ਮੁੰਬਈ- ਮਸ਼ਹੂਰ ਟੀ.ਵੀ. ਅਦਾਕਾਰਾ ਟੀਨਾ ਦੱਤਾ ਨੇ ਆਪਣੀ ਅਦਾਕਾਰੀ ਨਾਲ ਇੰਡਸਟਰੀ 'ਚ ਇੱਕ ਜ਼ਬਰਦਸਤ ਪਛਾਣ ਬਣਾਈ ਹੈ। ਉਸ ਨੇ ਬੰਗਾਲੀ ਸਿਨੇਮਾ ਤੋਂ ਹਿੰਦੀ ਸੀਰੀਅਲਾਂ ਤੱਕ ਦਾ ਸਫ਼ਰ ਬਹੁਤ ਵਧੀਆ ਢੰਗ ਨਾਲ ਕੀਤਾ। ਟੀਨਾ ਦੱਤਾ 'ਉਤਰਨ' ਦੀ ਚਾਹਤ ਬਣ ਕੇ ਘਰ-ਘਰ 'ਚ ਨਾਮ ਬਣ ਚੁੱਕੀ ਸੀ। ਟੀਨਾ ਨੇ 'ਬਿੱਗ ਬੌਸ 16' ਰਾਹੀਂ ਵੀ ਕਾਫੀ ਸੁਰਖੀਆਂ ਬਟੋਰੀਆਂ ਸਨ।
ਕੁਝ ਦਿਨ ਪਹਿਲਾਂ ਟੀਨਾ ਦੱਤਾ ਮਾਲਦੀਵ ਗਈ ਸੀ, ਜਿੱਥੋਂ ਉਸ ਨੇ ਕਈ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਹੁਣ ਇੱਕ ਵਾਰ ਫਿਰ ਟੀਨਾ ਦੱਤਾ ਸੁਰਖੀਆਂ 'ਚ ਆ ਗਈ ਹੈ। ਉਹ ਆਪਣੇ ਨਿੱਜੀ ਮਾਮਲਿਆਂ ਕਾਰਨ ਸੁਰਖੀਆਂ 'ਚ ਆਈ ਹੈ। ਟੀਨਾ ਦੱਤਾ ਨੇ ਆਪਣੇ ਇਕ ਇੰਟਰਵਿਊ 'ਚ ਦੱਸਿਆ ਕਿ ਉਸ ਦੇ ਮਾਤਾ-ਪਿਤਾ ਚਾਹੁੰਦੇ ਹਨ ਕਿ ਉਹ ਮਾਂ ਬਣੇ ਪਰ ਉਹ ਸਰੋਗੇਸੀ ਦਾ ਰਸਤਾ ਅਪਣਾ ਕੇ ਮਾਂ ਬਣੇ।
ਟੀਨਾ ਦੱਤਾ ਨੇ ਇੰਟਰਵਿਊ ਦੌਰਾਨ ਨਿੱਜੀ ਗੱਲਾਂ ਸਾਂਝੀਆਂ ਕੀਤੀਆਂ। ਟੀਨਾ ਦੱਤਾ ਨੇ ਇਹ ਵੀ ਦੱਸਿਆ ਕਿ ਉਸ ਨੇ ਆਪਣੇ ਅੰਡਿਆਂ ਨੂੰ ਫ੍ਰੀਜ਼ ਕਰਵਾ ਲਿਆ ਹੈ ਤਾਂ ਜੋ ਉਸ ਨੂੰ ਹੋਰ ਮੁਸ਼ਕਲਾਂ ਦਾ ਸਾਹਮਣਾ ਨਾ ਕਰਨਾ ਪਵੇ। ਅਦਾਕਾਰਾ ਨੇ ਇਸ ਸਬੰਧ 'ਚ ਕਿਹਾ, "ਮੈਂ ਅੰਡੇ ਨੂੰ ਫ੍ਰੀਜ਼ ਕਰਨ ਦੀ ਪ੍ਰਕਿਰਿਆ ਨੂੰ ਲੈ ਕੇ ਬਹੁਤ ਖੁੱਲ੍ਹੇ ਵਿਚਾਰਾਂ ਵਾਲੀ ਹਾਂ। ਮੇਰੇ ਇਕ ਪੁਰਾਣੇ ਦੋਸਤ ਨੇ ਮੈਨੂੰ ਅਜਿਹਾ ਕਰਨ ਦੀ ਸਲਾਹ ਦਿੱਤੀ। ਮੈਨੂੰ ਲੱਗਦਾ ਹੈ ਕਿ ਜਦੋਂ ਕੁੜੀਆਂ 20 ਸਾਲ ਦੀਆਂ ਹੁੰਦੀਆਂ ਹਨ ਤਾਂ ਉਨ੍ਹਾਂ ਨੂੰ ਆਪਣੇ ਅੰਡੇ ਫਰੀਜ਼ ਕਰਵਾਉਣੇ ਚਾਹੀਦੇ ਹਨ। ਉਸ ਸਮੇਂ ਉਪਜਾਊ ਹੁੰਦੇ ਹਨ ਅਤੇ ਤੁਹਾਨੂੰ ਚੰਗੀ ਮਾਤਰਾ 'ਚ ਅੰਡੇ ਮਿਲਣਗੇ, ਮੇਰੇ ਖਿਆਲ 'ਚ ਅੰਡੇ ਨੂੰ ਫ੍ਰੀਜ਼ ਕਰਨ ਦੀ ਸਭ ਤੋਂ ਵਧੀਆ ਉਮਰ 35 ਹੈ।
ਟੀਨਾ ਦੱਤਾ ਨੇ ਦੱਸਿਆ ਕਿ ਉਸ ਦੇ ਮਾਤਾ-ਪਿਤਾ ਚਾਹੁੰਦੇ ਹਨ ਕਿ ਉਹ ਮਾਂ ਬਣੇ। ਇਸ ਸਬੰਧ 'ਚ ਉਸ ਨੇ ਕਿਹਾ, "ਮੇਰੇ ਮਾਤਾ-ਪਿਤਾ ਚਾਹੁੰਦੇ ਹਨ ਕਿ ਮੇਰਾ ਵਿਆਹ ਹੋ ਜਾਵੇ।
ਪਰ ਜੇਕਰ ਮੈਂ ਵਿਆਹ ਨਹੀਂ ਕਰਾਇਆ ਤਾਂ ਉਹ ਚਾਹੁੰਦੇ ਹਨ ਕਿ ਮੈਂ ਸਰੋਗੇਸੀ ਰਾਹੀਂ ਬੱਚਾ ਪੈਦਾ ਕਰਾਂ।" ਤੁਹਾਨੂੰ ਦੱਸ ਦੇਈਏ ਕਿ ਟੀਨਾ ਦੱਤਾ ਦਾ ਮੰਨਣਾ ਹੈ ਕਿ ਹਰ ਔਰਤ ਨੂੰ ਆਪਣੀ ਪ੍ਰਜਨਨ ਪ੍ਰਣਾਲੀ ਨੂੰ ਕੰਟਰੋਲ ਕਰਨਾ ਚਾਹੀਦਾ ਹੈ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਰੈਪਰ ਬਾਦਸ਼ਾਹ ਨੂੰ ਪ੍ਰਸਿੱਧ ਕਾਮੇਡੀਅਨ ਨਾਲ ਪੰਗਾ ਪਿਆ ਭਾਰੀ, ਪੜ੍ਹੋ ਪੂਰਾ ਮਾਮਲਾ
NEXT STORY 
