ਮੁੰਬਈ- ਮਸ਼ਹੂਰ ਕੰਨੜ ਅਦਾਕਾਰਾ ਸ਼ੋਭਿਤਾ ਸ਼ਿਵੰਨਾ ਦਾ ਦਿਹਾਂਤ ਹੋ ਗਿਆ ਹੈ। ਵਿਆਹ ਤੋਂ ਬਾਅਦ ਉਹ ਹੈਦਰਾਬਾਦ ‘ਚ ਰਹਿ ਰਹੀ ਸੀ। ਉਹ ਟੈਲੀਵਿਜ਼ਨ ਅਤੇ ਫਿਲਮਾਂ ਵਿੱਚ ਕੰਮ ਕਰ ਰਹੀ ਸੀ। ਅਦਾਕਾਰਾ ਸ਼ੋਭਿਤਾ ਸ਼ਿਵੰਨਾ ਨੇ ਕਰੀਬ 2 ਸਾਲ ਪਹਿਲਾਂ ਰਿਸ਼ਤੇਦਾਰਾਂ ਅਤੇ ਦੋਸਤਾਂ ਦੀ ਮੌਜੂਦਗੀ ‘ਚ ਹਿੰਦੂ ਰੀਤੀ-ਰਿਵਾਜਾਂ ਦੇ ਨਾਲ ਆਲੀਸ਼ਾਨ ਤਰੀਕੇ ਨਾਲ ਵਿਆਹ ਕੀਤਾ ਸੀ।ਕੰਨੜ ‘ਚ ਛਪੀ ਖਬਰ ਮੁਤਾਬਕ ਅਦਾਕਾਰਾ ਦਾ ਪਤੀ ਸਾਫਟਵੇਅਰ ਇੰਜੀਨੀਅਰ ਹੈ। ਕਰਨਾਟਕ ਵਿੱਚ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰ ਹੈਦਰਾਬਾਦ ਵਿੱਚ ਸ਼ੋਭਿਤਾ ਦੇ ਘਰ ਪਹੁੰਚ ਰਹੇ ਹਨ। ਅਦਾਕਾਰਾ ਦੀ ਮੌਤ ਦਾ ਸਪੱਸ਼ਟ ਕਾਰਨ ਸਾਹਮਣੇ ਨਹੀਂ ਆਇਆ ਹੈ। ਪੁਲਸ ਹਰ ਪਹਿਲੂ ਤੋਂ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਇਸ ਦੌਰਾਨ ਅਦਾਕਾਰਾ ਦੀ ਆਖਰੀ ਪੋਸਟ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਬੇਵਫ਼ਾਈ ਦੇ ਗੀਤ ਦਾ ਜ਼ਿਕਰ ਕੀਤਾ ਗਿਆ ਹੈ।
ਅਦਾਕਾਰਾ ਦੀ ਆਖਰੀ ਪੋਸਟ ਧਿਆਨ ਖਿੱਚ ਰਹੀ ਹੈ
ਸ਼ੋਭਿਤਾ ਸ਼ਿਵੰਨਾ ਦੀ ਆਖਰੀ ਪੋਸਟ ਉਸ ਗਾਇਕਾ ਦੀ ਹੈ ਜੋ ਮਸ਼ਹੂਰ ਹਿੰਦੀ ਗੀਤ ‘ਇੰਤਾਹਾ ਹੋ ਗਈ ਇੰਤਜ਼ਾਰ ਕੀ’ ਗਾਉਂਦੀ ਨਜ਼ਰ ਆ ਰਹੀ ਹੈ। ਲੋਕ ਟਿੱਪਣੀ ਕਰ ਰਹੇ ਹਨ ਅਤੇ ਪੁੱਛ ਰਹੇ ਹਨ ਕਿ ਕੀ ਇਹ ਸੱਚ ਹੈ ਕਿ ਉਸਨੇ ਖੁਦਕੁਸ਼ੀ ਕੀਤੀ ਹੈ? ਲੋਕ ਦੁਖੀ ਹਨ ਅਤੇ ਉਨ੍ਹਾਂ ਨੂੰ ਸ਼ਰਧਾਂਜਲੀ ਦੇ ਰਹੇ ਹਨ। ਅਦਾਕਾਰਾ ਨੇ ਕੰਨੜ ਫਿਲਮ ਇੰਡਸਟਰੀ ਵਿੱਚ ਵੀ ਕੰਮ ਕੀਤਾ ਹੈ। ਦਰਸ਼ਕ ਉਨ੍ਹਾਂ ਨੂੰ ‘ਅਟੈਂਪਟ ਟੂ ਮਰਡਰ’ ਅਤੇ ‘ਜੈਕਪਾਟ’ ਵਰਗੀਆਂ ਫਿਲਮਾਂ ਤੋਂ ਜਾਣਦੇ ਸਨ।
ਸ਼ੋਭਿਤਾ ਸ਼ਿਵੰਨਾ ਵਿਆਹ ਤੋਂ ਬਾਅਦ ਹੈਦਰਾਬਾਦ ‘ਚ ਰਹਿ ਰਹੀ ਸੀ
ਅਦਾਕਾਰਾ ਨੇ ਸੀਰੀਅਲ ‘ਮੀਨਾਕਸ਼ੀ ਮੁੰਦਾਸ਼’ ‘ਚ ਵੀ ਕੰਮ ਕੀਤਾ ਸੀ। ਉਸ ਨੇ ‘ਕੁੱਕੂ’, ‘ਗਾਲੀਪਤਾ’ ਵਰਗੇ ਸੀਰੀਅਲਾਂ ‘ਚ ਵੀ ਕੰਮ ਕੀਤਾ। ਉਹ ਆਖਰੀ ਵਾਰ ਫਿਲਮ ‘ਫਸਟ ਡੇ ਫਰਸਟ ਸ਼ੋਅ’ ‘ਚ ਨਜ਼ਰ ਆਈ ਸੀ। ਉਸ ਦਾ ਦੋ ਸਾਲ ਪਹਿਲਾਂ ਵਿਆਹ ਹੋਇਆ ਸੀ ਅਤੇ ਉਹ ਹੈਦਰਾਬਾਦ ਵਿੱਚ ਸੈਟਲ ਹੋ ਗਈ ਸੀ। ਅਦਾਕਾਰਾ ਦੀ ਖੁਦਕੁਸ਼ੀ ਦਾ ਕਾਰਨ ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ ਹੈ।ਦੱਸਿਆ ਜਾ ਰਿਹਾ ਹੈ ਕਿ ਬੀਤੀ ਰਾਤ ਉਸ ਨੇ ਖੁਦਕੁਸ਼ੀ ਕਰ ਲਈ। ਅਦਾਕਾਰਾ ਸ਼ੋਭਿਤਾ ਸ਼ਿਵੰਨਾ ਦੀ ਮੌਤ ਦਾ ਅਸਲ ਕਾਰਨ ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ ਹੈ। ਸ਼ੋਭਿਤਾ ਸ਼ਿਵੰਨਾ ਦੀ ਮੌਤ ਦੀ ਖਬਰ ਨਾਲ ਪ੍ਰਸ਼ੰਸਕ ਹੈਰਾਨ ਹਨ। ਅਦਾਕਾਰਾ ਦੀ ਉਮਰ ਸਿਰਫ 30 ਸਾਲ ਸੀ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
88 ਸਾਲ ਦੀ ਉਮਰ 'ਚ ਅਜਿਹੀ ਜ਼ਿੰਦਗੀ ਬੀਤਾ ਰਿਹੈ ਮਸ਼ਹੂਰ ਅਦਾਕਾਰ, ਵੀਡੀਓ ਕਰੇਗੀ ਹੈਰਾਨ
NEXT STORY 
