ਮੁੰਬਈ- ਕਾਜੋਲ ਸਟਾਰਰ ‘ਮਾਂ’ ਅੱਜ ਵੱਡੇ ਪਰਦੇ ’ਤੇ ਰਿਲੀਜ਼ ਹੋ ਗਈ ਹੈ। ਇਹ ਇਕ ਪੌਰਾਣਿਕ ਡਰਾਵਣੀ ਫਿਲਮ ਹੈ, ਜਿਸ ਦਾ ਨਿਰਦੇਸ਼ਨ ਵਿਸ਼ਾਲ ਫੁਰੀਆ ਨੇ ਕੀਤਾ ਹੈ। ਫਿਲਮ ’ਚ ਕਾਜੋਲ ਮੁੱਖ ਭੂਮਿਕਾ ਵਿਚ ਨਜ਼ਰ ਆਵੇਗੀ ਅਤੇ ਇਹ ਫਿਲਮ ਹਾਰਰ ਸ਼ੈਲੀ ’ਚ ਉਸ ਦੀ ਪਹਿਲੀ ਪੇਸ਼ਕਾਰੀ ਹੈ। ‘ਮਾਂ’ ਫਿਲਮ ‘ਸ਼ੈਤਾਨ ਯੂਨੀਵਰਸ’ ਦਾ ਹਿੱਸਾ ਹੈ, ਜਿਸ ਦੀ ਕਹਾਣੀ ਇਕ ਅਜਿਹੀ ਮਾਂ ਦੇ ਆਲੇ-ਦੁਆਲੇ ਘੁੰਮਦੀ ਹੈ, ਜੋ ਆਲੌਕਿਕ ਸ਼ਕਤੀਆਂ ਤੋਂ ਆਪਣੀ ਬੇਟੀ ਨੂੰ ਬਚਾਉਣ ਦੀ ਕੋਸ਼ਿਸ਼ ਕਰਦੀ ਹੈ। ਇਸ ਫਿਲਮ ਬਾਰੇ ਕਾਜੋਲ ਨੇ ਪੰਜਾਬ ਕੇਸਰੀ/ਨਵੋਦਿਆ ਟਾਈਮਜ਼/ਜਗਬਾਣੀ/ਹਿੰਦ ਸਮਾਚਾਰ ਨਾਲ ਖ਼ਾਸ ਗੱਲਬਾਤ ਕੀਤੀ ਅਤੇ ਦਿਲਚਸਪ ਗੱਲਾਂ ਸਾਂਝੀਆਂ ਕੀਤੀਆਂ...
ਪ੍ਰ. ‘ਮਾਂ’ ਦੇ ਰਿਲੀਜ਼ ਤੋਂ ਬਾਅਦ ਕਿਵੇਂ ਮਹਿਸੂਸ ਕਰ ਰਹੇ ਹੋ?
ਮੈਂ ਬੇਹੱਦ ਮਾਣ ਮਹਿਸੂਸ ਕਰ ਰਹੀ ਹਾਂ। 34ਵੇਂ ਸਾਲ ਵਿਚ ਮੇਰੀ ਫਿਲਮ ਥੀਏਟਰ ਵਿਚ ਰਿਲੀਜ਼ ਹੋ ਰਹੀ ਹੈ। ਇਹ ਮੇਰੇ ਲਈ ਮਾਣ ਅਤੇ ਖ਼ੁਸ਼ੀ ਦਾ ਪਲ ਹੈ। ਮੈਂ ਬਹੁਤ ਖ਼ੁਸ਼ ਅਤੇ ਪ੍ਰਾਊਡ ਫੀਲ ਕਰ ਰਹੀ ਹਾਂ।
ਪ੍ਰ. ਟ੍ਰੇਲਰ ’ਚ ਤੁਹਾਡਾ ਕਿਰਦਾਰ ਬਹੁਤ ਦਮਦਾਰ ਨਜ਼ਰ ਆਉਂਦਾ ਹੈ। ਇਸ ਵਿਚ ਖ਼ਾਸ ਕੀ ਹੈ?
ਇਹ ਕਿਰਦਾਰ ਬਹੁਤ ਜ਼ਿੱਦੀ ਹੈ, ਸਪੱਸ਼ਟ ਹੈ ਅਤੇ ਅੰਦਰੋਂ ਬਹੁਤ ਮਜ਼ਬੂਤ ਹੈ। ਇਹ ਇਕ ਮਾਂ ਦੀ ਤਾਕਤ ਦਿਖਾਉਂਦਾ ਹੈ, ਜੋ ਆਪਣੇ ਬੱਚੇ ਲਈ ਕਿਸੇ ਵੀ ਹੱਦ ਤੱਕ ਜਾ ਸਕਦੀ ਹੈ। ਮਾਂ ਨਾਲ ਪੰਗਾ ਨਾ ਲੈਣਾ! ਮਾਵਾਂ ਬਹੁਤ ਖ਼ਤਰਨਾਕ ਹੁੰਦੀਆਂ ਹਨ,... ਇਕ ਮੰਮਾ ਬੇਅਰ ਨਾਲ ਕਦੇ ਨਾ ਭਿੜੋ।
ਪ੍ਰ. ਫਿਲਮ ’ਚ ਹਾਰਰ ਅਤੇ ਮਾਈਥ੍ਰੋਲੋਜੀ ਦਾ ਅਨੋਖਾ ਮੇਲ ਹੈ। ਇਸ ਬਾਰੇ ਕੁਝ ਦੱਸੋ?
ਇਹ ਪਹਿਲੀ ਵਾਰ ਹੈ, ਜਦੋਂ ਹਾਰਰ ਤੇ ਪੌਰਾਣਿਕਤਾ ਦਾ ਅਜਿਹਾ ਮੇਲ ਹੋ ਰਿਹਾ ਹੈ। ਮੈਂ ਕਹਾਣੀ ਜ਼ਿਆਦਾ ਨਹੀਂ ਦੱਸ ਸਕਦੀ ਪਰ ਏਨਾ ਜ਼ਰੂਰ ਕਹਾਂਗੀ ਕਿ ਇਸ ਦੀਆਂ ਜੜ੍ਹਾਂ ਸੱਭਿਆਚਾਰ ਤੇ ਪ੍ਰੰਪਰਾ ’ਚ ਹਨ। ਇਹ ਸਿਰਫ਼ ਡਰਾਵਣੀ ਨਹੀਂ ਸਗੋਂ ਨਵੀਂ ਸ਼ੈਲੀ ਦੀ ਸ਼ੁਰੂਆਤ ਹੈ। ਨਾਲ ਹੀ ਦੱਸਣਾ ਚਾਹੁੰਦੀ ਹਾਂ ਕਿ ਇਹ ਕਹਾਣੀ ਹੈ ਕਾਲੀ ਮਾਂ ਅਤੇ ਰਕਤਬੀਜ ਦੀ, ਜੋ ਕਾਫ਼ੀ ਵਾਰ ਅਸੀਂ ਸੁਣੀ ਹੈ। ਇਹ ਹਾਲੇ ਸਿਰਫ਼ ਇਕ ਕਹਾਣੀ ਹੈ ਪਰ ਸਾਡੀ ਸੱਭਿਅਤਾ ’ਚ ਏਨੀਆਂ ਸਾਰੀਆਂ ਕਹਾਣੀਆਂ ਹਨ, ਜੋ ਅਸੀਂ ਇਕ ਤੋਂ ਬਾਅਦ ਇਕ ਲੋਕਾਂ ਤੱਕ ਪਹੁੰਚਾ ਸਕਦੇ ਹਾਂ।
ਪ੍ਰ. ਏਨੇ ਲੰਬੇ ਕਰੀਅਰ ਤੋਂ ਬਾਅਦ ਹੁਣ ਤੁਸੀਂ ਫਿਲਮਾਂ ਤੋਂ ਕੀ ਉਮੀਦ ਰੱਖਦੇ ਹੋ?
