ਮੁੰਬਈ – ਅਦਾਕਾਰਾ ਸ਼ਰਧਾ ਕਪੂਰ ਆਪਣੀ ਆਉਣ ਵਾਲੀ ਬਾਇਓਪਿਕ ਫਿਲਮ 'ਈਥਾ' ਦੇ ਸੈੱਟ 'ਤੇ ਜ਼ਖਮੀ ਹੋ ਗਈ ਹੈ। ਇਸ ਫਿਲਮ ਦੀ ਸ਼ੂਟਿੰਗ, ਜੋ ਕਿ ਮਹਾਨ ਡਾਂਸਰ, ਸਿੰਗਰ ਅਤੇ ਤਮਾਸ਼ਾ ਕਲਾਕਾਰ ਵਿਠਾਬਾਈ ਭਾਉ ਮੰਗ ਨਰਾਇਣਗਾਂਵਕਰ 'ਤੇ ਆਧਾਰਿਤ ਹੈ, ਨੂੰ ਡਾਇਰੈਕਟਰ ਲਕਸ਼ਮਣ ਉਟੇਕਰ ਨੇ ਅਸਥਾਈ ਤੌਰ 'ਤੇ ਰੋਕ ਦਿੱਤਾ ਹੈ। ਕੁੱਝ ਮੀਡੀਆ ਰਿਪੋਰਟਾਂ ਅਨੁਸਾਰ, ਸ਼ਰਧਾ ਕਪੂਰ ਦੇ ਖੱਬੇ ਪੈਰ ਦਾ ਅੰਗੂਠਾ ਫ੍ਰੈਕਚਰ ਹੋ ਗਿਆ ਹੈ ਅਤੇ ਉਹ ਇਸ ਸਮੇਂ ਇਲਾਜ ਅਧੀਨ ਹੈ।
ਇਹ ਵੀ ਪੜ੍ਹੋ: 24 ਫੋਨ ਤੇ 12 ਸੋਨੇ ਦੀਆਂ ਚੇਨਾਂ...ਭਾਰਤ ਆਏ ਅਮਰੀਕੀ ਰੈਪਰ ਟ੍ਰੈਵਿਸ ਸਕਾਟ ਦੇ ਕੰਸਰਟ 'ਚ 18 ਲੱਖ ਰੁਪਏ ਤੋਂ ਵੱਧ ਦੀ ਚੋਰੀ
ਇਹ ਘਟਨਾ ਉਦੋਂ ਵਾਪਰੀ ਜਦੋਂ ਸ਼ਰਧਾ ਕਪੂਰ ਇੱਕ ਲੋਕ ਨਾਚ ਲਾਵਣੀ 'ਤੇ ਪ੍ਰਦਰਸ਼ਨ ਕਰ ਰਹੀ ਸੀ, ਜਿਸ ਲਈ ਵਿਠਾਬਾਈ ਜਾਣੀ ਜਾਂਦੀ ਸੀ। ਡਾਂਸ ਕਰਦੇ ਸਮੇਂ, ਅਦਾਕਾਰਾ ਦਾ ਸੰਤੁਲਨ ਵਿਗੜ ਗਿਆ, ਜਿਸ ਕਾਰਨ ਉਸ ਦੇ ਖੱਬੇ ਪੈਰ ਦਾ ਫ੍ਰੈਕਚਰ ਹੋ ਗਿਆ। ਲਾਵਣੀ ਸੰਗੀਤ ਦੀ ਵਿਸ਼ੇਸ਼ਤਾ ਤੇਜ਼ ਰਫ਼ਤਾਰ ਵਾਲੀਆਂ ਬੀਟਾਂ ਹਨ। ਇਸ ਡਾਂਸ ਨੰਬਰ ਨੂੰ ਅਜੈ-ਅਤੁਲ ਦੁਆਰਾ ਕੰਪੋਜ਼ ਕੀਤਾ ਹੈ। ਵਿਠਾਬਾਈ ਦਾ ਕਿਰਦਾਰ ਨਿਭਾਉਣ ਲਈ, ਸ਼ਰਧਾ ਕਪੂਰ ਨੇ 15 ਕਿਲੋ ਤੋਂ ਵੱਧ ਵਜ਼ਨ ਵਧਾਇਆ ਹੋਇਆ ਹੈ ਅਤੇ ਪ੍ਰਦਰਸ਼ਨ ਦੌਰਾਨ ਸ਼ਰਧਾ ਨੇ ਨੌਵਾਰੀ ਸਾੜ੍ਹੀ, ਭਾਰੀ ਗਹਿਣੇ ਅਤੇ ਇੱਕ ਕਮਰਪੱਟਾ ਪਹਿਨਿਆ ਹੋਇਆ ਸੀ। ਇੱਕ ਸਟੈਪ ਦੌਰਾਨ, ਉਸਨੇ ਗਲਤੀ ਨਾਲ ਆਪਣਾ ਸਾਰਾ ਭਾਰ ਆਪਣੇ ਖੱਬੇ ਪੈਰ 'ਤੇ ਪਾ ਦਿੱਤਾ ਅਤੇ ਨਤੀਜੇ ਵਜੋਂ ਸੰਤੁਲਨ ਗੁਆ ਬੈਠੀ।
ਇਹ ਵੀ ਪੜ੍ਹੋ: ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਤੋਂ ਆਈ ਮੰਦਭਾਗੀ ਖਬਰ, ਗਾਇਕ ਹਰਮਨ ਸਿੱਧੂ ਦੀ ਹਾਦਸੇ 'ਚ ਮੌਤ
ਸ਼ੂਟਿੰਗ ਮੁਲਤਵੀ
ਸੱਟ ਲੱਗਣ 'ਤੇ, ਡਾਇਰੈਕਟਰ ਉਟੇਕਰ ਨੇ ਤੁਰੰਤ ਸ਼ੂਟਿੰਗ ਰੱਦ ਕਰ ਦਿੱਤੀ। ਭਾਵੇਂ ਸ਼ਰਧਾ ਕਪੂਰ ਨੇ ਦਿਨ ਨੂੰ ਬਰਬਾਦ ਹੋਣ ਤੋਂ ਬਚਾਉਣ ਲਈ ਕਲੋਜ਼-ਅੱਪ ਸ਼ਾਟਸ ਪੂਰੇ ਕੀਤੇ, ਪਰ ਦਰਦ ਵਧਣ ਕਾਰਨ ਯੂਨਿਟ ਨੂੰ ਸ਼ੂਟਿੰਗ ਬੰਦ ਕਰਨੀ ਪਈ। ਪ੍ਰੋਡਕਸ਼ਨ ਟੀਮ ਨੇ ਅਦਾਕਾਰਾ ਨੂੰ ਪੂਰੀ ਤਰ੍ਹਾਂ ਠੀਕ ਹੋਣ ਦੇਣ ਲਈ 2 ਹਫ਼ਤਿਆਂ ਦਾ ਬ੍ਰੇਕ ਲੈਣ ਦਾ ਫੈਸਲਾ ਕੀਤਾ ਹੈ।
ਇਹ ਵੀ ਪੜ੍ਹੋ: ਬਿੱਗ ਬੌਸ 19 'ਚ ਹੁਣ ਹੋਵੇਗੀ ਭਾਰਤੀ ਟੀਮ ਦੇ ਇਸ ਧਾਕੜ ਕ੍ਰਿਕਟਰ ਦੀ ਐਂਟਰੀ !
'ਮਿਸਿਜ਼ ਦੇਸ਼ਪਾਂਡੇ' 'ਚ ਸੀਰੀਅਲ ਕਿੱਲਰ ਦਾ ਕਿਰਦਾਰ ਨਿਭਾਏਗੀ ਮਾਧੁਰੀ ਦੀਕਸ਼ਿਤ
NEXT STORY 
