ਮੁੰਬਈ- ਅਦਾਕਾਰਾ ਕੈਟਰੀਨਾ ਕੈਫ ਅਤੇ ਵਿੱਕੀ ਕੌਸ਼ਲ ਦੇ ਵਿਆਹ 'ਚ ਸ਼ਾਹੀ ਪਰਿਵਾਰਾਂ ਦੇ ਪਹੁੰਚਣ ਦਾ ਵੀ ਸਿਲਸਿਲਾ ਜਾਰੀ ਹੈ। ਇਸ ਦੌਰਾਨ ਅੰਬਾਨੀ ਪਰਿਵਾਰ ਦੇ ਵੀ ਸ਼ਾਮਲ ਹੋਣ ਦੀ ਚਰਚਾ ਹੈ। ਉਨ੍ਹਾਂ ਲਈ ਓਬਰਾਏ ਹੋਟਲ 'ਚ 5 ਕਮਰੇ ਵੀ ਰਿਜ਼ਰਵ ਕੀਤੇ ਗਏ ਹਨ। ਇਸ ਤੋਂ ਇਲਾਵਾ ਸੁਪਰਸਟਾਰ ਅਕਸ਼ੈ ਕੁਮਾਰ ਵੀ ਇਸ ਖ਼ਾਸ ਵਿਆਹ 'ਚ ਰੰਗ ਜਮਾਉਣ ਪਹੁੰਚ ਸਕਦੇ ਹਨ।
ਵਿੱਕੀ-ਕੌਸ਼ਲ ਦੇ ਵਿਆਹ ਲਈ ਸੱਦੇ ਲੋਕਾਂ 'ਚੋਂ ਕੈਫ ਦੇ ਕਰੀਬੀ ਫਿਲਮਕਾਰ ਕਬੀਰ ਖ਼ਾਨ, ਉਨ੍ਹਾਂ ਦੀ ਪਤਨੀ ਅਤੇ ਅਦਾਕਾਰਾ ਮਿੰਨੀ ਮਾਥੁਰ, 'ਧੂਮ-3' ਅਤੇ 'ਠੱਗ ਆਫ ਹਿੰਦੁਸਤਾਨ' ਫਿਲਮ ਦੇ ਨਿਰਦੇਸ਼ਕ ਵਿਜੇ ਕ੍ਰਿਸ਼ਨ ਅਚਾਰਾ, ਅਦਾਕਾਰਾ ਨੇਹਾ ਧੂਪੀਆ ਅਤੇ ਉਨ੍ਹਾਂ ਦੇ ਪਤੀ ਅੰਗਦ ਬੇਦੀ ਸ਼ਾਮਲ ਹੋ ਚੁੱਕੇ ਹਨ। ਹਾਲਾਂਕਿ ਕੈਟਰੀਨਾ ਦੇ ਖ਼ਾਸ ਦੋਸਤ ਸਲਮਾਨ ਖ਼ਾਨ ਟੂਰ ਦੇ ਚੱਲਦੇ ਇਸ ਵਿਆਹ 'ਚ ਸ਼ਾਮਲ ਨਹੀਂ ਹੋ ਪਾਉਣਗੇ।
ਕੈਟਰੀਨਾ ਅਤੇ ਵਿੱਕੀ ਨੇ ਬੁੱਧਵਾਰ ਨੂੰ ਸਵਾਈ ਮਾਧੋਪੁਰ ਦੇ ਇਕ ਆਲੀਸ਼ਾਨ ਹੋਟਲ 'ਚ ਆਪਣੇ ਪਰਿਵਾਰ ਦੇ ਕਰੀਬੀ ਮੈਂਬਰਾਂ ਅਤੇ ਦੋਸਤਾਂ ਲਈ ਇਕ ਨਿੱਜੀ ਹਲਦੀ ਅਤੇ ਸੰਗੀਤ ਸਮਾਰੋਹ ਦੀ ਮੇਜ਼ਬਾਨੀ ਕੀਤੀ। ਅੱਜ ਦੁਪਿਹਰ ਸਿਹਰਾ ਬੰਦੀ ਦੀ ਰਸਮ ਤੋਂ ਬਾਅਦ ਕੈਟਰੀਨਾ ਅਤੇ ਵਿੱਕੀ ਸੱਤ ਫੇਰੇ ਲੈ ਕੇ ਹਮੇਸ਼ਾ-ਹਮੇਸ਼ਾ ਲਈ ਇਕ-ਦੂਜੇ ਦੇ ਹੋ ਜਾਣਗੇ।
ਵਿਆਹ ਸਮਾਰੋਹ ਨਾਲ ਸਬੰਧਿਤ ਤਿੰਨ ਦਿਨੀਂ ਪ੍ਰੋਗਰਾਮ ਰਾਜਸਥਾਨ ਦੇ ਸਵਾਈ ਮਾਧੋਪੁਰ ਦੇ ਸਿਕਸ ਰਿਸੋਰਟ 'ਚ ਮੰਗਲਵਾਰ ਤੋਂ ਹੀ ਸ਼ੁਰੂ ਹੋ ਗਏ ਸਨ। ਵਿਆਹ ਦੀ ਤਰ੍ਹਾਂ, ਹਲਦੀ ਅਤੇ ਸੰਗੀਤ ਪ੍ਰੋਗਰਾਮ ਦੀ ਸਾਦਗੀ ਨਾਲ ਹੋਇਆ ਜਿਸ 'ਚ ਪਰਿਵਾਰ ਦੇ ਕਰੀਬੀ ਦੋਸਤ ਸ਼ਰੀਕ ਹੋਏ। ਸੂਤਰਾਂ ਅਨੁਸਾਰ ਕੋਰੋਨਾ ਵਾਇਰਸ ਮਹਾਮਾਰੀ ਦੇ ਕਾਰਨ ਮਹਿਮਾਨਾਂ ਦੀ ਲਿਸਟ ਛੋਟੀ ਕਰ ਦਿੱਤੀ ਗਈ।
ਅਦਾਕਾਰਾ ਜੈਕਲੀਨ ਫਰਨਾਂਡੀਜ਼ ਮਨੀ ਲਾਂਡਰਿੰਗ ਮਾਮਲੇ 'ਚ ਈਡੀ ਅੱਗੇ ਹੋਈ ਪੇਸ਼
NEXT STORY 
