ਮੁੰਬਈ (ਬਿਊਰੋ)– ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਮੌਤ ਨੂੰ ਲਗਭਗ 1 ਸਾਲ ਪੂਰਾ ਹੋਣ ਵਾਲਾ ਹੈ ਪਰ ਹੁਣ ਤਕ ਕਈ ਅਜਿਹੇ ਰਾਜ਼ ਹਨ, ਜਿਨ੍ਹਾਂ ਤੋਂ ਅਜੇ ਤਕ ਪਰਦਾ ਨਹੀਂ ਉਠ ਸਕਿਆ। ਸੁਸ਼ਾਂਤ ਦੀ ਮੌਤ ਨਾਲ ਸਬੰਧਤ ਡਰੱਗਸ ਕਨੈਕਸ਼ਨ ਮਾਮਲੇ ’ਚ ਦੋਸ਼ੀ ਅਦਾਕਾਰਾ ਰਿਆ ਚੱਕਰਵਰਤੀ ਨੇ ਐੱਨ. ਸੀ. ਬੀ. ਦੇ ਸਾਹਮਣੇ ਇਕ ਵੱਡਾ ਖ਼ੁਲਾਸਾ ਕੀਤਾ ਹੈ।
ਰਿਆ ਨੇ ਦੋਸ਼ ਲਗਾਇਆ ਹੈ ਕਿ ਸੁਸ਼ਾਂਤ ਦੀ ਭੈਣ ਪ੍ਰਿਅੰਕਾ ਤੇ ਉਸ ਦਾ ਜੀਜਾ ਸਿਧਾਰਥ ਵੀ ਡਰੱਗਸ ਲੈਂਦੇ ਸਨ। ਰਿਆ ਦਾ ਕਹਿਣਾ ਹੈ ਕਿ ਉਹ ਦੋਵੇਂ ‘ਮੇਰੀਜੁਆਨਾ’ ਨਾਂ ਦਾ ਗਾਂਜਾ ਲੈਂਦੇ ਸਨ ਤੇ ਸੁਸ਼ਾਂਤ ਲਈ ਵੀ ਲੈ ਕੇ ਆਉਂਦੇ ਸਨ।
ਪਰਿਵਾਰ ਸੁਸ਼ਾਂਤ ਦੀ ਡਰੱਗਸ ਦੀ ਲੱਤ ਤੋਂ ਸੀ ਜਾਣੂ
ਐੱਨ. ਸੀ. ਬੀ. ਨੂੰ ਦਿੱਤੇ ਬਿਆਨ ’ਚ ਰਿਆ ਨੇ ਲਿਖਤੀ ਬਿਆਨ ’ਚ ਇਹ ਵੀ ਕਿਹਾ ਹੈ ਕਿ ਸੁਸ਼ਾਂਤ ਨੂੰ ਡਰੱਗਸ ਦੀ ਲੱਤ ਪਹਿਲਾਂ ਤੋਂ ਹੀ ਸੀ। ਉਸ ਨੂੰ ਮਿਲਣ ਤੋਂ ਪਹਿਲਾਂ ਤੋਂ ਹੀ ਉਹ ਡਰੱਗਸ ਲੈ ਰਿਹਾ ਸੀ। ਰਿਆ ਦਾ ਇਹ ਵੀ ਕਹਿਣਾ ਹੈ ਕਿ ਸੁਸ਼ਾਂਤ ਦਾ ਪੂਰਾ ਪਰਿਵਾਰ ਇਸ ਗੱਲ ਨੂੰ ਜਾਣਦਾ ਸੀ ਕਿ ਉਸ ਨੂੰ ਡਰੱਗਸ ਦੀ ਲੱਤ ਲੱਗੀ ਹੈ। ਰਿਆ ਨੇ ਇਹ ਵੀ ਖ਼ੁਲਾਸਾ ਕੀਤਾ ਹੈ ਕਿ ਸੁਸ਼ਾਂਤ ਦੀ ਭੈਣ ਨੇ 8 ਜੂਨ, 2020 ਨੂੰ ਉਸ ਨੂੰ ਵਟਸਐਪ ਮੈਸਿਜ ਰਾਹੀਂ ਕੁਝ ਦਵਾਈਆਂ ਲੈਣ ਦੀ ਸਲਾਹ ਦਿੱਤੀ ਸੀ, ਜੋ ਕਿ ਡਰੱਗਸ ਸਨ।
