ਮੁੰਬਈ- ਫਿਲਮ 'ਹਰੇ ਰਾਮਾ ਹਰੇ ਕ੍ਰਿਸ਼ਨਾ' ਦਾ ਇੱਕ ਗੀਤ ਸੀ - 'ਦਮ ਮਾਰੋ ਦਮ' ਜੋ ਅੱਜ ਵੀ ਸੁਪਰਹਿੱਟ ਹੈ। ਜ਼ੀਨਤ ਅਮਾਨ 'ਦਮ ਮਾਰੋ ਦਮ' 'ਚ ਪਾਈਪ ਦਾ ਲੰਮਾ ਪਫ ਲੈਂਦੀ ਨਜ਼ਰ ਆ ਰਹੀ ਹੈ। ਇਸ ਗੀਤ ਦੇ ਬਾਰੇ 'ਚ ਉਨ੍ਹਾਂ ਨੇ ਆਪਣੀ ਇਕ ਪੋਸਟ 'ਚ ਕਿਹਾ ਕਿ ਉਹ ਇਸ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹੈ। ਫਿਲਮ ਦਾ ਨਿਰਦੇਸ਼ਨ ਖੁਦ ਦੇਵ ਆਨੰਦ ਨੇ ਕੀਤਾ ਸੀ।
ਜ਼ੀਨਤ ਅਮਾਨ ਦੁਆਰਾ ਸ਼ੇਅਰ ਕੀਤੀ ਗਈ ਤਸਵੀਰ 'ਦਮ ਮਾਰੋ ਦਮ' ਗੀਤ ਤੋਂ ਉਨ੍ਹਾਂ ਦੀ ਤਸਵੀਰ ਹੈ। 'ਹਰੇ ਕ੍ਰਿਸ਼ਨਾ ਹਰੇ ਰਾਮ' ਹਿੱਪੀ ਸੱਭਿਆਚਾਰ ਦੇ ਪਤਨ ਨੂੰ ਦਰਸਾਉਂਦੀ ਹੈ ਅਤੇ ਇਸ ਦਾ ਉਦੇਸ਼ ਨਸ਼ਾ ਵਿਰੋਧੀ ਸੰਦੇਸ਼ ਦੇਣਾ ਹੈ। ਜ਼ੀਨਤ ਨੇ ਯਾਦ ਕਰਦੇ ਹੋਏ ਕਿਹਾ, “ਅਸੀਂ ਕਾਠਮੰਡੂ ਵਿੱਚ ਹਰੇ ਰਾਮਾ ਹਰੇ ਕ੍ਰਿਸ਼ਨਾ ਦੀ ਸ਼ੂਟਿੰਗ ਕਰ ਰਹੇ ਸੀ। ਦੇਵ ਸਾਹੇਬ ਨੇ ਉਸ ਨਾਲ ਗੀਤ ਵਿੱਚ ਸ਼ਾਮਲ ਹੋਣ ਲਈ ਸੜਕਾਂ ਤੋਂ ਹਿੱਪੀਆਂ ਦਾ ਇੱਕ ਸਮੂਹ ਇਕੱਠਾ ਕੀਤਾ ਸੀ। ਉਹ ਗੀਤ ਸੀ 'ਦਮ ਮਾਰੋ ਦਮ'।’’
ਜ਼ੀਨਤ ਅਮਾਨ ਨੇ ਲਿਖਿਆ, “ਹਿੱਪੀ ਇਸ ਤੋਂ ਬਹੁਤ ਖੁਸ਼ ਸਨ।” ਉਨ੍ਹਾਂ ਨੂੰ ਨਾ ਸਿਰਫ ਹਸ਼ੀਸ਼ ਦੇ ਨਾਲ ਚਿਲਮ ਪੈਕ ਕਰਨ ਦਾ ਮੌਕਾ ਮਿਲ ਰਿਹਾ ਸੀ, ਸਗੋਂ ਬਾਲੀਵੁੱਡ ਫਿਲਮ 'ਚ ਕੰਮ ਕਰਨ ਲਈ ਮੁਫਤ ਖਾਣਾ ਵੀ ਮਿਲ ਰਿਹਾ ਸੀ ਅਤੇ ਇਸ ਲਈ ਉਨ੍ਹਾਂ ਨੂੰ ਤਨਖਾਹ ਵੀ ਮਿਲ ਰਹੀ ਸੀ।