਾਵਾ : ਇਸ਼ਕ ਮੁਕੰਮਲ ਹੁੰਦਾ ਜਾਂ ਅਧੂਰਾ ਹੀ ਪਿਆਰਾ ਲੱਗਦਾ ਹੈ?
ਜਵਾਬ : ਇਹ ਤਾਂ ਪ੍ਰਮਾਤਮਾ ਦੇ ਹੱਥ ਹੈ, ਸਾਡਾ ਕੰਮ ਹੈ ਇਸ਼ਕ ਕਰਨਾ। ਪੂਰਾ ਹੋਣਾ ਜਾਂ ਅਧੂਰਾ ਇਹ ਪ੍ਰਮਾਤਮਾ ਦੇ ਹੱਥ ਹੈ। ਇਸ਼ਕ ਦੀ ਖੂਬਸੂਰਤੀ ਹੈ ਨਿਭਾਓ, ਇਹ ਸਿਰਫ਼ ਨਿਭਾਉਣਾ ਹੀ ਔਖਾ ਹੈ।
ਜੈ ਰੰਧਾਵਾ : ਨਿਰਮਲ ਨਿੰਮਾ ਦੇ ਕਿਰਦਾਰ ਨੂੰ ਨਿਭਾਉਣਾ ਕਿੰਨਾ ਔਖਾ ਸੀ?
ਜਵਾਬ : ਉਨ੍ਹਾਂ ਦੀ ਜ਼ਿੰਦਗੀ ਤਾਂ ਬਹੁਤ ਮੁਸ਼ਕਲ ਹੈ, ਉਹ ਤਾਂ ਨਹੀਂ ਨਿਭਾਅ ਸਕਦਾ ਪਰ ਉਸ ਕਹਾਣੀ ਨੂੰ ਪਰਦੇ ’ਤੇ ਲਿਆਉਣ ਲਈ ਮੈਂ ਜੋ ਕਰ ਸਕਦਾ ਸੀ ਉਹ ਕੀਤਾ। ਨਿੰਮਾ ਜੀ ਦੀ ਜ਼ਿੰਦਗੀ ਬਹੁਤ ਔਖੀ ਹੈ ਜੋ ਉਨ੍ਹਾਂ ਨੇ ਦੇਖੀ ਹੈ ਤੇ ਸਭ ਤੋਂ ਔਖਾ ਹੈ ਇੰਤਜ਼ਾਰ ਜੋ ਉਨ੍ਹਾਂ ਨੇ ਕੀਤਾ।
ਜੈ ਰੰਧਾਵਾ : ਜੇਕਰ 40 ਸਾਲਾਂ ਦਾ ਇੰਤਜ਼ਾਰ ਤੁਹਾਨੂੰ ਕਰਨਾ ਪਵੇ ਕੀ ਤੁਸੀਂ ਕਰੋਗੇ?
ਜਵਾਬ : ਬਹੁਤ ਔਖਾ ਕੰਮ ਹੈ, ਇਸ਼ਕ ਤਾਂ ਹੁੰਦਾ ਹੀ ਬਹੁਤ ਔਖਾ ਜ਼ਿੰਦਗੀ ’ਚ ਸਿਰਫ਼ ਪਿਆਰ ਹੋ ਸਕਦਾ ਇਸ਼ਕ ਨਹੀਂ।
ਸ਼ਹਿਨਾਜ਼ : ਤੁਸੀਂ ਫ਼ਿਲਮ ਨੂੰ ਕਿਸ ਵਜ੍ਹਾ ਕਾਰਨ ਹਾਂ ਕੀਤੀ?
