ਐਂਟਰਟੇਨਮੈਂਟ ਡੈਸਕ- ਅਦਾਕਾਰਾ ਨੁਸਰਤ ਭਰੂਚਾ ਆਖਰੀ ਵਾਰ ਫਿਲਮ 'ਛੋਰੀ 2' ਵਿੱਚ ਨਜ਼ਰ ਆਈ ਸੀ, ਜਿਸਨੂੰ ਦਰਸ਼ਕਾਂ ਨੇ ਬਹੁਤ ਪਸੰਦ ਕੀਤਾ ਸੀ। ਉਨ੍ਹਾਂ ਦੀ ਫਿਲਮ 11 ਅਪ੍ਰੈਲ 2025 ਨੂੰ ਪਰਦੇ 'ਤੇ ਰਿਲੀਜ਼ ਹੋਈ ਸੀ। ਇਸ ਦੇ ਨਾਲ ਹੀ ਹੁਣ ਹਾਲ ਹੀ ਵਿੱਚ ਅਦਾਕਾਰਾ ਨੂੰ 'ਛੋਰੀ 2' ਵਿੱਚ ਉਨ੍ਹਾਂ ਦੇ ਦਮਦਾਰ ਪ੍ਰਦਰਸ਼ਨ ਲਈ 'ਗਰਾਊਂਡ-ਬ੍ਰੇਕਿੰਗ ਸਟਾਰ ਆਫ ਦਿ ਈਅਰ' ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ ਹੈ।
ਪੁਰਸਕਾਰ ਪ੍ਰਾਪਤ ਕਰਦੇ ਸਮੇਂ ਨੁਸਰਤ ਭਰੂਚਾ ਬਹੁਤ ਭਾਵੁਕ ਹੋ ਗਈ ਅਤੇ ਆਪਣੇ ਸਫ਼ਰ ਨੂੰ ਯਾਦ ਕਰਦੇ ਹੋਏ ਉਨ੍ਹਾਂ ਨੇ ਕਿਹਾ-ਆਪਣੇ ਕਰੀਅਰ ਦੀ ਸ਼ੁਰੂਆਤ ਵਿੱਚ, ਮੈਂ ਫਿਲਮਾਂ ਵਿੱਚ ਹਾਸੇ ਦਾ ਪਾਤਰ ਬਣੀ ਰਹੀ, ਮੈਨੂੰ ਹਮੇਸ਼ਾ ਇੱਕ ਚਲਾਕ, ਕੰਟਰੋਲ ਕਰਨ ਵਾਲੀ ਜਾਂ ਚਿੜਚਿੜੀ ਕੁੜੀ ਦੀਆਂ ਭੂਮਿਕਾਵਾਂ ਮਿਲਦੀਆਂ ਸਨ। ਪਰ ਅੱਜ ਮੈਨੂੰ ਅਜਿਹੇ ਕਿਰਦਾਰ ਲਈ ਪੁਰਸਕਾਰ ਮਿਲ ਰਿਹਾ ਹੈ, ਜੋ ਇੱਕ ਕੁੜੀ ਦੀ ਜ਼ਿੰਦਗੀ, ਉਨ੍ਹਾਂ ਦੇ ਜਿਉਣ ਦੇ ਅਧਿਕਾਰ ਅਤੇ ਆਪਣੇ ਲਈ ਜ਼ਿੰਦਗੀ ਚੁਣਨ ਦੇ ਅਧਿਕਾਰ ਬਾਰੇ ਗੱਲ ਕਰਦਾ ਹੈ। ਮੈਂ ਇੱਥੇ ਇਸ ਸਫਰ 'ਤੇ, ਹਰ ਉਸ 'ਛੋਰੀ' ਲਈ ਹਾਂ ਜੋ ਆਪਣੀ ਪਛਾਣ ਬਣਾਉਣਾ ਚਾਹੁੰਦੀ ਹੈ। ਇਹ ਕਹਿ ਕੇ ਮੇਰੇ ਹੰਝੂ ਭਰ ਰਹੇ ਹਨ, ਕਿਉਂਕਿ ਇਹ ਯਾਤਰਾ ਮੇਰੇ ਲਈ ਆਪਣੇ ਆਪ ਨੂੰ ਸਾਬਤ ਕਰਨ ਦਾ ਵੀ ਇੱਕ ਸਾਧਨ ਰਹੀ ਹੈ। ਅੱਜ ਇਹ ਪੁਰਸਕਾਰ ਪ੍ਰਾਪਤ ਕਰਨਾ ਮੇਰੇ ਲਈ ਬਹੁਤ ਮਾਇਨੇ ਰੱਖਦਾ ਹੈ। ਤੁਹਾਨੂੰ ਸਾਰਿਆਂ ਨੂੰ ਇਸ ਗੱਲ ਦਾ ਕੋਈ ਅੰਦਾਜ਼ਾ ਨਹੀਂ ਹੈ ਕਿ ਇਹ ਮੇਰੇ ਲਈ ਕਿੰਨਾ ਖਾਸ ਹੈ।
ਇਸ ਦੇ ਨਾਲ ਨੁਸਰਤ ਨੇ ਜਿਊਰੀ, ਆਪਣੀ ਟੀਮ, ਨਿਰਦੇਸ਼ਕ, ਨਿਰਮਾਤਾ, ਸਹਿ-ਕਲਾਕਾਰਾਂ ਅਤੇ ਫਿਲਮ ਇੰਡਸਟਰੀ ਦੇ ਸਾਰਿਆਂ ਦਾ ਦਿਲੋਂ ਧੰਨਵਾਦ ਕੀਤਾ। ਪੁਰਸਕਾਰ ਤੋਂ ਬਾਅਦ ਗੱਲਬਾਤ ਦੌਰਾਨ, ਜਦੋਂ ਉਨ੍ਹਾਂ ਨੂੰ ਪੁੱਛਿਆ ਗਿਆ ਕਿ ਉਨ੍ਹਾਂਨੂੰ ਸਭ ਤੋਂ ਵੱਧ ਕਿਸ ਚੀਜ਼ ਤੋਂ ਡਰ ਲੱਗਦਾ ਹੈ, ਤਾਂ ਉਨ੍ਹਾਂ ਨੇ ਬਹੁਤ ਇਮਾਨਦਾਰੀ ਨਾਲ ਜਵਾਬ ਦਿੱਤਾ, "ਭੁੱਲਾ ਦਿੱਤੇ ਜਾਣ ਤੋਂ। ਮੈਨੂੰ ਨਹੀਂ ਪਤਾ ਕਿ ਮੈਂ ਇੰਨੇ ਵੱਡੇ ਪਲੇਟਫਾਰਮ 'ਤੇ ਇਹ ਕਿਵੇਂ ਕਿਹਾ। ਪਰ ਮੇਰੀਆਂ ਫਿਲਮਾਂ ਦੀ ਚੋਣ ਵਿੱਚ ਵੀ ਇਹੀ ਗੱਲ ਦਿਖਾਈ ਦਿੰਦੀ ਹੈ। ਮੈਂ ਅਜਿਹੀ ਫਿਲਮ ਵਿੱਚ ਕੰਮ ਨਹੀਂ ਕਰਨਾ ਚਾਹੁੰਦੀ ਜਿਸਨੂੰ ਲੋਕ ਦੇਖਣ ਤੋਂ ਬਾਅਦ ਭੁੱਲ ਜਾਣ। ਸਾਨੂੰ ਸਾਰਿਆਂ ਨੂੰ ਇੱਕ ਨਾ ਇੱਕ ਦਿਨ ਜਾਣਾ ਹੀ ਪਵੇਗਾ, ਪਰ ਮੈਂ ਕੁਝ ਅਜਿਹਾ ਪਿੱਛੇ ਛੱਡਣਾ ਚਾਹੁੰਦੀ ਹਾਂ ਜਿਸਨੂੰ ਲੋਕ ਦੇਖਣਗੇ ਅਤੇ ਕਹਿਣਗੇ ਕਿ ਇਹ ਨੁਸਰਤ ਸੀ, ਇਹ ਉਹ ਸੀ।
ਰਾਮ ਕਪੂਰ ਤੇ ਮੋੋਨਾ ਸਿੰਘ ਨੇ ‘ਮਿਸਤਰੀ’ ਦੀ ਪ੍ਰਮੋਸ਼ਨ ਕੀਤੀ, 27 ਨੂੰ ਹੋਵੇਗੀ ਰਿਲੀਜ਼
NEXT STORY 