ਡਾਕਟਰ ਨੇ ਦਿੱਤੀ ਨਸ਼ੀਲੀਆਂ ਦਵਾਈਆਂ ਜਾਰੀ ਰੱਖਣ ਦੀ ਸਲਾਹ
ਰਿਆ ਦਾ ਦੋਸ਼ ਹੈ ਕਿ ਇਸ ’ਚ ਕਈ ਦਵਾਈਆਂ ਜਾਨਲੇਵਾ ਵੀ ਸਨ। ਇਸ ਦੇ ਨਾਲ ਹੀ ਰਿਆ ਨੇ ਇਹ ਵੀ ਦੱਸਿਆ ਕਿ ਸੁਸ਼ਾਂਤ ਪਹਿਲਾਂ ਤੋਂ ਹੀ ਡਾਕਟਰ ਨਿਕਿਤਾ ਵਲੋਂ ਲਿਖੀਆਂ ਕੁਝ ਦਵਾਈਆਂ ਨੂੰ ਲੈ ਰਿਹਾ ਸੀ। ਜਦੋਂ ਉਸ ਦੇ ਭਰਾ ਸ਼ੌਵਿਕ ਤੇ ਉਸ ਨੇ ਇਸ ਬਾਰੇ ਡਾਕਟਰ ਨਾਲ ਗੱਲਬਾਤ ਕੀਤੀ ਤਾਂ ਉਸ ਨੇ ਵੀ ਦਵਾਈਆਂ ਨੂੰ ਜਾਰੀ ਰੱਖਣ ਦੀ ਸਲਾਹ ਦਿੱਤੀ ਸੀ।
ਰਿਆ ਨੂੰ ਮਿਲਣ ਤੋਂ ਪਹਿਲਾਂ ਹੀ ਇਹ ਡਰੱਗ ਲੈ ਰਿਹਾ ਸੀ ਸੁਸ਼ਾਂਤ
ਰਿਆ ਨੇ ਐੱਨ. ਸੀ. ਬੀ. ਸਾਹਮਣੇ ਆਪਣਾ ਪੱਖ ਰੱਖਦਿਆਂ ਕਿਹਾ ਕਿ ਬਾਲਿਗ ਹੋਣ ਕਾਰਨ ਸੁਸ਼ਾਂਤ ਉਸ ਦੀ ਪਰਮਿਸ਼ਨ ਦੇ ਬਿਨਾਂ ‘ਮੇਰੀਜੁਆਨਾ’ ਡਰੱਗਸ ਲੈਂਦਾ ਸੀ। ਇਹ ਡਰੱਗਸ ਉਹ ਉਸ ਨੂੰ ਮਿਲਣ ਤੋਂ ਪਹਿਲਾਂ ਹੀ ਲੈ ਰਿਹਾ ਸੀ। ਰਿਆ ਦਾ ਦੋਸ਼ ਹੈ ਕਿ ਸੁਸ਼ਾਂਤ ਦਾ ਪੂਰਾ ਪਰਿਵਾਰ ਜਾਣਦਾ ਸੀ ਕਿ ਉਸ ਨੂੰ ਡਰੱਗਸ ਦੀ ਲੱਤ ਲੱਗੀ ਹੈ ਤੇ ਉਹ ਇਸ ਨੂੰ ਲੈਣ ਲਈ ਅਕਸਰ ਹੀ ਉਸ ਕੋਲ ਆਉਂਦੇ ਸਨ। ਇਹ ਡਰੱਗਸ ਸੁਸ਼ਾਂਤ ਨੂੰ ਉਸ ਦੀ ਭੈਣ ਤੇ ਜੀਜੇ ਤੋਂ ਵੀ ਮਿਲਦਾ ਸੀ।
ਨੋਟ– ਇਸ ਖ਼ਬਰ ’ਤੇ ਤੁਹਾਡੀ ਕੀ ਪ੍ਰਤੀਕਿਰਿਆ ਹੈ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
ਲਹਿੰਬਰ ਹੁਸੈਨਪੁਰੀ ਦਾ ਖ਼ਤਮ ਹੋਇਆ ਪਰਿਵਾਰ ਨਾਲ ਵਿਵਾਦ, ਗਾਇਕ ਦੇ ਗਲ ਲੱਗ ਰੋਈ ਪਤਨੀ ਤੇ ਬੱਚੇ
NEXT STORY 
