ਮੁੰਬਈ (ਬਿਊਰੋ) : ਮਸ਼ਹੂਰ ਗਾਇਕਾ ਤੇ ਭਾਰਤ ਰਤਨ ਲਤਾ ਮੰਗੇਸ਼ਕਰ ਅੱਜ 28 ਸਤੰਬਰ ਨੂੰ ਆਪਣਾ 91ਵਾਂ ਜਨਮਦਿਨ ਮਨਾ ਰਹੀ ਹਨ। ਅੱਜ ਲਤਾ ਮੰਗੇਸ਼ਕਰ ਜੀ ਦਾ ਜਨਮਦਿਨ ਇਸ ਲਈ ਵੀ ਖ਼ਾਸ ਹੋ ਗਿਆ ਹੈ ਕਿਉਂਕਿ 22 ਸਾਲ ਪਹਿਲਾਂ ਉਨ੍ਹਾਂ ਦੀ ਆਵਾਜ਼ 'ਚ ਰਿਕਾਰਡ ਕੀਤਾ ਗਿਆ ਗੀਤ ਅੱਜ ਹੀ ਉਨ੍ਹਾਂ ਦੇ ਜਨਮਦਿਨ 'ਤੇ ਰਿਲੀਜ਼ ਕੀਤਾ ਜਾ ਰਿਹਾ ਹੈ। ਇਸ ਗੀਤ ਨੂੰ ਮਸ਼ਹੂਰ ਗੀਤਕਾਰ ਗੁਲਜ਼ਾਰ ਨੇ ਲਿਖਿਆ ਸੀ ਤੇ ਸੰਗੀਤਕਾਰ ਵਿਸ਼ਾਲ ਭਾਰਦਵਾਜ ਨੇ ਕੰਪੋਜ਼ ਕੀਤਾ ਸੀ।
ਜਨਮਦਿਨ 'ਤੇ ਫੈਨਜ਼ ਨੂੰ ਖ਼ਾਸ ਤੋਹਫ਼ਾ
ਲਤਾ ਮਗੇਸ਼ਕਰ ਦੇ ਜਨਮਦਿਨ 'ਤੇ ਉਨ੍ਹਾਂ ਦੇ ਫੈਨਜ਼ ਲਈ ਇਹ ਖ਼ਾਸ ਤੋਹਫ਼ਾ ਸੰਗੀਤਕਾਰ ਵਿਸ਼ਾਲ ਭਾਰਦਵਾਜ ਲਿਆਏ ਹਨ। 22 ਸਾਲ ਪਹਿਲਾਂ ਜਿਸ ਗਾਣੇ ਨੂੰ ਰਿਕਾਰਡ ਕੀਤਾ ਗਿਆ ਸੀ, ਉਸ ਗੀਤ ਦੇ ਬੋਲ 'ਸਭ ਠੀਕ ਤੋ ਹੈ, ਲੇਕਿਨ ਸਭ ਠੀਕ ਨਹੀਂ ਲਗਤਾ' ਗੁਲਜ਼ਾਰ ਸਾਹਿਬ ਨੇ ਲਿਖੇ ਸਨ। ਇਸ ਗੀਤ ਨੂੰ ਇਕ ਫ਼ਿਲਮ ਲਈ ਲਿਖਿਆ ਗਿਆ ਸੀ ਪਰ ਉਹ ਫ਼ਿਲਮ ਬਾਅਦ 'ਚ ਬਣਾ ਹੀ ਨਹੀਂ, ਇਸ ਕਾਰਨ ਇਹ ਗੀਤ ਅੱਜ ਤਕ ਰਿਲੀਜ਼ ਨਹੀਂ ਹੋ ਸਕਿਆ ਸੀ। ਇਸ ਫ਼ਿਲਮ ਦੇ ਗਾਣਿਆਂ ਨੂੰ ਪਹਿਲਾਂ ਹੀ ਰਿਕਾਰਡ ਕਰ ਲਿਆ ਗਿਆ ਸੀ।
ਲਤਾ ਮੰਗੇਸ਼ਕਰ ਨੇ ਜਤਾਈ ਖੁਸ਼ੀ
22 ਸਾਲ ਬਾਅਦ ਰਿਲੀਜ਼ ਹੋ ਰਹੇ ਆਪਣੇ ਗੀਤ 'ਤੇ ਲਤਾ ਮੰਗੇਸ਼ਕਰ ਨੇ ਖੁਸ਼ੀ ਪ੍ਰਗਟਾਈ। ਉਨ੍ਹਾਂ ਕਿਹਾ ਕਿ ਸੰਗੀਤ ਹੀ ਮੇਰਾ ਜੀਵਨ ਹੈ ਤੇ ਹੁਣ ਤਕ ਮੈਂ ਲਗਾਤਾਰ ਗੀਤ ਗਾਉਂਦੀ ਆਈ ਹਾਂ। ਉਨ੍ਹਾਂ ਕਿਹਾ ਕਿ ਵਿਸ਼ਾਲ ਭਾਰਦਵਾਜ ਅਤੇ ਗੁਲਜ਼ਾਰ ਜੀ ਨੇ ਜਿਹੜੇ ਗਾਣੇ ਲਿਖੇ ਹਨ, ਉਹ ਬਹੁਤ ਹੀ ਸੁਰੀਲੇ ਤੇ ਚੰਗੇ ਹਨ। ਗੁਲਜ਼ਾਰ ਜੀ ਦੇ ਲਿਖੇ ਗੀਤਾਂ ਦਾ ਕੋਈ ਜਵਾਬ ਨਹੀਂ ਹੈ। ਨਾਲ ਹੀ ਉਨ੍ਹਾਂ ਗੀਤਕਾਰ ਵਿਸ਼ਾਲ ਭਾਰਦਵਾਜ ਦੀ ਵੀ ਖ਼ੂਬ ਤਾਰੀਫ਼ ਕੀਤੀ।
ਲਤਾ ਮੰਗੇਸ਼ਕਰ ਨੇ ਕੀਤੀ ਵਿਸ਼ਾਲ ਭਾਰਦਵਾਜ ਦੀ ਤਾਰੀਫ਼
ਲਤਾ ਜੀ ਨੇ ਕਿਹਾ ਕਿ ''ਮੈਨੂੰ ਉਮੀਦ ਹੈ ਸੁਣਨ ਵਾਲਿਆਂ ਨੂੰ ਗਾਣਾ ਪਸੰਦ ਆਵੇਗਾ, ਇਸ ਦੇ ਬੋਲ ਤੇ ਧੁੰਨ ਕਾਫ਼ੀ ਮਿੱਠੀ ਹੈ। ਵਿਸ਼ਾਲ ਭਾਰਦਵਾਜ ਬਹੁਤ ਵਧੀਆ ਸੰਗੀਤਕਾਰ ਹਨ। ਮੇਰੀਆਂ ਸ਼ੁੱਭਕਾਮਨਾਵਾਂ ਹਨ ਕਿ ਇਹ ਰਿਕਾਰਡ ਚੰਗੀ ਚੱਲੇ ਤੇ ਲੋਕ ਵਿਸ਼ਾਲ ਨੂੰ ਉਨ੍ਹਾਂ ਦੇ ਸ਼ਾਨਦਾਰ ਕੰਮ ਲਈ ਸ਼ੁੱਭਕਾਮਨਾਵਾਂ ਦੇਣ।''
ਉੱਥੇ ਹੀ ਲਤਾ ਜੀ ਵੱਲੋਂ ਤਰੀਫ ਮਿਲਣ ਤੋਂ ਬਾਅਦ ਵਿਸ਼ਾਲ ਭਾਰਦਵਾਜ ਕਾਫ਼ੀ ਖੁਸ਼ ਹਨ ਤੇ ਉਨ੍ਹਾਂ ਕਿਹਾ ਕਿ ਲਤਾ ਜੀ ਦੇ ਮੂੰਹੋਂ ਤਰੀਫ਼ ਸੁਣਨ ਤੋਂ ਬਾਅਦ ਮੈਨੂੰ ਲੱਗਦਾ ਹੈ ਕਿ ਬਸ ਮੇਰੇ ਪੈਰ ਜ਼ਮੀਨ 'ਤੇ ਰਹਿਣ। ਇਹ ਮੇਰੇ ਲਈ ਬਹੁਤ ਵੱਡਾ ਕੰਪਲੀਮੈਂਟ ਹੈ।
ਰਣਬੀਰ ਕਪੂਰ ਨੂੰ ਭੈਣ ਰਿਧੀਮਾ ਨੇ ਇਸ ਖਾਸ ਅੰਦਾਜ਼ 'ਚ ਜਨਮਦਿਨ ਦੀ ਵਧਾਈ
NEXT STORY 