ਜਵਾਬ : ਮੈਂ ਕਿਸੇ ਇਕ ਦਾ ਨਾਂ ਨਹੀਂ ਲੈ ਸਕਦੀ, ਫ਼ਿਲਮ ਦੀ ਸਾਰੀ ਹੀ ਟੀਮ ਬਹੁਤ ਵਧੀਆ ਸੀ, ਕਹਾਣੀ ਬਹੁਤ ਵਧੀਆ ਸੀ, ਇਸ ਲਈ ਮੈਂ ਇਸ ਫ਼ਿਲਮ ਲਈ ਹਾਂ ਕਰ ਦਿੱਤੀ।
ਸ਼ਹਿਨਾਜ਼ : ਜੇ ਅਸਲ ’ਚ ਨਸੀਮਾ ਜੀ ਮਿਲ ਜਾਣ ਤਾਂ ਕੀ ਕਰੋਗੇ?
ਜਵਾਬ : ਜੇ ਨਸੀਮਾ ਜੀ ਮਿਲ ਜਾਣ ਤਾਂ ਮੈਂ ਸਭ ਤੋਂ ਪਹਿਲਾਂ ਨਿਰਮਲ ਨਿੰਮਾ ਤੇ ਨਸੀਮਾ ਦੀ ਜੱਫੀ ਪਵਾਉਣੀ ਹੈ ਤਾਂ ਹੀ ਇਨ੍ਹਾਂ ਦਾ 40 ਸਾਲ ਦਾ ਇੰਤਜ਼ਾਰ ਕਾਮਯਾਬ ਹੋਣਾ।
ਜੈ ਰੰਧਾਵਾ : ਇਸ ਸੱਚੀ ਕਹਾਣੀ ਨੂੰ ਤੁਸੀਂ ਪਰਦੇ ’ਤੇ ਲਿਆ ਰਹੇ ਹੋ, ਕਿੰਨਾ ਔਖਾ ਸੀ ਇਹ ਕਰਨਾ?
ਜਵਾਬ : ਇਹ ਕੰਮ ਤਾਂ ਬਹੁਤ ਔਖਾ ਹੈ, ਬਾਕੀ ਇਸ ਲਵ ਸਟੋਰੀ ਦਾ ਕ੍ਰੈਡਿਟ ਸ਼ਹਿਨਾਜ਼ ਨੂੰ ਜਾਂਦਾ, ਜੇਕਰ ਤੁਹਾਡਾ ਕੋ-ਸਟਾਰ ਵਧੀਆ ਹੋਵੇ ਤਾਂ ਸਭ ਕੁਝ ਵਧੀਆ ਹੋ ਜਾਂਦਾ, ਉਨ੍ਹਾਂ ਨੇ ਬਹੁਤ ਮਦਦ ਕੀਤੀ ਇਸ ਫ਼ਿਲਮ ’ਚ ਮੇਰੀ ।
ਸ਼ਹਿਨਾਜ਼ : ਫ਼ਿਲਮ ਦੀ ਕਹਾਣੀ ਸੁਣਦੇ ਤੁਹਾਡਾ ਕੀ ਰਿਐਕਸ਼ਨ ਸੀ?
ਜਵਾਬ : ਕਹਾਣੀ ਸੱਚੇ ਪਿਆਰ ’ਤੇ ਆਧਾਰਿਤ ਸੀ ਤੇ ਮੈਂ ਚਾਹੁੰਦੀ ਸੀ ਕਿ ਮੈਂ ਵੀ ਇਕ ਵਾਰ ਨਿਰਮਲ ਨਿੰਮਾ ਜੀ ਨੂੰ ਫੀਲ ਕਰ ਕੇ ਦੇਖਣਾ ਹੈ। ਬਾਕੀ ਸੱਚਾ ਪਿਆਰ ਤਾਂ ਲੋਕ ਹੁਣ ਵੀ ਕਰਦੇ ਹਨ ਤੇ ਉਦੋਂ ਵੀ ਕਰਦੇ ਸੀ।
ਚੁੱਪ-ਚਾਪ ਖੜ੍ਹੀ 'ਧੁਰੰਦਰ' ਅਦਾਕਾਰਾ ਨੂੰ ਚੁੱਕ ਕੇ ਲੈ ਗਈ ਪੁਲਸ ! ਜਾਣੋ ਕੀ ਹੈ ਪੂਰਾ ਮਾਮਲਾ
NEXT STORY 
