ਐਂਟਰਟੇਨਮੈਂਟ ਡੈਸਕ- ਹਿੰਦੀ ਸਿਨੇਮਾ ਦੇ ਪਹਿਲੇ ਸੁਪਰਸਟਾਰ ਕਹੇ ਜਾਣ ਵਾਲੇ ਰਾਜੇਸ਼ ਖੰਨਾ ਨਾ ਸਿਰਫ਼ ਆਪਣੀਆਂ ਫਿਲਮਾਂ ਅਤੇ ਦਮਦਾਰ ਅਦਾਕਾਰੀ ਲਈ ਮਸ਼ਹੂਰ ਸਨ, ਸਗੋਂ ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ਵੀ ਲੋਕਾਂ ਵਿੱਚ ਬਹੁਤ ਚਰਚਾ ਵਿੱਚ ਸੀ। ਰਾਜੇਸ਼ ਖੰਨਾ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਫਿਲਮ 'ਆਖਰੀ ਖਤ' ਨਾਲ ਕੀਤੀ ਸੀ ਅਤੇ ਫਿਰ ਹੌਲੀ-ਹੌਲੀ ਇੰਡਸਟਰੀ ਦੇ ਚੋਟੀ ਦੇ ਅਦਾਕਾਰ ਬਣ ਗਏ। ਉਨ੍ਹਾਂ ਦਾ ਵਿਆਹ ਅਦਾਕਾਰਾ ਡਿੰਪਲ ਕਪਾੜੀਆ ਨਾਲ ਹੋਇਆ ਸੀ। ਦੋਵਾਂ ਦੀਆਂ 2 ਧੀਆਂ ਹਨ, ਟਵਿੰਕਲ ਖੰਨਾ ਅਤੇ ਰਿੰਕੀ ਖੰਨਾ। ਭਾਵੇਂ ਡਿੰਪਲ ਅਤੇ ਰਾਜੇਸ਼ ਖੰਨਾ ਬਾਅਦ ਵਿੱਚ ਵੱਖ ਹੋ ਗਏ ਸਨ, ਪਰ ਉਨ੍ਹਾਂ ਦੀਆਂ ਧੀਆਂ ਨਾਲ ਉਨ੍ਹਾਂ ਦਾ ਰਿਸ਼ਤਾ ਹਮੇਸ਼ਾ ਖਾਸ ਰਿਹਾ।
ਇਹ ਵੀ ਪੜ੍ਹੋ: ਪੁਲਸ ਨੇ ਮਸ਼ਹੂਰ ਅਦਾਕਾਰ ਨੂੰ ਕੀਤਾ ਗ੍ਰਿਫਤਾਰ, ਜਾਣੋ ਕੀ ਹੈ ਪੂਰਾ ਮਾਮਲਾ
ਟਵਿੰਕਲ ਖੰਨਾ ਨੂੰ 4 ਬੁਆਏਫ੍ਰੈਂਡ ਰੱਖਣ ਦੀ ਸਲਾਹ
ਅਦਾਕਾਰਾ ਟਵਿੰਕਲ ਖੰਨਾ, ਜੋ ਹੁਣ ਇੱਕ ਲੇਖਕ ਅਤੇ ਫਿਲਮ ਨਿਰਮਾਤਾ ਵਜੋਂ ਜਾਣੀ ਜਾਂਦੀ ਹੈ, ਨੇ ਇਕ ਪੋਸਟ ਵਿਚ ਆਪਣੇ ਪਿਤਾ ਨਾਲ ਜੁੜੇ ਕੁਝ ਅਨੋਖੇ ਕਿੱਸੇ ਸਾਂਝੇ ਕੀਤੇ ਸਨ। ਟਵਿੰਕਲ ਨੇ ਦੱਸਿਆ ਸੀ ਕਿ ਰਾਜੇਸ਼ ਖੰਨਾ ਉਨ੍ਹਾਂ ਨੂੰ ਪਿਆਰ ਨਾਲ ਟੀਨਾ ਬਾਬਾ ਕਹਿੰਦੇ ਸਨ ਅਤੇ ਕਦੇ ਵੀ 'ਬੇਬੀ' ਵਰਗੇ ਸ਼ਬਦਾਂ ਦੀ ਵਰਤੋਂ ਨਹੀਂ ਕਰਦੇ ਸਨ। ਉਨ੍ਹਾਂ ਪੋਸਟ ਵਿਚ ਇਹ ਵੀ ਦੱਸਿਆ ਸੀ ਕਿ ਪਾਪਾ ਨੇ ਮੰਮੀ ਨੂੰ ਕਿਹਾ ਸੀ ਕਿ ਮੈਂ ਉਨ੍ਹਾਂ ਲਈ ਸਭ ਤੋਂ ਖਾਸ ਤੋਹਫ਼ਾ ਹਾਂ। ਟਵਿੰਕਲ ਮੁਤਾਬਕ ਉਨ੍ਹਾਂ ਦੇ ਪਿਤਾ ਨੇ ਇੱਕ ਵਾਰ ਉਨ੍ਹਾਂ ਨੂੰ ਸਲਾਹ ਦਿੱਤੀ ਸੀ ਕਿ ਕਦੇ ਵੀ ਸਿਰਫ਼ ਇੱਕ ਬੁਆਏਫ੍ਰੈਂਡ ਨਾ ਰੱਖੋ, ਸਗੋਂ ਇੱਕ ਸਮੇਂ 'ਤੇ 4 ਬੁਆਏਫ੍ਰੈਂਡ ਰੱਖੋ, ਤਾਂਕਿ ਜਦੋਂ ਇੱਕ ਦਿਲ ਤੋੜੇ ਤਾਂ ਤੁਸੀਂ ਬਾਕੀ 3 ਨਾਲ ਦਿਲ ਲਗਾ ਕੇ ਠੀਕ ਰਹੋ।
ਇਹ ਵੀ ਪੜ੍ਹੋ: ਜਦੋਂ ਪਿਓ ਨੇ ਬਾਲੀਵੁੱਡ ਦੇ ਇਸ ਮਸ਼ਹੂਰ ਅਦਾਕਾਰ ਨੂੰ ਘਰੋਂ ਕੱਢਿਆ ਬਾਹਰ, ਕਿਹਾ- ''ਨੱਕ ਕਟਾ'ਤੀ ਮੇਰੀ...'
ਪਹਿਲੀ ਵਾਰ ਸ਼ਰਾਬ ਵੀ ਪਿਤਾ ਨੇ ਹੀ ਪਿਆਈ
ਟਵਿੰਕਲ ਨੇ ਇਹ ਵੀ ਦੱਸਿਆ ਕਿ ਉਨ੍ਹਾਂ ਦੀ ਜ਼ਿੰਦਗੀ ਵਿੱਚ ਸ਼ਰਾਬ ਦਾ ਪਹਿਲਾ ਘੁੱਟ ਉਸ ਨੂੰ ਉਨ੍ਹਾਂ ਦੇ ਪਿਤਾ ਨੇ ਪਿਆਇਆ ਸੀ। ਉਨ੍ਹਾਂ ਕਿਹਾ, 'ਮੇਰੇ ਪਿਤਾ ਜੀ ਪਹਿਲੇ ਵਿਅਕਤੀ ਸਨ ਜਿਨ੍ਹਾਂ ਨੇ ਮੈਨੂੰ ਸ਼ਰਾਬ ਦਾ ਪਹਿਲਾ ਘੁੱਟ ਦਿੱਤਾ ਸੀ।' ਇਹ ਗੱਲ ਉਨ੍ਹਾਂ ਦੇ ਅਤੇ ਰਾਜੇਸ਼ ਖੰਨਾ ਵਿਚਕਾਰ ਮਜ਼ਬੂਤ ਅਤੇ ਖੁੱਲ੍ਹੇ ਰਿਸ਼ਤੇ ਨੂੰ ਦਰਸਾਉਂਦੀ ਹੈ।
ਇਹ ਵੀ ਪੜ੍ਹੋ: ਮੁਸ਼ਕਲਾਂ 'ਚ ਘਿਰਿਆ ਇਹ ਮਸ਼ਹੂਰ ਅਦਾਕਾਰ, ਬ੍ਰਾਹਮਣਾਂ 'ਤੇ ਟਿੱਪਣੀ ਮਗਰੋਂ FIR ਦਰਜ
