ਮੁੰਬਈ (ਏਜੰਸੀ)- ਅਦਾਕਾਰਾ ਸੈਯਾਮੀ ਖੇਰ ਅਤੇ ਫਿਲਮ ਨਿਰਮਾਤਾ ਵਿਕਰਮ ਫੜਨਿਸ ਨੇ ਆਪਣੀ ਫਿਲਮ "ਪਲ ਭਰ ਕੇ ਲੀਏ" ਦੇ ਵਿਸ਼ਵ ਪ੍ਰੀਮੀਅਰ ਲਈ ਇੰਡੀਅਨ ਫਿਲਮ ਫੈਸਟੀਵਲ ਆਫ ਮੈਲਬੌਰਨ (IFFM) 2026 ਵਿੱਚ ਸ਼ਿਰਕਤ ਕੀਤੀ। ਫਿਲਮ ਵਿੱਚ ਤਾਹਿਰ ਰਾਜ ਭਸੀਨ ਅਤੇ ਵਿਨੀਤ ਕੁਮਾਰ ਸਿੰਘ ਵੀ ਮੁੱਖ ਭੂਮਿਕਾਵਾਂ ਵਿੱਚ ਹਨ। ਸਕ੍ਰੀਨਿੰਗ ਤੋਂ ਬਾਅਦ, ਦਰਸ਼ਕਾਂ ਨੇ ਪੂਰੀ ਟੀਮ ਦਾ ਖੜ੍ਹੇ ਹੋ ਕੇ ਤਾੜੀਆਂ ਨਾਲ ਸਵਾਗਤ ਕੀਤਾ। ਵਿਸ਼ਵ ਪ੍ਰੀਮੀਅਰ ਨੂੰ ਦਰਸ਼ਕਾਂ ਵੱਲੋਂ ਭਾਵਨਾਤਮਕ ਅਤੇ ਗਰਮਜੋਸ਼ੀ ਭਰਿਆ ਹੁੰਗਾਰਾ ਮਿਲਿਆ। IFFM ਵਿੱਚ ਵਾਪਸੀ ਸੈਯਾਮੀ ਲਈ ਇੱਕ ਖਾਸ ਰਹੀ। ਉਹ ਇਸ ਤੋਂ ਪਹਿਲਾਂ 2023 ਵਿੱਚ ਆਪਣੀ ਫਿਲਮ "ਘੂਮਰ" ਨਾਲ ਇਸ ਸਮਾਰੋਹ ਵਿੱਚ ਸ਼ਾਮਲ ਹੋਈ ਸੀ।
"ਘੂਮਰ" IFFM 2023 ਦੀ ਓਪਨਿੰਗ ਫਿਲਮ ਸੀ। "ਪਲ ਭਰ ਕੇ ਲੀਏ" ਨਾਲ, ਸੈਯਾਮੀ ਇੱਕ ਵਾਰ ਫਿਰ ਇਸ ਵੱਕਾਰੀ ਫਿਲਮ ਫੈਸਟੀਵਲ ਦਾ ਹਿੱਸਾ ਬਣੀ। ਪ੍ਰੀਮੀਅਰ ਵਿੱਚ ਸੈਯਾਮੀ ਨੂੰ ਇੱਕ ਆਫ-ਵਾਈਟ ਗਾਊਨ ਵਿੱਚ ਦੇਖਿਆ ਗਿਆ। ਉਥੇ ਹੀ ਇਸ ਫਿਲਮ ਨਾਲ ਨਿਰਦੇਸ਼ਨ ਵਿੱਚ ਆਪਣੀ ਸ਼ੁਰੂਆਤ ਕਰਨ ਵਾਲੇ ਵਿਕਰਮ ਫੜਨਿਸ ਵੀ ਪ੍ਰੀਮੀਅਰ ਵਿੱਚ ਉਨ੍ਹਾਂ ਨਾਲ ਸ਼ਾਮਲ ਹੋਏ। ਇਹ ਫਿਲਮ ਪਹਿਲੀ ਵਾਰ ਅੰਤਰਰਾਸ਼ਟਰੀ ਦਰਸ਼ਕਾਂ ਦੇ ਸਾਹਮਣੇ ਦਿਖਾਈ ਗਈ। ਸੈਯਾਮੀ ਨੇ ਕਿਹਾ ਕਿ ਅਦਾਕਾਰ ਆਮ ਤੌਰ 'ਤੇ ਕਹਿੰਦੇ ਹਨ ਕਿ ਇੱਕ ਭੂਮਿਕਾ ਉਨ੍ਹਾਂ ਦੀ ਜ਼ਿੰਦਗੀ ਬਦਲ ਦਿੰਦੀ ਹੈ, ਪਰ ਇਸ ਭੂਮਿਕਾ ਨੇ ਸੱਚਮੁੱਚ ਉਨ੍ਹਾਂ ਨੂੰ ਇੱਕ ਇਨਸਾਨ ਵਜੋਂ ਬਦਲਿਆ ਅਤੇ ਉਨ੍ਹਾਂ 'ਤੇ ਡੂੰਘਾ ਪ੍ਰਭਾਵ ਪਾਇਆ।
ਮਸ਼ਹੂਰ ਅਦਾਕਾਰ ਦਾ ਅਚਾਨਕ ਘਟ ਗਿਆ ਭਾਰ ! ਬੀਮਾਰੀ ਦਾ ਕੀਤਾ ਖੁਲਾਸਾ
NEXT STORY 
