ਨਵੀਂ ਦਿੱਲੀ (ਬਿਊਰੋ) - ਬਾਲੀਵੁੱਡ ਅਦਾਕਾਰਾ ਕਰੀਨਾ ਕਪੂਰ ਖ਼ਾਨ ਅਤੇ ਸੈਫ ਅਲੀ ਖ਼ਾਨ ਦੇ ਪੁੱਤਰ ਤੈਮੂਰ ਅਲੀ ਖ਼ਾਨ ਦੀ ਪ੍ਰਸਿੱਧੀ ਸਟਾਰ ਕਿਡ ਤੋਂ ਕਿਤੇ ਵਧ ਕੇ ਹੈ। ਤੈਮੂਰ ਅਲੀ ਖ਼ਾਨ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਅਕਸਰ ਹੀ ਛਾਈਆਂ ਰਹਿੰਦੀਆਂ ਹਨ। ਪਾਪਰਾਜ਼ੀ ਤੈਮੂਰ ਦੀ ਹਰ ਹਰਕਤ 'ਤੇ ਨਜ਼ਰ ਰੱਖਦੇ ਹਨ। ਹੁਣ ਇੰਟਰਨੈੱਟ ਨੂੰ ਤੈਮੂਰ ਦਾ ਇਕ ਹਮਸ਼ਕਲ ਮਿਲਿਆ, ਜਿਸ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਵਾਇਰਲ ਹੋ ਰਹੀਆਂ ਹਨ।
ਤੈਮੂਰ ਨੂੰ ਮਿਲਿਆ ਆਪਣਾ ਹਮਸ਼ਕਲ
ਤੈਮੂਰ ਅਲੀ ਖ਼ਾਨ ਵਾਂਗ ਨਜ਼ਰ ਆਉਣ ਵਾਲੇ ਇਸ ਛੋਟੇ ਬੱਚੇ ਦਾ ਨਾਂ ਜ਼ਰੀਆਨ ਥਾਪਰ ਹੈ। ਮਸ਼ਹੂਰ ਫੋਟੋਗ੍ਰਾਫਰ ਵਿਰਲ ਭਯਾਨੀ ਨੇ ਇੰਸਟਾਗ੍ਰਾਮ 'ਤੇ ਤੈਮੂਰ ਅਲੀ ਖ਼ਾਨ ਅਤੇ ਜਾਰੀਅਨ ਥਾਪਰ ਦੀ ਤਸਵੀਰ ਸ਼ੇਅਰ ਕੀਤੀ ਹੈ। ਇਸ ਤਸਵੀਰ 'ਚ ਤੈਮੂਰ ਅਤੇ ਜਾਰੀਅਨ 'ਚ ਫਰਕ ਕਰਨਾ ਬਹੁਤ ਔਖਾ ਹੈ।
ਤੈਮੂਰ ਦੀ ਦਿਖ ਵਾਲਾ ਇਹ ਬੱਚਾ ਕਾਫ਼ੀ ਕਿਊਟ ਹੈ। ਉਂਝ ਜਾਰੀਅਨ ਥਾਪਰ ਪਹਿਲਾਂ ਹੀ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਮਸ਼ਹੂਰ ਹੈ। ਉਹ ਸ਼ੀਨਾ ਥਾਪਰ ਨਾਂ ਦੀ ਸਟਾਈਲਿਸਟ ਦਾ ਪੁੱਤਰ ਹੈ।
ਯੂਜ਼ਰਸ ਨੇ ਜਤਾਈ ਨਾਰਾਜ਼ਗੀ
