ਮੁੰਬਈ (ਬਿਊਰੋ)– ਬਾਲੀਵੁੱਡ ਦਾ ਪਾਵਰ ਕੱਪਲ ਵਿੱਕੀ ਕੌਸ਼ਲ ਤੇ ਕੈਟਰੀਨਾ ਕੈਫ ਅਕਸਰ ਸੁਰਖ਼ੀਆਂ ’ਚ ਰਹਿੰਦੇ ਹਨ। ਜਿਸ ਤਰ੍ਹਾਂ ਵਿੱਕੀ ਵਿਆਹ ਤੋਂ ਪਹਿਲਾਂ ਕੈਟਰੀਨਾ ਲਈ ਆਪਣੇ ਪਿਆਰ ਦਾ ਇਜ਼ਹਾਰ ਕਰਦੇ ਸੀ, ਉਹ ਸਿਲਸਿਲਾ ਅੱਜ ਵੀ ਜਾਰੀ ਹੈ। ਵਿਆਹ ਤੋਂ ਬਾਅਦ ਉਹ ਕੈਟਰੀਨਾ ਨੂੰ ਹੋਰ ਨੇੜੇ ਤੋਂ ਜਾਣਦੇ ਹਨ ਤੇ ਉਹ ਪ੍ਰਸ਼ੰਸਕਾਂ ਨੂੰ ਦੱਸਦੇ ਰਹਿੰਦੇ ਹਨ ਕਿ ਉਹ ਅਸਲ ਜ਼ਿੰਦਗੀ ’ਚ ਕਿਵੇਂ ਹੈ। ਹੁਣ ਅਦਾਕਾਰ ਨੇ ਖ਼ੁਲਾਸਾ ਕੀਤਾ ਹੈ ਕਿ ਕੈਟਰੀਨਾ ਆਪਣੀ ਜ਼ਿੰਦਗੀ ’ਚ ਬਹੁਤ ਅਨੁਸ਼ਾਸਿਤ ਹੈ। ਹਾਲਾਂਕਿ ਉਸ ਨੇ ਇਹ ਵੀ ਕਿਹਾ ਕਿ ਉਹ ‘ਰਾਕਸ਼ਸ’ ਵਰਗੀ ਹੈ ਤੇ ਉਸ ਨੂੰ ਖ਼ੁਸ਼ ਕਰਨਾ ਸੌਖਾ ਨਹੀਂ ਹੈ।
ਵਿੱਕੀ ਕੌਸ਼ਲ ਨੇ ਹਾਲ ਹੀ ’ਚ ਕੈਟਰੀਨਾ ਕੈਫ ਦੀ ਜੀਵਨ ਸ਼ੈਲੀ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ ਹੈ। ਉਨ੍ਹਾਂ ਨੇ ਕੈਟਰੀਨਾ ਬਾਰੇ ਕੁਝ ਅਜਿਹੀਆਂ ਗੱਲਾਂ ਸਾਂਝੀਆਂ ਕੀਤੀਆਂ, ਜੋ ਸ਼ਾਇਦ ਹੀ ਪ੍ਰਸ਼ੰਸਕਾਂ ਨੂੰ ਪਤਾ ਹੋਣ।
ਇਹ ਪੁੱਛੇ ਜਾਣ ’ਤੇ ਕਿ ਕੈਟਰੀਨਾ ਤੇ ਉਸ ਦੇ ਵਿਚਕਾਰ ਕੌਣ ਆਲਸੀ ਹੈ, ਵਿੱਕੀ ਨੇ ਕਿਹਾ, ‘‘ਜੇ ਮੈਂ ਕੰਮ ਨਹੀਂ ਕਰ ਰਿਹਾ ਹਾਂ ਤੇ ਜੇਕਰ ਮੈਂ ਘਰ ’ਚ ਹਾਂ ਤਾਂ ਮੈਂ ਆਲਸੀ ਹਾਂ।’’ ਉਨ੍ਹਾਂ ਅੱਗੇ ਕਿਹਾ ਕਿ ਕੈਟਰੀਨਾ ਬਹੁਤ ਅਨੁਸ਼ਾਸਿਤ ਹੈ ਪਰ ਇਸ ਨਾਲ ਉਨ੍ਹਾਂ ਵਿਚਕਾਰ ਕੋਈ ਸਮੱਸਿਆ ਨਹੀਂ ਹੈ। ਜਦੋਂ ਅਸੀਂ ਦੋਵੇਂ ਘਰ ਹੁੰਦੇ ਹਾਂ ਤੇ ਆਰਾਮ ਕਰਦੇ ਹਾਂ ਤੇ ਸਾਨੂੰ ਕੰਮ ਜਾਂ ਕਿਸੇ ਚੀਜ਼ ਲਈ ਬਾਹਰ ਨਹੀਂ ਜਾਣਾ ਪੈਂਦਾ ਹੈ ਤਾਂ ਅਸੀਂ ਦੋਵੇਂ ਆਲਸੀ ਹੁੰਦੇ ਹਾਂ। ਇਹ ਸੁੰਦਰ ਹੈ, ਇਹ ਅਸਲ ’ਚ ਦੋ ਆਲਸੀ ਲੋਕਾਂ ਦੀ ਪਾਰਟੀ ਵਾਂਗ ਹੈ ਪਰ ਜਦੋਂ ਉਸ ਨੂੰ ਅਨੁਸ਼ਾਸਿਤ ਹੋਣ ਦੀ ਲੋੜ ਹੁੰਦੀ ਹੈ ਤਾਂ ਉਹ ਇਕ ਰਾਕਸ਼ਸ ਵਰਗੀ ਹੁੰਦੀ ਹੈ।’’
