ਜਲੰਧਰ (ਬਿਊਰੋ)– ‘ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ’ ਸਭ ਦਾ ਮਨਪਸੰਦ ਸ਼ੋਅ ਹੈ। ਇਸ ਸ਼ੋਅ ਦੇ ਕਿਰਦਾਰ ਵੀ ਲੋਕਾਂ ਨੂੰ ਯਾਦ ਰਹਿੰਦੇ ਹਨ। ਤੁਹਾਨੂੰ ਵੀ ‘ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ’ ’ਚ ਸੋਨੂੰ ਦਾ ਕਿਰਦਾਰ ਨਿਭਾਉਣ ਵਾਲੀ ਨਿਧੀ ਭਾਨੂਸ਼ਾਲੀ ਤਾਂ ਯਾਦ ਹੀ ਹੋਵੇਗੀ। ਅੱਜਕਲ ਨਿਧੀ ਭਾਨੂਸ਼ਾਲੀ ਆਪਣੇ ਬੀਚ ਲੁੱਕ ਨੂੰ ਲੈ ਕੇ ਕਾਫੀ ਸੁਰਖ਼ੀਆਂ ’ਚ ਹੈ। ਗੋਆ ’ਚ ਨਿਧੀ ਛੁੱਟੀਆਂ ਮਨਾ ਰਹੀ ਹੈ।
ਸਮੁੰਦਰ ਕੰਢੇ ਬਿਕਨੀ ’ਚ ਨਿਧੀ ਦੀਆਂ ਤਸਵੀਰਾਂ ਕਾਫੀ ਵਾਇਰਲ ਹੋ ਰਹੀਆਂ ਹਨ। ਨਿਧੀ ਦੀਆਂ ਇਨ੍ਹਾਂ ਤਸਵੀਰਾਂ ’ਤੇ ਪ੍ਰਸ਼ੰਸਕ ਵੀ ਖੂਬ ਕੁਮੈਂਟਸ ਕਰ ਰਹੇ ਹਨ। ਕਈ ਲੋਕਾਂ ਨੇ ਕੁਮੈਂਟਸ ਕਰਕੇ ਕਿਹਾ ਕਿ ਇਹ ਸਭ ‘ਟੱਪੂ’ ਦੀ ਸ਼ਰਾਰਤ ਹੈ, ਜੋ ਸ਼ੋਅ ਦਾ ਇਕ ਕਿਰਦਾਰ ਹੈ।
ਆਪਣੀਆਂ ਇਨ੍ਹਾਂ ਤਸਵੀਰਾਂ ਨੂੰ ਪੋਸਟ ਕਰਦਿਆਂ ਨਿਧੀ ਨੇ ਲਿਖਿਆ, ‘ਵਿਟਾਮਿਨ ਸੀ ਤੇ ਵਿਟਾਮਿਨ ਡੀ ਲੈ ਰਹੀ ਹਾਂ ਤਾਂ ਕਿ ਕੋਵਿਡ-19 ਮੇਰੇ ਤੋਂ ਦੂਰ ਰਹੇ।’
ਨਿਧੀ ਦੀ ਇਕ ਹੋਰ ਤਸਵੀਰ ਖੂਬ ਵਾਇਰਲ ਹੋ ਰਹੀ ਹੈ, ਜਿਸ ’ਚ ਉਸ ਨੇ ਨੱਕ ਵਿੰਨ੍ਹਿਆ ਹੈ। ਤਸਵੀਰ ’ਚ ਉਸ ਦਾ ਹੇਅਰਸਟਾਈਲ ਵੀ ਵੱਖਰਾ ਹੈ।
ਸਾਲ 2013 ’ਚ ਨਿਧੀ ਨੇ ਸ਼ੋਅ ’ਚ ਝੀਲ ਮਹਿਤਾ ਦੀ ਜਗ੍ਹਾ ਲਈ ਸੀ। ਕਾਫੀ ਲੰਮੇ ਸਮੇਂ ਤਕ ਸੋਨੂੰ ਦਾ ਕਿਰਦਾਰ ਨਿਭਾਉਣ ਤੋਂ ਬਾਅਦ ਨਿਧੀ ਨੇ ਸਾਲ 2019 ’ਚ ਇਹ ਰੋਲ ਛੱਡ ਦਿੱਤਾ ਤੇ ਹੁਣ ਉਸ ਦੀ ਜਗ੍ਹਾ ਪਲਕ ਸਿੰਧਵਾਨੀ ਨਜ਼ਰ ਆ ਰਹੀ ਹੈ।
ਗੋਆ ’ਚ ਨਿਧੀ ਦੇ ਨਾਲ ਉਸ ਦੇ ਦੋਸਤ ਤੇ ਪਰਿਵਾਰਕ ਮੈਂਬਰ ਵੀ ਹਨ।
ਨਿਧੀ ਨੇ ਆਪਣੀ ਇਸ ਟਰਿੱਪ ਦੀਆਂ ਕਈ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਸਾਂਝੀਆਂ ਕੀਤੀਆਂ ਹਨ, ਜਿਨ੍ਹਾਂ ਨੂੰ ਦੇਖ ਕੇ ਸਾਫ ਹੈ ਕਿ ਉਹ ਛੁੱਟੀਆਂ ਦਾ ਖੂਬ ਆਨੰਦ ਮਾਣ ਰਹੀ ਹੈ।
ਸਿੱਧੂ ਮੂਸੇ ਵਾਲਾ ਦੀ ‘ਮੂਸਾ ਜੱਟ’ ਫ਼ਿਲਮ ’ਚ ਨਜ਼ਰ ਅਹਿਮ ਭੂਮਿਕਾ ਨਿਭਾਏਗੀ ਇਹ ਅਦਾਕਾਰਾ, ਸ਼ੂਟਿੰਗ ਕੀਤੀ ਸ਼ੁਰੂ
NEXT STORY 