ਮੈਂ ਹੁਣ ਕੁਝ ਵੀ ਉਮੀਦ ਨਹੀਂ ਰੱਖਦੀ। ਹੁਣ ਮੈਂ ਹਰ ਦਿਨ ਨੂੰ ਇੰਜੁਆਏ ਕਰਦੀ ਹਾਂ। ਮੇਰੇ ਕੋਲ ਕਰਨ ਲਈ ਬਹੁਤ ਕੁਝ ਹੈ ਤੇ ਮੈਂ ਉਹੀ ਕਰਦੀ ਹਾਂ, ਜੋ ਮੈਨੂੰ ਖ਼ੁਸ਼ੀ ਦੇਵੇ। ਸਫ਼ਲਤਾ ਸਿਰਫ਼ ਜੈਨੇਟਿਕਸ ਤੋਂ ਨਹੀਂ ਆਉਂਦੀ ਸਗੋਂ ਮਿਹਨਤ ਤੇ ਸਮਝਦਾਰੀ ਨਾਲ ਆਉਂਦੀ ਹੈ।
ਪ੍ਰ. ਤੁਸੀਂ ਹਾਲ ਹੀ ’ਚ ਵਿਲੇਨ ਰੋਲ ਲਈ ਬੈਸਟ ਐਕਟ੍ਰੈੱਸ ਦਾ ਐਵਾਰਡ ਜਿੱਤਿਆ। ਇਸ ’ਤੇ ਤੁਸੀਂ ਕੀ ਕਹੋਗੇ?
ਮੈਂ ਖ਼ੁਦ ’ਤੇ ਮਾਣ ਤੋਂ ਜ਼ਿਆਦਾ ਖੁਦ ਨੂੰ ਧੰਨ ਮੰਨਦੀ ਹਾਂ। ਇਹ ਸਿਰਫ਼ ਮੇਰੀ ਮਿਹਨਤ ਨਹੀਂ ਸਗੋਂ ਦਰਸ਼ਕਾਂ ਦਾ ਪਿਆਰ ਤੇ ਅਾਸ਼ੀਰਵਾਦ ਹੈ। ਮੈਂ ਬਸ ਥੈਂਕ ਯੂ ਕਹਿਣਾ ਚਾਹੁੰਦੀ ਹਾਂ।
ਪ੍ਰ. ਇਕ ਫਿਲਮੀ ਪਰਿਵਾਰ ਤੋਂ ਹੋਣ ਦੇ ਨਾਤੇ ਕੀ ਉਹ ਪਿਛੋਕੜ ਅਦਾਕਾਰੀ ’ਚ ਮਦਦ ਕਰਦਾ ਹੈ?
ਮੈਨੂੰ ਨਹੀਂ ਲੱਗਦਾ ਕਿ ਕੋਈ ਸਾਈਲੈਂਟ ਟ੍ਰੇਨਿੰਗ ਹੁੰਦੀ ਹੈ। ਹਾਂ ਪਰ ਟ੍ਰੇਨਿੰਗ ਤੋਂ ਜ਼ਿਆਦਾ ਇਹ ਇਕ ਟੈਂਪਰਾਮੈਂਟ ਦੀ ਗੱਲ ਹੈ। ਸ਼ਾਂਤ ਦਿਮਾਗ਼ ਅਤੇ ਸਹੀ ਸੋਚ ਜ਼ਰੂਰੀ ਹੈ। ਸਫ਼ਲਤਾ ਸਿਰਫ਼ ਜੈਨੇਟਿਕਸ ਤੋਂ ਨਹੀਂ ਆਉਂਦੀ ਸਗੋਂ ਮਿਹਨਤ ਅਤੇ ਸਮਝਦਾਰੀ ਨਾਲ ਆਉਂਦੀ ਹੈ।
18 ਸਾਲ ਦੀ ਉਮਰ ’ਚ ਇਕ ਅਜਿਹਾ ਰੋਲ ਕੀਤਾ, ਜਿਸ ਨੇ ਮੈਨੂੰ ਥਕਾ ਦਿੱਤਾ, ਅਜਿਹਾ ਲੱਗਿਆ ਕਿ ਅਦਾਕਾਰੀ ਛੱਡ ਦੇਵਾਂ
ਪ੍ਰ. ਤੁਹਾਡੇ ਕਰੀਅਰ ਦਾ ਸਭ ਤੋਂ ਚੁਣੌਤੀਪੂਰਨ ਰੋਲ ਕਿਹੜਾ ਰਿਹਾ?
