ਮੁੰਬਈ: ਬਾਲੀਵੁੱਡ ਦੇ ਮਸ਼ਹੂਰ ਫ਼ਿਲਮਫੇਅਰ ਕਰਨ ਜੌਹਰ ਬੀਤੇ ਕੁਝ ਮਹੀਨੇ ਤੋਂ ਕਾਫ਼ੀ ਚਰਚਾ 'ਚ ਹਨ। ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਮੌਤ ਤੋਂ ਬਾਅਦ ਕਰਨ ਜੌਹਰ ਕਈ ਵਾਰ ਵਿਵਾਦਾਂ 'ਚ ਫੱਸ ਚੁੱਕੇ ਹਨ। ਸੁਸ਼ਾਂਤ ਸੁਸਾਇਡ ਕੇਸ ਤੋਂ ਲੈ ਕੇ ਬਾਲੀਵੁੱਡ ਡਰੱਗ ਕੇਸ ਤੱਕ ਹਰ ਜਗ੍ਹਾ ਫ਼ਿਲਮਫੇਅਰ ਦਾ ਨਾਂ ਉਛਾਲਿਆ। ਇਸ ਦੌਰਾਨ ਕਰਨ ਜੌਹਰ ਇਕ ਵਾਰ ਫਿਰ ਤੋਂ ਸੁਰਖੀਆਂ 'ਚ ਬਣੇ ਹੋਏ ਹਨ। ਇਸ ਵਾਰ ਉਨ੍ਹਾਂ ਦੇ ਲਾਈਮਲਾਈਟ 'ਚ ਆਉਣ ਦੀ ਵਜ੍ਹਾ ਉਨ੍ਹਾਂ ਦੀ ਦੋਸਤ ਰੇਸ਼ਮਾ ਸ਼ੈੱਟੀ ਹੈ।
ਜਾਣਕਾਰੀ ਲਈ ਦੱਸ ਦੇਈਏ ਕਿ ਰੇਸ਼ਮਾ ਸ਼ੈੱਟੀ ਬਾਲੀਵੁੱਡ ਦੀ ਇਕ ਮਸ਼ਹੂਰ ਸੈਲੇਬ੍ਰਿਟੀ ਮੈਨੇਜਰ ਹੈ। ਖ਼ਬਰਾਂ ਦੀ ਮੰਨੀਏ ਤਾਂ ਕਰਨ ਜੌਹਰ ਅਤੇ ਰੇਸ਼ਮਾ ਦੀ ਦੋਸਤੀ 'ਚ ਹੁਣ ਦਰਾਰ ਆ ਚੁੱਕੀ ਹੈ। ਮੀਡੀਆ ਰਿਪੋਰਟ ਮੁਤਾਬਕ ਕੁਝ ਦਿਨ ਪਹਿਲਾਂ ਹੀ ਰੇਸ਼ਮਾ ਸ਼ੈੱਟੀ ਅਤੇ ਕਰਨ ਜੌਹਰ ਦੇ ਵਿਚਕਾਰ ਝਗੜਾ ਹੋ ਗਿਆ।
ਜਿਸ ਤੋਂ ਬਾਅਦ ਕਰਨ ਜੌਹਰ ਅਤੇ ਰੇਸ਼ਮਾ ਸ਼ੈੱਟੀ ਨੇ ਆਪਣੀਆਂ ਰਾਹਾਂ ਵੱਖ ਕਰ ਲਈਆਂ ਹਨ। ਇੰਨਾ ਹੀ ਨਹੀਂ ਕਰਨ ਨੇ ਰੇਸ਼ਮਾ ਸ਼ੈੱਟੀ ਨਾਲ ਕੰਮ ਕਰਨ ਤੋਂ ਮਨਾ ਕਰ ਦਿੱਤਾ ਹੈ। ਇਹੀ ਕਾਰਨ ਹੈ ਕਿ ਕਰਨ ਜੌਹਰ ਨੇ ਰਾਤੋਂ-ਰਾਤ ਰੇਸ਼ਮਾ ਸ਼ੈੱਟੀ ਦੀ ਏਜੰਸੀ ਨਾਲ ਆਪਣਾ ਕਾਨਟ੍ਰੈਕਟ ਖਤਮ ਕਰ ਲਿਆ ਹੈ। ਹਾਲਾਂਕਿ ਹਾਲੇ ਤੱਕ ਇਸ ਦਾ ਖੁਲਾਸਾ ਨਹੀਂ ਹੋਇਆ ਹੈ ਕਿ ਦੋਵਾਂ ਦੇ ਵਿਚਕਾਰ ਕਿਸ ਗੱਲ ਨੂੰ ਲੈ ਕੇ ਬਹਿਸ ਹੋਈ ਹੈ।
ਕਰਨ ਨੇ ਸ਼ੁਰੂ ਕੀਤੀ ਆਪਣੀ ਟੈਲੇਂਟ ਕੰਪਨੀ
ਕੁਝ ਦਿਨ ਪਹਿਲਾਂ ਕਰਨ ਨੇ ਖ਼ੁਦ ਦੀ ਟੈਲੇਂਟ ਕੰਪਨੀ ਸ਼ੁਰੂ ਕਰਨ ਦਾ ਐਲਾਨ ਕੀਤਾ ਸੀ। ਇਸ ਗੱਲ ਦੀ ਜਾਣਕਾਰੀ ਖ਼ੁਦ ਕਰਨ ਨੇ ਸੋਸ਼ਲ ਮੀਡੀਆ 'ਤੇ ਦਿੱਤੀ ਸੀ। ਮੰਨਿਆ ਜਾ ਰਿਹਾ ਹੈ ਕਿ ਰੇਸ਼ਮਾ ਸ਼ੈੱਟੀ ਨਾਲ ਮਤਭੇਦ ਹੋਣ ਤੋਂ ਬਾਅਦ ਹੀ ਫ਼ਿਲਮਫੇਅਰ ਨੇ ਆਪਣੀ ਖ਼ੁਦ ਦੀ ਟੈਲੇਂਟ ਕੰਪਨੀ ਖੋਲ੍ਹਣ ਦਾ ਫ਼ੈਸਲਾ ਲਿਆ।
ਐਮੀ ਵਿਰਕ ਨਾਲ ਅਕਸ਼ੇ ਕੁਮਾਰ ਦੀ ਤਸਵੀਰ ’ਤੇ ਭੜਕੇ ਲੋਕ, ਕੀਤੀ ਬਾਈਕਾਟ ਦੀ ਮੰਗ
NEXT STORY 
