ਮੁੰਬਈ (ਬਿਊਰੋ) - ਬਾਲੀਵੁੱਡ ਅਭਿਨੇਤਰੀ ਪਰਿਣੀਤੀ ਚੋਪੜਾ ਨੇ ਪਿਛਲੇ ਸਾਲ ਉਦੈਪੁਰ ‘ਚ ਰਾਜਨੇਤਾ ਰਾਘਵ ਚੱਢਾ ਨਾਲ ਵਿਆਹ ਕਰਵਾਇਆ ਸੀ। ਜੋੜੇ ਦੇ ਵਿਆਹ ਨੂੰ ਇੱਕ ਸਾਲ ਬੀਤ ਚੁੱਕਾ ਹੈ। ਇਸ ਮੌਕੇ ‘ਤੇ ਜੋੜੇ ਨੇ ਵਿਦੇਸ਼ ‘ਚ ਵਰ੍ਹੇਗੰਢ ਮਨਾਈ। ਅਦਾਕਾਰਾ ਨੇ ਸੋਸ਼ਲ ਮੀਡੀਆ ‘ਤੇ ਕੁਝ ਤਸਵੀਰਾਂ ਸ਼ੇਅਰ ਕਰਕੇ ਪ੍ਰਸ਼ੰਸਕਾਂ ਨੂੰ ਆਪਣੀ ਵਰ੍ਹੇਗੰਢ ਦੇ ਜਸ਼ਨ ਦੀ ਝਲਕ ਦਿੱਤੀ। ਪਰਿਣੀਤੀ ਨੇ ਮਾਲਦੀਵ ‘ਚ ਰਾਘਵ ਨਾਲ ਆਪਣੀ ਪਹਿਲੀ ਵਿਆਹ ਦੀ ਵਰ੍ਹੇਗੰਢ ਦੇ ਜਸ਼ਨ ਦੀਆਂ ਕਈ ਤਸਵੀਰਾਂ ਇੰਸਟਾਗ੍ਰਾਮ ‘ਤੇ ਸ਼ੇਅਰ ਕੀਤੀਆਂ ਹਨ। ਤਸਵੀਰਾਂ 'ਚ, ਜੋੜਾ ਮਾਲਦੀਵ 'ਚ ਬੀਚ 'ਤੇ ਕੁਰਸੀਆਂ 'ਤੇ ਆਰਾਮ ਕਰਦੇ ਹੋਏ ਅਤੇ ਸੂਰਜ ਡੁੱਬਣ ਦਾ ਅਨੰਦ ਲੈਂਦੇ ਦਿਖਾਈ ਦੇ ਰਹੇ ਹਨ। ਇਨ੍ਹਾਂ ਤਸਵੀਰਾਂ ਦੇ ਨਾਲ ਪਰਿਣੀਤੀ ਚੋਪੜਾ ਨੇ ਪਤੀ ਰਾਘਵ ਲਈ ਦਿਲ ਨੂੰ ਛੂਹ ਲੈਣ ਵਾਲੀ ਪੋਸਟ ਵੀ ਸ਼ੇਅਰ ਕੀਤੀ ਹੈ।
ਇਹ ਖ਼ਬਰ ਵੀ ਪੜ੍ਹੋ - ਕੰਗਨਾ ਰਣੌਤ 'ਤੇ ਰਾਜਾ ਵੜਿੰਗ ਦਾ ਵੱਡਾ ਬਿਆਨ, ਸ਼ਰੇਆਮ ਆਖ ਦਿੱਤੀਆਂ ਇਹ ਗੱਲਾਂ
ਪਰਿਣੀਤੀ ਨੇ ਲਿਖੀ ਖ਼ਾਸ ਪੋਸਟ
ਪੋਸਟ ਦੇ ਕੈਪਸ਼ਨ ‘ਚ ਪਰਿਣੀਤੀ ਨੇ ਲਿਖਿਆ, ‘ਕੱਲ੍ਹ ਅਸੀਂ ਦੋਵਾਂ ਨੇ ਇਕ-ਦੂਜੇ ਨਾਲ ਸਮਾਂ ਬਿਤਾਇਆ ਪਰ ਅਸੀਂ ਤੁਹਾਡੇ ਸਾਰਿਆਂ ਵੱਲੋਂ ਹਰ ਇੱਛਾ ਅਤੇ ਸੰਦੇਸ਼ ਪੜ੍ਹਦੇ ਹਾਂ ਅਤੇ ਅਸੀਂ ਤਹਿ ਦਿਲੋਂ ਧੰਨਵਾਦੀ ਹਾਂ। ਰਾਘਵ, ਮੈਨੂੰ ਨਹੀਂ ਪਤਾ ਕਿ ਮੈਂ ਆਪਣੇ ਪਿਛਲੇ ਜਨਮ ਅਤੇ ਇਸ ਜਨਮ 'ਚ ਕੀ ਕੀਤਾ ਕਿ ਤੁਸੀਂ ਮੇਰੇ ਪਤੀ ਹੋ। ਸਾਡੇ ਦੇਸ਼ ਪ੍ਰਤੀ ਤੁਹਾਡਾ ਸਮਰਪਣ ਅਤੇ ਪ੍ਰਤੀਬੱਧਤਾ ਮੈਨੂੰ ਬਹੁਤ ਪ੍ਰੇਰਿਤ ਕਰਦੀ ਹੈ। ਮੈਂ ਤੁਹਾਨੂੰ ਬਹੁਤ ਪਿਆਰ ਕਰਦੀ ਹਾਂ। ਅਸੀਂ ਪਹਿਲਾਂ ਕਿਉਂ ਨਹੀਂ ਮਿਲੇ? ਰਾਘਵ ਵਰ੍ਹੇਗੰਢ ਮੁਬਾਰਕ, ਅਸੀਂ ਦੋਵੇਂ ਇੱਕ ਹਾਂ।''
ਇਹ ਖ਼ਬਰ ਵੀ ਪੜ੍ਹੋ - ਕਿਸਾਨਾਂ 'ਤੇ ਦਿੱਤੇ ਬਿਆਨ 'ਤੇ ਕੰਗਨਾ ਦਾ ਯੂ-ਟਰਨ, ਹੁਣ ਫਿਰ ਆਖੀ ਵੱਡੀ ਗੱਲ
ਰਾਘਵ ਨੇ ਵਰ੍ਹੇਗੰਢ ਦੀ ਇੰਝ ਦਿੱਤੀ ਪਤਨੀ ਨੂੰ ਵਧਾਈ
ਰਾਘਵ ਨੇ ਉਨ੍ਹਾਂ ਨੂੰ ਵਰ੍ਹੇਗੰਢ ‘ਤੇ ਵਧਾਈ ਦਿੰਦੇ ਹੋਏ ਇਕ ਪਿਆਰੀ ਪੋਸਟ ਵੀ ਸ਼ੇਅਰ ਕੀਤੀ ਹੈ। ਉਹ ਆਪਣੀ ਪੋਸਟ ‘ਚ ਲਿਖਿਆ ਕਿ, ‘ਇੱਕ ਸਾਲ ਹੋ ਗਿਆ? ਇੰਝ ਲੱਗਦਾ ਹੈ ਜਿਵੇਂ ਅਸੀਂ ਕੱਲ੍ਹ ਹੀ ਇੱਕ ਦੂਜੇ ਨਾਲ ਵਿਆਹ ਕੀਤਾ ਹੋਵੇ। ਕਾਸ਼ ਅਸੀਂ ਪਹਿਲਾਂ ਮਿਲੇ ਹੁੰਦੇ। ਤੁਸੀਂ ਹਰ ਦਿਨ ਨੂੰ ਬਹੁਤ ਖਾਸ ਬਣਾਉਂਦੇ ਹੋ। ਤੁਸੀਂ ਹਮੇਸ਼ਾ ਮੇਰੇ ਸਭ ਤੋਂ ਚੰਗੇ ਦੋਸਤ ਰਹੇ ਹੋ। ਇਸ ਸਾਲ ਨੂੰ ਯਾਦਗਾਰ ਬਣਾਉਣ ਲਈ ਧੰਨਵਾਦ। ‘ਹੈਪੀ ਐਨੀਵਰਸਰੀ ਮਾਈ ਲਵ।’
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਨੰਨ੍ਹੇ ਬੱਚੇ ਬਣੇ ਅੱਲੂ ਅਰਜੁਨ ਤੇ ਰਸ਼ਮਿਕਾ, 'ਅੰਗਾਰੋਂ' ਗੀਤ 'ਤੇ ਡਾਂਸ ਕਰ ਜਿੱਤਿਆ ਸਭ ਦਾ ਦਿਲ
NEXT STORY 
