ਸਿੰਗਾਪੁਰ (ਭਾਸ਼ਾ): ਸਿੰਗਾਪੁਰ ਦੀ ਇੱਕ ਅਦਾਲਤ ਨੇ ਮੁੰਬਈ-ਸੂਚੀਬੱਧ ਕੰਪਨੀ ਦੇ ਭਾਰਤੀ ਮੂਲ ਦੇ ਸੀ.ਈ.ਓ. ਚੰਦਰ ਅਗਰਵਾਲ ਦੀ ਉਹ ਅਰਜ਼ੀ ਖ਼ਾਰਜ ਕਰ ਦਿੱਤੀ ਹੈ, ਜਿਸ ਵਿੱਚ ਉਨ੍ਹਾਂ ਨੇ ਆਪਣੀ ਸਾਬਕਾ ਪ੍ਰੇਮਿਕਾ 'ਤੇ ਖ਼ਰਚ ਕੀਤੇ 4,68,000 ਸਿੰਗਾਪੁਰ ਡਾਲਰ (3.5 ਕਰੋੜ ਰੁਪਏ ਤੋਂ ਵੱਧ) ਵਾਪਸ ਦਿਵਾਉਣ ਦੀ ਮੰਗ ਕੀਤੀ ਸੀ। ਅਦਾਲਤ ਨੇ ਆਪਣੇ ਫੈਸਲੇ ਵਿੱਚ ਕਿਹਾ ਕਿ ਇਹ ਜ਼ਿਆਦਾਤਰ ਰਕਮ ਪ੍ਰੇਮਿਕਾ ਨੂੰ ਤੋਹਫ਼ੇ ਵਜੋਂ ਦਿੱਤੀ ਗਈ ਸੀ।
ਚੰਦਰ ਅਗਰਵਾਲ ਨੇ ਇਹ ਦਾਅਵਾ ਕਰਦਿਆਂ ਅਦਾਲਤ ਵਿੱਚ ਕੇਸ ਕੀਤਾ ਸੀ ਕਿ ਉਨ੍ਹਾਂ ਦੁਆਰਾ ਖ਼ਰਚ ਕੀਤੀ ਗਈ ਰਕਮ ਇੱਕ ਕਰਜ਼ਾ ਸੀ, ਜੋ ਵਾਪਸ ਕੀਤਾ ਜਾਣਾ ਹੈ। ਇਸ ਖ਼ਰਚ ਵਿੱਚ ਵਿਦੇਸ਼ੀ ਦੌਰੇ, ਪ੍ਰੇਮਿਕਾ ਦੇ ਫਲੈਟ ਲਈ ਫੇਂਗ ਸ਼ੁਈ ਮਾਸਟਰ ਦੀਆਂ ਸੇਵਾਵਾਂ ਅਤੇ 'ਸਟੈਨਫੋਰਡ-ਐੱਨ.ਯੂ.ਐੱਸ.' ਐਗਜ਼ੀਕਿਊਟਿਵ ਪ੍ਰੋਗਰਾਮ 'ਤੇ ਕੀਤਾ ਗਿਆ ਖ਼ਰਚ ਸ਼ਾਮਲ ਸੀ।
ਪੜ੍ਹੋ ਇਹ ਅਹਿਮ ਖ਼ਬਰ- ਅਮਰੀਕਾ ਦੀ ਵਧੀ ਮੁਸ਼ਕਲ, ਈਰਾਨ ਨੇ ਹੋਰਮੁਜ਼ ਸਟ੍ਰੇਟ ਮੁੜ ਖੋਲ੍ਹਣ ਲਈ ਰੱਖ'ਤੀਆਂ ਸੱਤ ਸ਼ਰਤਾਂ
ਦੋਵਾਂ ਦੀ ਪਹਿਲੀ ਮੁਲਾਕਾਤ 2019 ਵਿੱਚ ਇੱਕ ਫਲਾਈਟ ਦੌਰਾਨ ਹੋਈ ਸੀ, ਜਿਸ ਤੋਂ ਬਾਅਦ ਅਗਰਵਾਲ ਨੇ ਸੋਸ਼ਲ ਮੀਡੀਆ ਰਾਹੀਂ ਸੰਪਰਕ ਕੀਤਾ। ਸਤੰਬਰ 2022 ਵਿੱਚ ਰਿਸ਼ਤਾ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ ਅਗਰਵਾਲ ਨੇ ਉਨ੍ਹਾਂ ਨੂੰ ਕਈ ਮਹਿੰਗੇ ਤੋਹਫ਼ੇ ਦਿੱਤੇ ਸਨ। ਉਨ੍ਹਾਂ ਨੇ ਪ੍ਰੇਮਿਕਾ ਲਈ ਲਿਮੋਜ਼ਿਨ ਬੁੱਕ ਕੀਤੀ, ਲਗਜ਼ਰੀ ਸਾਮਾਨ ਖਰੀਦਿਆ ਅਤੇ ਯੂਰਪ ਦੌਰੇ ਦਾ ਲਗਭਗ ਸਾਰਾ ਖ਼ਰਚ ਖੁਦ ਚੁੱਕਿਆ। ਧੋਖਾਧੜੀ ਦੇ ਸ਼ੱਕ ਤੋਂ ਬਾਅਦ ਦਸੰਬਰ 2023 ਵਿੱਚ ਇਹ ਰਿਸ਼ਤਾ ਖ਼ਤਮ ਹੋ ਗਿਆ, ਜਿਸ ਤੋਂ ਬਾਅਦ ਮਾਰਚ 2024 ਵਿੱਚ ਅਗਰਵਾਲ ਨੇ ਕੇਸ ਦਰਜ ਕਰਵਾਇਆ।
ਸੀਨੀਅਰ ਜੱਜ ਲੀ ਸੀਯੂ ਕਿਨ ਨੇ 9 ਸਤੰਬਰ ਨੂੰ ਲਿਖਤੀ ਫੈਸਲੇ ਵਿੱਚ ਕਿਹਾ ਕਿ ਅਗਰਵਾਲ ਨੇ ਆਪਣੀ ਪ੍ਰੇਮਿਕਾ ਤੋਂ ਪ੍ਰਭਾਵਿਤ ਹੋ ਕੇ ਰਿਸ਼ਤੇ ਦੌਰਾਨ ਖੁਸ਼ੀ-ਖੁਸ਼ੀ ਮਹਿੰਗੇ ਤੋਹਫ਼ੇ ਦਿੱਤੇ ਸਨ। ਜੱਜ ਨੇ ਟਿੱਪਣੀ ਕੀਤੀ ਕਿ ਰਿਸ਼ਤਾ ਖ਼ਰਾਬ ਮੋੜ 'ਤੇ ਖ਼ਤਮ ਹੋਣ ਤੋਂ ਬਾਅਦ ਅਗਰਵਾਲ ਨਿਰਾਸ਼ ਹੋ ਗਏ ਅਤੇ ਕੀਮਤ ਵਸੂਲਣ ਦਾ ਯਤਨ ਕਰਨ ਲੱਗੇ। ਅਦਾਲਤ ਵਿੱਚ ਪੁੱਛਗੁੱਛ ਦੌਰਾਨ ਅਗਰਵਾਲ ਨੇ ਦਾਅਵਾ ਕੀਤਾ ਸੀ ਕਿ ਰਿਸ਼ਤਾ ਸ਼ੁਰੂ ਹੁੰਦੇ ਹੀ ਹਰ ਖ਼ਰਚਾ ਕਰਜ਼ਾ ਬਣ ਗਿਆ ਸੀ, ਜਿਸ ਨੂੰ ਜੱਜ ਨੇ ਆਮ ਸਮਝ ਦੇ ਉਲਟ ਅਤੇ ਅਣਉਚਿਤ ਦੱਸਿਆ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਨੇਪਾਲ ਫੌਜ ਮੁਖੀ ਸਿਗਡੇਲ ਚੀਨ ਦੇ ਇੱਕ ਹਫ਼ਤੇ ਦੇ ਦੌਰੇ ਲਈ ਰਵਾਨਾ
NEXT STORY 