ਫੈਨਜ਼ ਨੂੰ ਤੈਮੂਰ ਦਾ ਇਹ ਹਮਸ਼ਕਲ ਬੱਚਾ ਕਾਫ਼ੀ ਪਸੰਦ ਆ ਰਿਹਾ ਹੈ। ਉਥੇ ਹੀ ਕੁਝ ਯੂਜ਼ਰਸ ਅਜਿਹੇ ਵੀ ਹਨ, ਜੋ ਤੈਮੂਰ ਅਤੇ ਜਾਰੀਅਨ ਦੀ ਤੁਲਨਾ ਨੂੰ ਪਸੰਦ ਨਹੀਂ ਕਰਦੇ ਹਨ। ਇਕ ਸੋਸ਼ਲ ਮੀਡੀਆ ਯੂਜ਼ਰ ਨੇ ਲਿਖਿਆ, ''ਇਸ ਵੀ ਬੱਚੇ ਨੂੰ ਇੰਝ ਡੁਪਲੀਕੇਟ (ਹਮਸ਼ਕਲ) ਆਖ ਕੇ ਤੁਲਨਾ ਨਾ ਕਰੋ।''
ਉਥੇ ਹੀ ਦੂਜੇ ਯੂਜ਼ਰਸ ਨੇ ਲਿਖਿਆ, ''ਤੈਮੂਰ ਨੂੰ ਕੋਈ ਫਰਕ ਨਹੀਂ ਪਵੇਗਾ ਪਰ ਦੂਜੇ ਬੱਚੇ ਨੂੰ ਇਸ ਦਾ ਫਰਕ ਪਵੇਗਾ।'' ਜਦੋਂਕਿ ਇਕ ਹੋਰ ਯੂਜ਼ਰ ਨੇ ਲਿਖਿਆ, ''ਕਿਸੇ ਬੱਚੇ ਦੀ ਤੁਲਨਾ ਕਿਉਂ ਕੀਤੀ ਜਾ ਰਹੀ ਹੈ। ਕਿਰਪਾ ਕਰਕੇ ਉਸ ਦੀ ਸ਼ਖਸੀਅਤ ਦਾ ਸਤਿਕਾਰ ਕਰੋ।''
ਸੰਨੀ ਲਿਓਨ ਦੇ ਪੁੱਤਰ ਨਾਲ ਵੀ ਹੋ ਚੁੱਕੀ ਹੈ ਤੁਲਨਾ
ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਤੈਮੂਰ ਅਲੀ ਖ਼ਾਨ ਦੇ ਹਮਸ਼ਕਲ ਦੀ ਚਰਚਾ ਹੋ ਰਹੀ ਹੈ। ਇਸ ਤੋਂ ਪਹਿਲਾਂ ਸੰਨੀ ਲਿਓਨੀ ਦੇ ਪੁੱਤਰ ਨਾਲ ਵੀ ਤੈਮੂਰ ਦੀ ਸ਼ਕਲ ਮਿਲਾਈ ਜਾ ਚੁੱਕੀ ਹੈ।
ਸੰਨੀ ਲਿਓਨ ਸਰੋਗੇਸੀ ਰਾਹੀਂ ਜੁੜਵਾਂ ਬੱਚਿਆਂ ਦੀ ਮਾਂ ਬਣੀ। ਅਜਿਹੇ 'ਚ ਸੋਸ਼ਲ ਮੀਡੀਆ 'ਤੇ ਕਈ ਲੋਕਾਂ ਨੂੰ ਲੱਗਾ ਕਿ ਬੇਟੇ ਦੀ ਦਿੱਖ ਤੈਮੂਰ ਅਲੀ ਖ਼ਾਨ ਨਾਲ ਕਾਫੀ ਮਿਲਦੀ ਜੁਲਦੀ ਹੈ।
ਰਾਕੇਸ਼ ਬਾਪਟ ਨੂੰ ਆਈ ਸ਼ਮਿਤਾ ਸ਼ੈੱਟੀ ਦੀ ਯਾਦ, ਤਸਵੀਰ ਸਾਂਝੀ ਕਰ ਦੱਸਿਆ ਦਿਲ ਦਾ ਹਾਲ
NEXT STORY 