ਜ਼ੀਨਤ ਅਮਾਨ ਨੇ ਕਿਹਾ, “ਮੇਰੇ ਕਿਰਦਾਰ ਜੈਨਿਸ ਨੂੰ ਸੱਚਮੁੱਚ ਨਸ਼ੇ ਵਿੱਚ ਧੂਤ ਦਿਖਣਾ ਸੀ। ਅਜਿਹਾ ਕਰਨ ਦਾ ਸਭ ਤੋਂ ਆਸਾਨ ਤਰੀਕਾ ਸੀ ਹਿੱਪੀ ਸਮੂਹ ਵਿੱਚ ਹਿੱਸਾ ਲੈਣਾ। ਮੈਂ ਆਪਣੀ ਕਿਸ਼ੋਰ ਉਮਰ ਵਿੱਚ ਸੀ, ਅਤੇ ਟੇਕ ਲਈ ਉਨ੍ਹਾਂ ਦੇ ਚਿਲਮ ਤੋਂ ਲਗਾਤਾਰ ਲੰਬੇ ਪਫ ਲੈ ਰਹੀ ਸੀ।
ਜਦੋਂ ਤੱਕ ਅਸੀਂ ਦਿਨ ਦਾ ਕੰਮ ਖਤਮ ਕਰ ਲਿਆ, ਮੈਂ ਉਸ ਦਿਨ ਹੋਟਲ ਵਾਪਸ ਜਾਣ ਦੀ ਸਥਿਤੀ ਵਿੱਚ ਨਹੀਂ ਸੀ।ਜ਼ੀਨਤ ਅਮਾਨ ਨੇ ਲਿਖਿਆ ਕਿ ਟੀਮ ਦੇ ਕੁਝ ਮੈਂਬਰ ਉਨ੍ਹਾਂ ਨੂੰ ਕਾਰ 'ਚ ਬਿਠਾ ਕੇ ਇਕ ਖੂਬਸੂਰਤ ਜਗ੍ਹਾ 'ਤੇ ਲੈ ਗਏ। ਜ਼ੀਨਤ ਨੇ ਖੁਲਾਸਾ ਕੀਤਾ ਕਿ ਜਦੋਂ ਉਨ੍ਹਾਂ ਦੀ ਮਾਂ ਨੂੰ ਇਸ ਬਾਰੇ ਪਤਾ ਲੱਗਾ ਤਾਂ ਉਹ ਬਹੁਤ ਗੁੱਸੇ ਵਿਚ ਸੀ।
ਜ਼ੀਨਤ ਅਮਾਨ ਨੇ ਅੱਗੇ ਲਿਖਿਆ, “ਜਦੋਂ ਮੇਰੀ ਮਾਂ ਨੂੰ ਇਸ ਬਾਰੇ ਪਤਾ ਲੱਗਾ ਤਾਂ ਉਹ ਸੀਨੀਅਰ ਕਰੂ ਮੈਂਬਰ 'ਤੇ ਗੁੱਸੇ ਹੋ ਗਈ। ਉਨ੍ਹਾਂ ਨੇ ਟੀਮ ਨੂੰ ਫਟਕਾਰ ਲਗਾਈ। ਖੁਸ਼ਕਿਸਮਤੀ ਨਾਲ, ਮੈਂ ਉਨ੍ਹਾਂ ਦੇ ਗੁੱਸੇ ਤੋਂ ਬਚ ਗਈ।’’ ਉਨ੍ਹਾਂ ਨੇ ਦੱਸਿਆ ਕਿ ਇਸ ਅਕਤੂਬਰ 'ਚ ਉਹ ਮੁੰਬਈ, ਦਿੱਲੀ ਅਤੇ ਜੈਪੁਰ 'ਚ ਹੋਵੇਗੀ ਅਤੇ ਅਜਿਹੇ ਕਈ ਹੋਰ ਪਲ ਆਪਣੇ ਪ੍ਰਸ਼ੰਸਕਾਂ ਨਾਲ ਸਾਂਝੇ ਕਰੇਗੀ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
4 ਅਕਤੂਬਰ ਨੂੰ ਪ੍ਰਾਈਮ ਵੀਡੀਓ 'ਤੇ ਹੋਵੇਗਾ 'ਦਿ ਟ੍ਰਾਈਬ' ਦਾ ਪ੍ਰੀਮੀਅਰ
NEXT STORY 
