ਮੁੰਬਈ (ਬਿਊਰੋ) - ਦੇਸ਼ 'ਚ ਕੋਰੋਨਾ ਦੀ ਮਹਾਂਮਾਰੀ ਦੇ ਸਮੇਂ 'ਚ ਫ਼ਿਲਮੀ ਦੁਨੀਆਂ ਦੇ ਕਲਾਕਾਰਾਂ ਨੇ ਕਾਫ਼ੀ ਯੋਗਦਾਨ ਦਿੱਤਾ ਹੈ। ਫਿਰ ਭਾਵੇਂ ਉਹ ਜਾਗਰੂਕ ਕਰਨਾ ਹੋਵੇ, ਪੈਸਿਆਂ ਨਾਲ ਮਦਦ ਕਰਨਾ, ਫ਼ੰਡ ਇਕੱਠਾ ਕਰਨਾ ਜਾਂ ਫਿਰ ਜ਼ਰੂਰਤਮੰਦਾਂ ਨੂੰ ਖਾਣਾ ਤੇ ਇਲਾਜ ਸਬੰਧੀ ਸਹੂਲਤਾਂ ਮੁਹੱਈਆ ਕਰਾਉਣਾ। ਇਸੇ ਤਰ੍ਹਾਂ ਕਈ ਮੁਹਿੰਮ 'ਚ ਹਿੱਸਾ ਲੈ ਕੇ ਉਨ੍ਹਾਂ ਨੇ ਸਹੀ ਸੰਦੇਸ਼ ਨੂੰ ਦੇਸ਼ ਦੇ ਕੋਨੇ-ਕੋਨੇ ਤੱਕ ਪਹੁੰਚਾਇਆ ਹੈ।
ਹੁਣ ਵੈਕਸੀਨੇਸ਼ਨ ਡਰਾਈਵ ਲਈ ਵੀ ਕਈ ਕਲਾਕਾਰ ਅੱਗੇ ਆਏ ਹਨ। 7 ਜੁਲਾਈ ਨੂੰ Vax.India ਨਾਮ ਦਾ ਇਕ ਮਿਊਜ਼ਿਕਲ ਕੰਸਰਟ ਕੀਤਾ ਜਾਵੇਗਾ, ਜੋ ਕਿ ਦੇਸ਼ 'ਚ ਵੈਕਸੀਨੇਸ਼ਨ ਡਰਾਈਵ ਦੀ ਸਪੋਰਟ ਲਈ ਕਰਾਇਆ ਜਾ ਰਿਹਾ ਹੈ। ਇਸ ਵਰਚੁਅਲ ਮਿਊਜ਼ਿਕਲ ਕੰਸਰਟ 'ਚ ਅਨਿਲ ਕਪੂਰ, ਕੈਟਰੀਨਾ ਕੈਫ, ਅਨੁਪਮ ਖੇਰ, ਸ਼ਬਾਨਾ ਆਜ਼ਮੀ, ਸ਼ਿਲਪਾ ਸ਼ੇੱਟੀ, ਸੋਨਾਕਸ਼ੀ ਸਿਨ੍ਹਾ ਹਿੱਸਾ ਲੈਣਗੇ। ਇਸ ਤੋਂ ਇਲਾਵਾ ਹਾਲੀਵੁੱਡ ਅਦਾਕਾਰ Liam Neeson ਵੀ ਇਸ ਕੰਸਰਟ 'ਚ ਭਾਗ ਲੈਣਗੇ।
Vax.India ਨਾਮ ਦੀ ਇਸ ਮੁਹਿੰਮ 'ਚ ਕਈ ਨੈਸ਼ਨਲ ਅਤੇ ਇੰਟਰਨੈਸ਼ਨਲ ਮਿਊਜ਼ਿਕਲ ਕਲਾਕਾਰ ਫ਼ੀਚਰ ਕਰਨਗੇ, ਜਿਸ 'ਚ ਏ. ਆਰ. ਰਹਿਮਾਨ ਦੇ ਨਾਲ-ਨਾਲ Gloria Estefan, Sting, Alicia Keys, Annie Lennox, Yoyo Ma, Josh Groban, Aasif Mandvi, Andrea Bocelli, Matteo Bocelli, David Foster, Norwegian DJ Alan Walker, Pia Toscano, Arati Ankalikar-Tikekar, Zubin Mehta, Nishat Khan, Ranjani Gayatri Sisters, Fareed Zakaria ਵਰਗੇ ਮਿਊਜ਼ਿਕਲ ਆਰਟਿਸਟ ਨਜ਼ਰ ਆਉਣਗੇ।
ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
ਮੰਦਿਰਾ ਬੇਦੀ ਦੇ ਪਤੀ ਲਈ ਬੇਹੱਦ ਮੁਸ਼ਕਿਲ ਸੀ ਆਖਰੀ ਰਾਤ, ਸੁਲੇਮਾਨ ਮਰਚੈਂਟ ਨੇ ਦੱਸਿਆ ਆਖਰੀ ਪਲਾਂ ਦਾ ਦਰਦ
NEXT STORY 