ਮੇਰੇ ਖ਼ਿਆਲ ਨਾਲ ਸਭ ਤੋਂ ਮੁਸ਼ਕਲ ਕਿਰਦਾਰ ਮੇਰੇ ਲਈ ‘ਉਧਾਰ ਕੀ ਜ਼ਿੰਦਗੀ’ ’ਚ ਸੀ। 18 ਸਾਲ ਦੀ ਉਮਰ ਵਿਚ ਮੈਂ ਇਕ ਰੋਲ ਕੀਤਾ ਸੀ, ਜਿਸ ਨੇ ਮੈਨੂੰ ਥਕਾ ਦਿੱਤਾ ਸੀ। ਮੈਨੂੰ ਅਜਿਹਾ ਲੱਗਣ ਲੱਗਿਆ ਕਿ ਮੈਂ ਅਦਾਕਾਰੀ ਛੱਡ ਦੇਵਾਂ। ਹਾਲ ਹੀ ’ਚ ‘ਸਲਾਮ ਵੇਂਕੀ’ ਦਾ ਰੋਲ ਵੀ ਬਹੁਤ ਚੁਣੌਤੀਪੂਰਨ ਸੀ। ਕੁਝ ਕਿਰਦਾਰ ਤੁਹਾਨੂੰ ਪੂਰੀ ਤਰ੍ਹਾਂ ਤੋੜ ਦਿੰਦੇ ਹਨ ਤੇ ਫਿਰ ਬਣਾਉਂਦੇ ਹਨ।
ਪ੍ਰ. ਇਕ ਵਰਕਿੰਗ ਮਾਂ ਦੇ ਤੌਰ ’ਤੇ ਤੁਸੀਂ ਦੂਜੀਆਂ ਮਾਵਾਂ ਨੂੰ ਕੀ ਸਲਾਹ ਦੇਣਾ ਚਾਹੋਗੇ?
ਮੈਂ ਕਹਾਂਗੀ ਕਿ ਮਦਦ ਮੰਗਣਾ ਕੋਈ ਬੁਰੀ ਚੀਜ਼ ਨਹੀਂ ਹੈ ਤੇ ਜੇ ਤੁਸੀਂ ਮਦਦ ਮੰਗ ਰਹੇ ਹੋ ਤਾਂ ਇਹ ਤੁਹਾਡੀ ਕਮਜ਼ੋਰੀ ਨਹੀਂ ਤਾਕਤ ਦਿਖਾਉਂਦਾ ਹੈ।
ਹਰ ਚੀਜ਼ ਇਕ ਸਮੇਂ ਵਿਚ ਇਕ ਵਾਰ, ਇਕ ਪਰਿਵਾਰ, ਇਕ ਇਨਸਾਨ ਨੂੰ ਸੰਭਾਲੋ। ਖ਼ੁਦ ’ਤੇ ਜ਼ਿਆਦਾ ਦਬਾਅ ਨਾ ਪਾਓ ਤੇ ਮੇਰੀ ਮਾਂ ਦਾ ਡਾਇਲਾਗ ਹਮੇਸ਼ਾ ਰਿਹਾ ‘ਕਿਉਂਕਿ ਮੈਂ ਕਿਹਾ ਹੈ’ ਅਤੇ ਅੱਜ ਮੈਂ ਵੀ ਉਹੀ ਦੁਹਰਾਉਂਦੀ ਹਾਂ।
'ਸਰਦਾਰ ਜੀ 3' ਤੋਂ ਨੀਰੂ ਬਾਜਵਾ ਨੇ ਬਣਾਈ ਦੂਰੀ, ਹਾਨੀਆ ਆਮਿਰ ਨੂੰ ਕੀਤਾ UnFollow, ਪੋਸਟਾਂ ਵੀ ਕੀਤੀਆਂ ਡਿਲੀਟ
NEXT STORY 
