ਮੁੰਬਈ: ਸਾਲ 2002 ਵਿੱਚ ਰਿਲੀਜ਼ ਹੋਈ ਹਾਰਰ-ਥ੍ਰਿਲਰ ਫਿਲਮ ‘ਰਾਜ਼’ ਨੇ ਬਾਕਸ ਆਫਿਸ 'ਤੇ ਧੂਮ ਮਚਾ ਦਿੱਤੀ ਸੀ। ਇਸ ਫਿਲਮ ਨੇ ਬਿਪਾਸ਼ਾ ਬਸੂ ਅਤੇ ਡੀਨੋ ਮੋਰੀਆ ਨੂੰ ਰਾਤੋ-ਰਾਤ ਸਟਾਰ ਬਣਾ ਦਿੱਤਾ ਸੀ। ਪਰ ਇਸ ਫਿਲਮ ਵਿੱਚ ਇੱਕ ਅਜਿਹਾ ਚਿਹਰਾ ਵੀ ਸੀ, ਜਿਸ ਨੇ ਆਪਣੀ ਖੂਬਸੂਰਤੀ ਅਤੇ ਦਮਦਾਰ ਅਦਾਕਾਰੀ ਨਾਲ ਬਿਪਾਸ਼ਾ ਨੂੰ ਵੀ ਬਰਾਬਰ ਦੀ ਟੱਕਰ ਦਿੱਤੀ ਸੀ। ਉਹ ਸੀ ਫਿਲਮ ਦੀ ਖੂਬਸੂਰਤ ‘ਭੂਤਨੀ’ ਮਾਲਿਨੀ ਸ਼ਰਮਾ। ਅੱਜ ‘ਜਗ ਬਾਣੀ’ ਤੁਹਾਨੂੰ ਦੱਸਣ ਜਾ ਰਿਹਾ ਹੈ ਕਿ ਆਪਣੀ ਪਹਿਲੀ ਹੀ ਫਿਲਮ ਨਾਲ ਸੁਰਖੀਆਂ ਬਟੋਰਨ ਵਾਲੀ ਇਹ ਅਦਾਕਾਰਾ ਹੁਣ ਕਿੱਥੇ ਹੈ।
ਮਾਲਿਨੀ ਸ਼ਰਮਾ ਨੇ ਫਿਲਮ ਵਿੱਚ ‘ਮਾਲਿਨੀ’ ਨਾਂ ਦੀ ਲੜਕੀ ਦਾ ਕਿਰਦਾਰ ਨਿਭਾਇਆ ਸੀ, ਜੋ ਧੋਖਾ ਮਿਲਣ ਤੋਂ ਬਾਅਦ ਖੁਦਕੁਸ਼ੀ ਕਰ ਲੈਂਦੀ ਹੈ ਅਤੇ ਫਿਰ ਰੂਹ ਬਣ ਕੇ ਆਪਣੇ ਪ੍ਰੇਮੀ (ਡੀਨੋ ਮੋਰੀਆ) ਦੀ ਜਾਨ ਦੇ ਪਿੱਛੇ ਪੈ ਜਾਂਦੀ ਹੈ। ਫਿਲਮ ਦੇ ਗੀਤਾਂ ਅਤੇ ਕਹਾਣੀ ਦੇ ਨਾਲ-ਨਾਲ ਮਾਲਿਨੀ ਦੀ ਅਦਾਕਾਰੀ ਦੇ ਇੰਨੇ ਚਰਚੇ ਹੋਏ ਕਿ ਉਨ੍ਹਾਂ ਨੂੰ ਲਗਾਤਾਰ ਫਿਲਮਾਂ ਦੇ ਆਫਰ ਮਿਲਣ ਲੱਗੇ ਸਨ।
ਮਾਡਲਿੰਗ ਦੀ ਦੁਨੀਆ ਦਾ ਸੀ ਵੱਡਾ ਨਾਮ
ਅਦਾਕਾਰੀ ਵਿੱਚ ਆਉਣ ਤੋਂ ਪਹਿਲਾਂ ਮਾਲਿਨੀ ਇੱਕ ਨਾਮੀ ਮਾਡਲ ਸੀ। ਉਨ੍ਹਾਂ ਨੇ ਕਈ ਮਸ਼ਹੂਰ ਮਿਊਜ਼ਿਕ ਵੀਡੀਓਜ਼ ਵਿੱਚ ਕੰਮ ਕੀਤਾ ਸੀ, ਜਿਨ੍ਹਾਂ ਵਿੱਚ ਮੀਕਾ ਸਿੰਘ ਦਾ ਸੁਪਰਹਿੱਟ ਗੀਤ ‘ਸਾਵਣ ਮੇਂ ਲੱਗ ਗਈ ਆਗ’ ਸਭ ਤੋਂ ਪ੍ਰਮੁੱਖ ਸੀ। ਇਸ ਤੋਂ ਇਲਾਵਾ ਉਹ ‘ਕਿਆ ਸੂਰਤ ਹੈ’ ਅਤੇ ‘ਕਿਤਨੀ ਅਕੇਲੀ’ ਵਰਗੇ ਵੀਡੀਓਜ਼ ਵਿੱਚ ਵੀ ਨਜ਼ਰ ਆਈ ਸੀ।
