ਨਵੀਂ ਦਿੱਲੀ (ਬਿਊਰੋ) — ਬਾਲੀਵੁੱਡ ਅਦਾਕਾਰ ਸੰਜੇ ਦੱਤ ਦੀ ਧੀ ਤ੍ਰਿਸ਼ਾਲਾ ਦੱਤ ਨੇ ਆਪਣੇ ਪਿਤਾ ਦੇ ਡਰੱਗ ਅਡੀਕਸ਼ਨ 'ਚ ਰਹਿਣ ਨੂੰ ਲੈ ਕੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ। ਤ੍ਰਿਸ਼ਾਲਾ ਸੋਸ਼ਲ ਮੀਡੀਆ 'ਤੇ ਪ੍ਰਸ਼ੰਸਕ ਵਲੋਂ ਪੁੱਛੇ ਜਾ ਰਹੇ ਸਵਾਲਾਂ ਦਾ ਜਵਾਬ ਦੇ ਰਹੀ ਸੀ, ਜਿਸ 'ਚ ਇਕ ਪ੍ਰਸ਼ੰਸਕ ਨੇ ਉਸ ਤੋਂ ਪੁੱਛਿਆ, 'ਕਿਉਂਕਿ ਤੁਸੀਂ ਇਕ ਸਾਈਕੈਟ੍ਰਿਸਟ ਹੈ, ਤੁਹਾਡਾ ਆਪਣੇ ਪਿਤਾ ਦੇ ਬੀਤੇ ਡਰੱਗ ਅਡੀਕਸ਼ਨ ਨੂੰ ਲੈ ਕੇ ਕੀ ਕਹਿਣਾ ਹੈ? ਇਸ ਸਵਾਲ ਦੇ ਜਵਾਬ 'ਚ ਤ੍ਰਿਸ਼ਾਲਾ ਨੇ ਇੱਕ ਲੰਬਾ ਚੌੜਾ ਨੋਟ ਲਿਖਿਆ, ਜਿਸ 'ਚ ਉਸ ਨੇ ਕਿਹਾ ਮੈਨੂੰ ਆਪਣੇ ਪਿਤਾ 'ਤੇ ਮਾਣ ਹੈ। ਤ੍ਰਿਸ਼ਾਲਾ ਨੇ ਲਿਖਿਆ, 'ਪਹਿਲਾਂ ਤਾਂ ਇਹ ਧਿਆਨ ਰੱਖਣਾ ਜ਼ਰੂਰੀ ਹੈ ਕਿ ਨਸ਼ਾ ਇਕ ਹੌਲੀ-ਹੌਲੀ ਫੜ੍ਹਨ ਵਾਲੀ ਬੀਮਾਰੀ ਹੈ, ਜੋ ਵਾਰ-ਵਾਰ ਡਰੱਗ ਲੈਣ ਅਤੇ ਉਸ ਦੇ ਆਦੀ ਹੋ ਜਾਣ, ਇਸ ਦੀ ਚਾਹਤ ਨੂੰ ਨਿਯੰਤ੍ਰਿਤ ਨਾ ਕਰ ਪਾਉਣ ਅਤੇ ਇਸ ਦੇ ਘਾਤਕ ਸਿੱਟਿਆਂ ਨੂੰ ਜਨਮ ਦਿੰਦੀ ਹੈ।'
ਉਨ੍ਹਾਂ ਨੇ ਲਿਖਿਆ 'ਸ਼ੁਰੂਆਤ 'ਚ ਡਰੱਗ ਲੈਣ ਦਾ ਫ਼ੈਸਲਾ ਜ਼ਿਆਦਾਤਰ ਲੋਕਾਂ ਲਈ ਆਪਣੀ ਮਰਜੀ ਨਾਲ ਹੁੰਦਾ ਹੈ ਪਰ ਵਾਰ-ਵਾਰ ਡਰੱਗ ਲੈਣਾ ਦਿਮਾਗ 'ਚ ਉਹ ਬਦਲਾਅ ਲੈ ਆਉਂਦਾ ਹੈ, ਜਿਸ ਤੋਂ ਬਾਅਦ ਆਦੀ ਵਿਅਕਤੀ ਖ਼ੁਦ 'ਤੇ ਕਾਬੂ ਪਾਉਣਾ ਅਤੇ ਉਸ ਡਰੱਗ ਨੂੰ ਲੈਣ ਦੀ ਇੱਛਾ ਨੂੰ ਰੋਕ ਪਾਉਣ 'ਚ ਅਸਮੱਰਥ ਹੋ ਜਾਂਦਾ ਹੈ।'
ਤ੍ਰਿਸ਼ਾਲਾ ਦੱਤ ਨੇ ਅੱਗੇ ਲਿਖਿਆ, 'ਗੱਲ ਜੇਕਰ ਬੀਤੇ ਸਮੇਂ 'ਚ ਮੇਰੇ ਪਿਤਾ ਵਲੋਂ ਡਰੱਗ ਦਾ ਇਸਤੇਮਾਲ ਕੀਤੇ ਜਾਣ ਦੀ ਹੈ ਤਾਂ ਉਹ ਹਮੇਸ਼ਾ ਹੀ ਰਿਕਵਰੀ ਦੀ ਸਥਿਤੀ 'ਚ ਰਹਿਣਗੇ। ਇਹ ਇੱਕ ਅਜਿਹੀ ਬੀਮਾਰੀ ਹੈ, ਜਿਸ ਨਾਲ ਉਨ੍ਹਾਂ ਨੂੰ ਹਰ ਦਿਨ ਲੜਨਾ ਹੋਵੇਗਾ। ਹਾਲਾਂਕਿ ਉਹ ਹੁਣ ਇਸ ਦਾ ਇਸਤੇਮਾਲ ਨਹੀਂ ਕਰਦੇ ਹਨ। ਮੈਨੂੰ ਆਪਣੇ ਪਿਤਾ 'ਤੇ ਮਾਣ ਹੈ ਕਿ ਉਨ੍ਹਾਂ ਨੇ ਸਵੀਕਾਰ ਕੀਤਾ ਕਿ ਉਨ੍ਹਾਂ ਨੂੰ ਇਹ ਮੁਸ਼ਕਿਲ ਹੈ, ਉਨ੍ਹਾਂ ਨੇ ਸ਼ੁਰੂਆਤ ਕੀਤੀ ਅਤੇ ਮੱਦਦ ਮੰਗੀ। ਇਸ 'ਚ ਸ਼ਰਮਿੰਦਗੀ ਮਹਿਸੂਸ ਕਰਨ ਵਰਗਾ ਕੁਝ ਵੀ ਨਹੀਂ ਹੈ।
ਨੋਟ - ਸੰਜੇ ਦੱਤ ਦੀ ਧੀ ਤ੍ਰਿਸ਼ਾਲਾ ਨੇ ਦੀ ਇਸ ਪੋਸਟ ਬਾਰੇ ਤੁਸੀਂ ਕੀ ਕਹਿਣਾ ਚਾਹੋਗੇ? ਕੁਮੈਂਟ ਬਾਕਸ 'ਚ ਜ਼ਰੂਰ ਦੱਸੋ।
ਆਮਿਰ ਖ਼ਾਨ ਦੀ ਸ਼ਰਟਲੈੱਸ ਲੁੱਕ ਹੋਈ ਵਾਇਰਲ, ਤਸਵੀਰ ਦੇਖ ਪ੍ਰਸ਼ੰਸਕ ਹੋਏ ਦੀਵਾਨੇ
NEXT STORY 
