ਨਵੀਂ ਦਿੱਲੀ (ਬਿਊਰੋ) : ਬਾਲੀਵੁੱਡ ਦੇ ਕਈ ਕਲਾਕਾਰ ਕਾਸਟਿੰਗ ਕਾਊਚ ਦਾ ਸ਼ਿਕਾਰ ਹੋ ਚੁੱਕੇ ਹਨ। ਇਹ ਸਿਤਾਰੇ ਕਈ ਵਾਰ ਇਸ ਬਾਰੇ ਖੁੱਲ੍ਹ ਕੇ ਬੋਲਦੇ ਰਹਿੰਦੇ ਹਨ। ਹੁਣ ਪੰਜਾਬੀ ਅਤੇ ਬਾਲੀਵੁੱਡ ਅਦਾਕਾਰਾ ਸੁਰਵੀਨ ਚਾਵਲਾ ਨੇ ਆਪਣੇ ਨਾਲ ਹੋਈ ਕਾਸਟਿੰਗ ਕਾਊਚ ਦੀ ਘਟਨਾ ਬਾਰੇ ਦੱਸਿਆ ਹੈ। ਉਸ ਨੇ ਖੁਲਾਸਾ ਕੀਤਾ ਹੈ ਕਿ ਉਹ ਸਾਊਥ ਫ਼ਿਲਮ ਇੰਡਸਟਰੀ 'ਚ ਕਈ ਵਾਰ ਕਾਸਟਿੰਗ ਕਾਊਚ ਵਰਗੀ ਘਟਨਾ ਦਾ ਸ਼ਿਕਾਰ ਹੋ ਚੁੱਕੀ ਹੈ। ਇੰਨਾ ਹੀ ਨਹੀਂ ਸੁਰਵੀਨ ਚਾਵਲਾ ਬਾਡੀ ਸ਼ੇਮਿੰਗ ਦਾ ਵੀ ਸ਼ਿਕਾਰ ਹੋ ਚੁੱਕੀ ਹੈ।
ਸੁਰਵੀਨ ਚਾਵਲਾ ਨੇ ਹਾਲ ਹੀ 'ਚ ਆਰਜੇ ਸਿਧਾਰਥ ਕੰਨਨ ਨਾਲ ਗੱਲਬਾਤ ਕੀਤੀ। ਇਸ ਦੌਰਾਨ ਉਨ੍ਹਾਂ ਨੇ ਆਪਣੀ ਨਿੱਜੀ ਜ਼ਿੰਦਗੀ ਤੋਂ ਇਲਾਵਾ ਆਪਣੇ ਫ਼ਿਲਮੀ ਕਰੀਅਰ ਬਾਰੇ ਵੀ ਕਾਫ਼ੀ ਗੱਲਾਂ ਕੀਤੀਆਂ ਹਨ। ਸਿਧਾਰਥ ਕੰਨਨ ਨੇ ਸੁਰਵੀਨ ਚਾਵਲਾ ਨੂੰ ਕਿਹਾ ਕਿ ਜੇਕਰ ਤੁਹਾਨੂੰ ਆਪਣੇ ਭਾਰ ਕਾਰਨ ਬਾਡੀ ਸ਼ੇਮਿੰਗ ਦਾ ਸਾਹਮਣਾ ਕਰਨਾ ਪੈਂਦਾ ਹੈ ਤਾਂ ਤੁਹਾਨੂੰ ਰੋਲ ਨਹੀਂ ਮਿਲਦਾ? ਸੁਰਵੀਨ ਚਾਵਲਾ ਨੇ ਕਿਹਾ ਹਾਂ ਇਹ ਸੱਚ ਹੈ।
ਅਦਾਕਾਰਾ ਨੇ ਕਿਹਾ, ''ਮੇਰੇ ਨਾਲ ਇਹ ਮੇਰੀ ਪਹਿਲੀ ਫ਼ਿਲਮ 'ਮੁਲਾਕਾਤ' ਦੌਰਾਨ ਹੋਇਆ ਸੀ। ਮੈਂ ਉਸ ਸਮੇਂ ਟੀ. ਵੀ. 'ਚ ਕੰਮ ਕਰ ਰਹੀ ਸੀ ਅਤੇ ਮੈਂ ਪਹਿਲੀ ਵਾਰ ਇੱਕ ਫ਼ਿਲਮ ਮੀਟਿੰਗ ਲਈ ਗਈ ਸੀ। ਮੈਂ ਜਾਣਦੀ ਹਾਂ ਕਿ ਨਿਰਮਾਤਾ ਤੁਹਾਨੂੰ ਅਜਿਹੀ ਜਗ੍ਹਾ ਦਿੰਦੇ ਹਨ, ਜਿੱਥੇ ਤੁਸੀਂ ਆਪਣੇ-ਆਪ ਤੋਂ ਸਵਾਲ ਕਰ ਸਕਦੇ ਹੋ ਅਤੇ ਇਹ ਜ਼ਿਆਦਾਤਰ ਔਰਤਾਂ ਨਾਲ ਹੁੰਦਾ ਵੀ ਹੈ ਜਿੱਥੇ ਉਨ੍ਹਾਂ ਦੀ ਦਿੱਖ 'ਤੇ ਸਵਾਲ ਖੜ੍ਹੇ ਕੀਤੇ ਜਾਂਦੇ ਹਨ, ਉਨ੍ਹਾਂ ਦੇ ਭਾਰ 'ਤੇ ਸਵਾਲ ਕੀਤੇ ਜਾਂਦੇ ਹਨ, ਤੁਹਾਡੀ ਕਮਰ ਦਾ ਆਕਾਰ ਕੀ ਹੈ, ਤੁਹਾਡੀ ਛਾਤੀ ਦਾ ਸਾਈਜ਼ ਕੀ ਹੈ ਇਹ ਸਭ ਪੁੱਛਿਆ ਜਾਂਦਾ ਹੈ।''
ਸੁਰਵੀਨ ਚਾਵਲਾ ਨੇ ਅੱਗੇ ਕਿਹਾ, 'ਇੱਥੇ ਹੋਣ ਲਈ ਕੀ ਮਾਪਦੰਡ ਹਨ? ਕਾਸਟਿੰਗ ਕਾਊਚ ਦਾ ਅਜਿਹਾ ਦੌਰ ਸੀ। ਸਾਊਥ ਫ਼ਿਲਮ ਇੰਡਸਟਰੀ 'ਚ ਵੀ ਬਹੁਤ ਕੁਝ ਸੀ ਅਤੇ ਇਹ ਬਹੁਤ ਔਖਾ ਸਮਾਂ ਸੀ। ਇਹ ਉੱਥੇ ਵੀ ਸੀ ਪਰ ਮੈਨੂੰ ਨਹੀਂ ਲੱਗਦਾ ਕਿ ਕਿਸੇ ਕੋਲ ਸਹੀ ਮਾਪਦੰਡ ਹਨ, ਜੋ ਤੁਹਾਨੂੰ ਪਰਿਭਾਸ਼ਿਤ ਕਰਦੇ ਹਨ ਜਾਂ ਤੁਹਾਨੂੰ ਵਿਸ਼ਵਾਸ ਜਾਂ ਤੁਹਾਡੇ 'ਤੇ ਭਰੋਸਾ ਕਰਦੇ ਹਨ। ਤੁਸੀਂ ਕਿੱਥੇ ਚਾਹੁੰਦੇ ਹੋ? ਹੋ ਜਾਂ ਤੁਸੀਂ ਕਿੱਥੇ ਹੋ।" ਸੁਰਵੀਨ ਚਾਵਲਾ ਨੇ ਇਸ ਤੋਂ ਇਲਾਵਾ ਹੋਰ ਵੀ ਕਈ ਕੰਮ ਕੀਤੇ ਹਨ।
ਦੱਸ ਦੇਈਏ ਕਿ ਸੁਰਵੀਨ ਚਾਵਲਾ ਨੇ ਕੰਨੜ ਫ਼ਿਲਮ 'ਪਰਮੀਸ਼ਾ ਪਾਨਵਾਲਾ' ਨਾਲ ਫ਼ਿਲਮਾਂ 'ਚ ਆਪਣੀ ਅਦਾਕਾਰੀ ਦੀ ਸ਼ੁਰੂਆਤ ਕੀਤੀ ਸੀ। ਫਿਰ ਉਹ ਬਾਲੀਵੁੱਡ ਫ਼ਿਲਮ 'ਹੇਟ ਸਟੋਰੀ 2' (2014), 'ਅਗਲੀ' (2013), ਅਤੇ 'ਪਾਰਚਡ' (2015) 'ਚ ਨਜ਼ਰ ਆ ਚੁੱਕੀ ਹੈ। ਸੁਰਵੀਨ ਚਾਵਲਾ ਸਾਲ 2018 'ਚ ਵੈੱਬ ਸੀਰੀਜ਼ 'ਹੱਕ ਸੇ' ਅਤੇ 'ਸੈਕਰਡ ਗੇਮਜ਼' 'ਚ ਵੀ ਨਜ਼ਰ ਆਈ ਸੀ।
ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
ਜਾਨ੍ਹਵੀ ਕਪੂਰ ਦੀਆਂ ਹੌਟ ਤਸਵੀਰਾਂ ਨੇ ਲਗਾਈ ਇੰਟਰਨੈੱਟ 'ਤੇ ਅੱਗ
NEXT STORY 