ਨਿੱਜੀ ਜ਼ਿੰਦਗੀ ਵਿੱਚ ਮਿਲਿਆ ਦਰਦ
ਫਿਲਮਾਂ ਵਿੱਚ ਆਉਣ ਤੋਂ ਪਹਿਲਾਂ ਹੀ ਮਾਲਿਨੀ ਨੇ 1997 ਵਿੱਚ ਉਸ ਦੌਰ ਦੇ ਚਾਕਲੇਟੀ ਹੀਰੋ ਪ੍ਰਿਆਂਸ਼ੂ ਚੈਟਰਜੀ ਨਾਲ ਵਿਆਹ ਕੀਤਾ ਸੀ। ਪਰ ਬਦਕਿਸਮਤੀ ਨਾਲ ਇਹ ਰਿਸ਼ਤਾ ਲੰਬਾ ਨਾ ਚੱਲ ਸਕਿਆ ਅਤੇ 2001 ਵਿੱਚ, ਯਾਨੀ ‘ਰਾਜ਼’ ਦੇ ਰਿਲੀਜ਼ ਹੋਣ ਤੋਂ ਇੱਕ ਸਾਲ ਪਹਿਲਾਂ ਉਨ੍ਹਾਂ ਦਾ ਤਲਾਕ ਹੋ ਗਿਆ।
ਫਿਰ ਕਿਉਂ ਚੁਣੀ ਗੁਮਨਾਮੀ?
ਹਰ ਕੋਈ ਹੈਰਾਨ ਸੀ ਕਿ ਇੰਨੀ ਵੱਡੀ ਸਫ਼ਲਤਾ ਤੋਂ ਬਾਅਦ ਮਾਲਿਨੀ ਅਚਾਨਕ ਕਿੱਥੇ ਗਾਇਬ ਹੋ ਗਈ। ਦੱਸਿਆ ਜਾਂਦਾ ਹੈ ਕਿ ਉਨ੍ਹਾਂ ਨੂੰ ਮਹੇਸ਼ ਭੱਟ ਦੀ ਫਿਲਮ ‘ਗੁਨਾਹ’ ਆਫਰ ਹੋਈ ਸੀ, ਪਰ ਸ਼ੂਟਿੰਗ ਸ਼ੁਰੂ ਹੋਣ ਤੋਂ ਸਿਰਫ਼ ਦੋ ਦਿਨ ਪਹਿਲਾਂ ਉਨ੍ਹਾਂ ਨੂੰ ਫਿਲਮ ਵਿੱਚੋਂ ਬਾਹਰ ਕਰ ਦਿੱਤਾ ਗਿਆ ਅਤੇ ਉਨ੍ਹਾਂ ਦੀ ਜਗ੍ਹਾ ਬਿਪਾਸ਼ਾ ਬਸੂ ਨੂੰ ਲੈ ਲਿਆ ਗਿਆ। ਇਸ ਘਟਨਾ ਤੋਂ ਬਾਅਦ ਮਾਲਿਨੀ ਨੇ ਫਿਲਮੀ ਦੁਨੀਆ ਤੋਂ ਦੂਰੀ ਬਣਾ ਲਈ। ਅੱਜ ਉਹ ਕਿੱਥੇ ਹੈ ਅਤੇ ਕੀ ਕਰ ਰਹੀ ਹੈ, ਇਸ ਬਾਰੇ ਕਿਸੇ ਕੋਲ ਕੋਈ ਪੁਖਤਾ ਜਾਣਕਾਰੀ ਨਹੀਂ ਹੈ ਕਿਉਂਕਿ ਉਨ੍ਹਾਂ ਨੇ ਲਾਈਮਲਾਈਟ ਤੋਂ ਪੂਰੀ ਤਰ੍ਹਾਂ ਕਿਨਾਰਾ ਕਰ ਲਿਆ ਹੈ
ਜੀ ਸਿਨੇਮਾ 'ਤੇ 27 ਦਸੰਬਰ ਨੂੰ ਹੋਵੇਗਾ 'ਧੜਕ 2' ਦਾ ਵਰਲਡ ਟੈਲੀਵਿਜ਼ਨ ਪ੍ਰੀਮੀਅਰ
NEXT STORY 