ਅਕਸ਼ੈ ਕੁਮਾਰ ਨਾਲ ਵਿਆਹ ਬਾਰੇ ਦਿੱਤੀ ਸਲਾਹ
ਜਦੋਂ ਟਵਿੰਕਲ ਨੇ ਅਦਾਕਾਰ ਅਕਸ਼ੈ ਕੁਮਾਰ ਨਾਲ ਵਿਆਹ ਕੀਤਾ ਸੀ, ਤਾਂ ਰਾਜੇਸ਼ ਖੰਨਾ ਨੇ ਆਪਣੀ ਧੀ ਨੂੰ ਖਾਸ ਸਲਾਹ ਦਿੱਤੀ ਸੀ ਕਿ ਉਹ ਹਮੇਸ਼ਾ ਆਪਣੇ ਪਤੀ 'ਤੇ ਨਜ਼ਰ ਰੱਖੇ। ਰਾਜੇਸ਼ ਖੰਨਾ ਦਾ ਇੱਕ ਵੀਡੀਓ ਬਿਆਨ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋਇਆ ਸੀ, ਜਿਸ ਵਿੱਚ ਰਾਜੇਸ਼ ਖੰਨਾ ਆਪਣੇ ਜਵਾਈ ਅਕਸ਼ੈ ਕੁਮਾਰ ਨੂੰ ਮਜ਼ਾਕੀਆ ਅੰਦਾਜ਼ ਵਿੱਚ ਕਹਿੰਦੇ ਹਨ ਕਿ ਜੋ ਜਵਾਈ ਰਾਜਾ ਹੈ, ਉਹ ਬਹੁਤ ਗਾਉਂਦਾ ਹੈ। ਕਦੇ ਉਹ ਭੂਲ ਭੂਲੱਈਆ ਕਰਦਾ ਹੈ ਅਤੇ ਕਦੇ ਹੇਰਾਫੇਰੀ। ਬਹੁਤ ਹੇਰਾਫੇਰੀ ਕਰਨ ਵਾਲਾ ਆਦਮੀ ਹੈ ਉਹ। ਮੈਂ ਆਪਣੀ ਧੀ ਨੂੰ ਕਿਹਾ ਸੀ, 'ਟੀਨਾ ਬਾਬਾ, ਉਸਦਾ ਨਾਮ ਟਵਿੰਕਲ ਹੈ ਪਰ ਮੈਂ ਉਸਨੂੰ ਟੀਨਾ ਬੁਲਾਉਂਦਾ ਹਾਂ। ਮੈਂ ਕਿਹਾ, 'ਦੇਖੋ ਬੇਟਾ, ਆਪਣੇ ਪਤੀ ਦੀ ਲਗਾਮ ਖਿੱਚ ਕੇ ਰੱਖਣਾ, ਪਰ ਇੰਨੀ ਵੀ ਕੱਸ ਕੇ ਨਹੀਂ ਕਿ ਉਹ ਟੁੱਟ ਜਾਵੇ।'
ਇਹ ਵੀ ਪੜ੍ਹੋ : ਜਲੰਧਰ 'ਚ ਸੰਨੀ ਦਿਓਲ 'ਤੇ FIR ਮਗਰੋਂ Jaat ਦੇ ਨਿਰਮਾਤਾਵਾਂ ਨੇ ਮੰਗੀ ਮਾਫੀ, ਵਿਵਾਦਪੂਰਨ ਸੀਨ ਕੀਤਾ ਡਿਲੀਟ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਮਸ਼ਹੂਰ ਮਾਡਲ ਨਾਲ ਹਨੀ ਸਿੰਘ ਦੀ ਡੇਟਿੰਗ ਦੇ ਚਰਚੇ, ਰੈਪਰ ਨੇ ਸ਼ੇਅਰ ਕੀਤੀ ਦਿਲ ਨੂੰ ਛੂਹ ਲੈਣ ਵਾਲੀ ਸਟੋਰੀ
NEXT STORY 