ਇਹ ਖ਼ਬਰ ਵੀ ਪੜ੍ਹੋ : ਰੈਪਰ ਟੁਪੈਕ ਸ਼ਕੂਰ ਕਤਲ ਮਾਮਲੇ ’ਚ ਸਾਬਕਾ ਗੈਂਗ ਲੀਡਰ ਡੇਵਿਸ ਦੋਸ਼ੀ ਕਰਾਰ, 1996 ’ਚ ਮਾਰੀਆਂ ਸੀ ਗੋਲੀਆਂ
‘ਉੜੀ’ ਅਦਾਕਾਰ ਨੇ ਘਰ ’ਚ ਰਹਿਣ ਦੌਰਾਨ ਕੈਟਰੀਨਾ ਨਾਲ ਆਪਣੇ ਰਿਸ਼ਤੇ ਬਾਰੇ ਵੀ ਗੱਲ ਕੀਤੀ। ਉਸ ਨੇ ਦੱਸਿਆ ਕਿ ਜਦੋਂ ਕੁਝ ਮਾਮਲਿਆਂ ਦੀ ਗੱਲ ਆਉਂਦੀ ਹੈ ਤਾਂ ਕੈਟਰੀਨਾ ਨੂੰ ਖ਼ੁਸ਼ ਕਰਨਾ ਬਹੁਤ ਮੁਸ਼ਕਿਲ ਹੁੰਦਾ ਹੈ। ਉਸ ਨੇ ਕਿਹਾ, ‘‘ਕੁਝ ਅਜਿਹੇ ਮਾਮਲੇ ਹਨ, ਜਿਨ੍ਹਾਂ ਬਾਰੇ ਉਹ ਬਹੁਤ ਚੁਸਤ ਹੈ। ਜਿਵੇਂ ਕਿ ਜਦੋਂ ਇਹ ਉਨ੍ਹਾਂ ਦੇ ਭੋਜਨ ਦੀ ਗੱਲ ਆਉਂਦੀ ਹੈ ਜਾਂ ਜਦੋਂ ਉਨ੍ਹਾਂ ਦੇ ਕੱਪੜਿਆਂ ਦੀ ਗੱਲ ਆਉਂਦੀ ਹੈ। ਕਈ ਵਾਰ ਉਹ ਆਪਣੇ ਕੱਪੜਿਆਂ ਨਾਲ ਬਹੁਤ ਆਰਾਮਦਾਇਕ ਹੁੰਦੀ ਹੈ। ਉਹ ਬਹੁਤ ਅਜੀਬ ਹੈ।’’
ਹਾਲ ਹੀ ’ਚ ਵਿੱਕੀ ਕੌਸ਼ਲ ਨੇ ਇਹ ਵੀ ਖ਼ੁਲਾਸਾ ਕੀਤਾ ਹੈ ਕਿ ਉਸ ਨੇ ਤੇ ਕੈਟਰੀਨਾ ਨੇ ਕਈ ਪੇਸ਼ਕਸ਼ਾਂ ਮਿਲਣ ਦੇ ਬਾਵਜੂਦ ਇਕੱਠੇ ਫ਼ਿਲਮਾਂ ’ਚ ਕੰਮ ਕਰਨਾ ਕਿਉਂ ਨਹੀਂ ਚੁਣਿਆ। ਉਸ ਨੇ ਕਿਹਾ, ‘‘ਸਾਨੂੰ ਫ਼ਿਲਮ ਉਦੋਂ ਕਰਨੀ ਚਾਹੀਦੀ ਹੈ, ਜਦੋਂ ਅਸੀਂ ਆਪਣੇ ਹਿੱਸੇ ਨੂੰ ਫਿੱਟ ਕਰਦੇ ਹਾਂ, ਨਾ ਕਿ ਸਿਰਫ਼ ਦੋ ਲੋਕਾਂ ਨੂੰ ਇਕੱਠੇ ਦੇਖਣ ਲਈ, ਇਸ ਲਈ ਫ਼ਿਲਮ ਕਰੀਏ।’’
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਸਟਾਰ ਪਰਿਵਾਰ ਐਵਾਰਡਜ਼ ’ਚ ਅਨੁਪਮਾ ਤੇ ਅਨੁਜ ਦਾ ਰੋਮਾਂਟਿਕ ਪ੍ਰਫਾਰਮੈਂਸ ਹੋਵੇਗਾ ਜ਼ਬਰਦਸਤ ਟ੍ਰੀਟ
NEXT STORY 
