ਮੁੰਬਈ- ਬਾਲੀਵੁੱਡ ਦੇ ਦਿੱਗਜ ਅਦਾਕਾਰ ਧਰਮਿੰਦਰ ਦੇ ਦੇਹਾਂਤ ਨੂੰ ਕੁਝ ਹਫ਼ਤੇ ਬੀਤ ਚੁੱਕੇ ਹਨ, ਪਰ ਉਨ੍ਹਾਂ ਦੇ ਪਰਿਵਾਰ, ਫਿਲਮ ਇੰਡਸਟਰੀ ਅਤੇ ਪ੍ਰਸ਼ੰਸਕ ਅਜੇ ਵੀ ਭਾਵੁਕ ਦਿਲ ਨਾਲ ਉਨ੍ਹਾਂ ਨੂੰ ਯਾਦ ਕਰ ਰਹੇ ਹਨ। ਧਰਮਿੰਦਰ ਦਾ ਦੇਹਾਂਤ 24 ਨਵੰਬਰ 2025 ਨੂੰ 89 ਸਾਲ ਦੀ ਉਮਰ ਵਿੱਚ ਹੋਇਆ ਸੀ। ਦਿਓਲ ਪਰਿਵਾਰ ਨੇ ਹਾਲ ਹੀ ਵਿੱਚ ਮੁੰਬਈ ਵਿੱਚ ਸ਼ਰਧਾਂਜਲੀ ਸਭਾਵਾਂ ਦਾ ਆਯੋਜਨ ਕੀਤਾ ਸੀ। ਪਰ ਹੁਣ ਉਨ੍ਹਾਂ ਦੀ ਦੂਜੀ ਪਤਨੀ ਹੇਮਾ ਮਾਲਿਨੀ ਅਤੇ ਬੇਟੀਆਂ ਈਸ਼ਾ ਦਿਓਲ ਤੇ ਅਹਾਨਾ ਦਿਓਲ ਨਵੀਂ ਦਿੱਲੀ ਵਿੱਚ ਇੱਕ ਹੋਰ ਪ੍ਰਾਰਥਨਾ ਸਭਾ ਦਾ ਆਯੋਜਨ ਕਰਨ ਜਾ ਰਹੀਆਂ ਹਨ।
ਕਦੋਂ ਅਤੇ ਕਿੱਥੇ ਹੋਵੇਗੀ ਪ੍ਰਾਰਥਨਾ ਸਭਾ?
ਰਿਪੋਰਟਾਂ ਅਨੁਸਾਰ ਹੇਮਾ ਮਾਲਿਨੀ ਅਤੇ ਉਨ੍ਹਾਂ ਦੀਆਂ ਬੇਟੀਆਂ ਦੁਆਰਾ ਆਯੋਜਿਤ ਇਹ ਪ੍ਰਾਰਥਨਾ ਸਭਾ 11 ਦਸੰਬਰ 2025 ਵੀਰਵਾਰ ਨੂੰ ਰੱਖੀ ਗਈ ਹੈ।
ਸਥਾਨ: ਡਾ. ਅੰਬੇਡਕਰ ਇੰਟਰਨੈਸ਼ਨਲ ਸੈਂਟਰ, ਜਨਪਥ, ਨਵੀਂ ਦਿੱਲੀ।
ਸਮਾਂ: ਇਹ ਸਭਾ ਸ਼ਾਮ 4:00 ਵਜੇ ਤੋਂ ਸ਼ਾਮ 6:00 ਵਜੇ ਤੱਕ ਰੱਖੀ ਜਾਵੇਗੀ।
ਇਸ ਪ੍ਰੋਗਰਾਮ ਦੀ ਮੇਜ਼ਬਾਨੀ ਹੇਮਾ ਮਾਲਿਨੀ, ਈਸ਼ਾ ਦੇਓਲ, ਅਹਾਨਾ ਦਿਓਲ, ਭਰਤ ਤਖਤਾਨੀ ਅਤੇ ਵੈਭਵ ਵੋਹਰਾ ਕਰਨਗੇ।
ਮੁੰਬਈ ਵਿੱਚ ਹੋਈਆਂ ਸਨ ਵੱਖਰੀਆਂ ਸਭਾਵਾਂ
ਜ਼ਿਕਰਯੋਗ ਹੈ ਕਿ ਧਰਮਿੰਦਰ ਦੇ ਦੇਹਾਂਤ ਤੋਂ ਬਾਅਦ, 27 ਨਵੰਬਰ ਨੂੰ ਮੁੰਬਈ ਦੇ ਤਾਜ ਲੈਂਡਜ਼ ਐਂਡ ਵਿੱਚ ਇੱਕ ਸ਼ਰਧਾਂਜਲੀ ਸਭਾ ਰੱਖੀ ਗਈ ਸੀ, ਜਿਸ ਵਿੱਚ ਬਾਲੀਵੁੱਡ ਦੇ ਕਈ ਦਿੱਗਜ ਸ਼ਾਮਲ ਹੋਏ ਸਨ। ਪਰ ਇਸੇ ਦਿਨ, ਹੇਮਾ ਮਾਲਿਨੀ ਨੇ ਆਪਣੇ ਮੁੰਬਈ ਵਾਲੇ ਘਰ ਵਿੱਚ ਇੱਕ ਵੱਖਰੀ ਪ੍ਰਾਰਥਨਾ ਸਭਾ ਰੱਖੀ ਸੀ, ਜਿੱਥੇ ਸਿਰਫ਼ ਨਜ਼ਦੀਕੀ ਰਿਸ਼ਤੇਦਾਰ ਅਤੇ ਚੁਨਿੰਦਾ ਮਹਿਮਾਨ ਹੀ ਪਹੁੰਚੇ ਸਨ। ਹੇਮਾ ਵੱਲੋਂ ਆਯੋਜਿਤ ਸਭਾ ਵਿੱਚ ਮਹਿਮਾ ਚੌਧਰੀ, ਫਰਦੀਨ ਖਾਨ ਅਤੇ ਸੁਨੀਤਾ ਆਹੂਜਾ (ਆਪਣੇ ਬੇਟੇ ਨਾਲ) ਵਰਗੇ ਸਿਤਾਰੇ ਸ਼ਾਮਲ ਹੋਏ ਸਨ। ਇਨ੍ਹਾਂ ਵੱਖਰੀਆਂ ਪ੍ਰਾਰਥਨਾ ਸਭਾਵਾਂ ਨੇ ਪਰਿਵਾਰ ਦੇ ਮਤਭੇਦਾਂ ਨੂੰ ਵੀ ਦਰਸਾਇਆ ਸੀ।
ਕੁਨਾਲ ਖੇਮੂ ਦੀ ਵੈੱਬ ਸੀਰੀਜ਼ ਸਿੰਗਲ ਪਾਪਾ ਦਾ ਟਾਈਟਲ ਟਰੈਕ ਰਿਲੀਜ਼
NEXT STORY 
