ਟੈਕ ਡੈਸਕ : ਬੀਤੇ ਦਿਨੀਂ ਅਮਰੀਕੀ ਟੈਕਨਾਲੋਜੀ ਦਿੱਗਜ ਕੰਪਨੀ ਓਰੈਕਲ (Oracle) ਵੱਲੋਂ ਵੱਡੇ ਪੱਧਰ 'ਤੇ ਛਾਂਟੀ ਕਰਨ ਦੀ ਖਬਰ ਸਾਹਮਣੇ ਆਈ ਹੈ। ਰਿਪੋਰਟਾਂ ਅਨੁਸਾਰ ਕੰਪਨੀ ਦੁਨੀਆ ਭਰ ਵਿੱਚ ਲਗਭਗ 30,000 ਕਰਮਚਾਰੀਆਂ ਨੂੰ ਕੱਢ ਰਹੀ ਹੈ, ਜਿਸ ਵਿੱਚੋਂ ਇਕੱਲੇ ਭਾਰਤ ਤੋਂ ਹੀ 12,000 ਲੋਕਾਂ ਦੀ ਨੌਕਰੀ ਚਲੀ ਗਈ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਇਹ ਛਾਂਟੀ ਕਿਸੇ ਆਰਥਿਕ ਮੰਦੀ ਕਾਰਨ ਨਹੀਂ, ਸਗੋਂ ਕੰਪਨੀ ਦੇ ਬਦਲਦੇ ਤਕਨੀਕੀ ਮਾਡਲ ਕਾਰਨ ਹੋ ਰਹੀ ਹੈ।
ਕਿਉਂ ਹੋ ਰਹੀ ਹੈ ਇਹ ਛਾਂਟੀ
ਸੂਤਰਾਂ ਮੁਤਾਬਕ ਓਰੈਕਲ ਹੁਣ ਇੱਕ ਰਵਾਇਤੀ ਸਾਫਟਵੇਅਰ ਕੰਪਨੀ ਤੋਂ ਹਟ ਕੇ ਆਪਣੇ ਆਪ ਨੂੰ AI (ਆਰਟੀਫੀਸ਼ੀਅਲ ਇੰਟੈਲੀਜੈਂਸ) ਅਤੇ ਕਲਾਊਡ ਇਨਫਰਾਸਟ੍ਰਕਚਰ ਦੀ ਦਿੱਗਜ ਕੰਪਨੀ ਬਣਾਉਣ 'ਤੇ ਧਿਆਨ ਕੇਂਦਰਿਤ ਕਰ ਰਹੀ ਹੈ। ਕੰਪਨੀ ਦੁਨੀਆ ਭਰ ਵਿੱਚ ਵੱਡੇ ਡਾਟਾ ਸੈਂਟਰ ਬਣਾ ਰਹੀ ਹੈ, ਜਿਸ ਲਈ ਮਹਿੰਗੇ GPU ਚਿਪਸ, ਬਿਜਲੀ ਅਤੇ ਕੂਲਿੰਗ ਸਿਸਟਮ 'ਤੇ ਅਰਬਾਂ ਡਾਲਰ ਖਰਚ ਕੀਤੇ ਜਾ ਰਹੇ ਹਨ। ਇਸ ਖਰਚੇ ਨੂੰ ਸੰਤੁਲਿਤ ਕਰਨ ਲਈ ਕੰਪਨੀ ਕਰਮਚਾਰੀਆਂ ਦੀ ਗਿਣਤੀ ਘਟਾ ਰਹੀ ਹੈ।
ਕੀ ਹੈ 'ਆਟੋਨੋਮਸ ਡਾਟਾਬੇਸ'
ਇਸ ਛਾਂਟੀ ਦਾ ਮੁੱਖ ਕਾਰਨ ਓਰੈਕਲ ਦਾ 'ਆਟੋਨੋਮਸ ਡਾਟਾਬੇਸ' (Autonomous Database) ਦੱਸਿਆ ਜਾ ਰਿਹਾ ਹੈ। ਇਹ ਇੱਕ ਅਜਿਹਾ ਸਮਾਰਟ ਸਿਸਟਮ ਹੈ ਜੋ AI ਅਤੇ ਮਸ਼ੀਨ ਲਰਨਿੰਗ ਦੀ ਮਦਦ ਨਾਲ ਖੁਦ ਹੀ ਅਪਡੇਟ ਹੁੰਦਾ ਹੈ, ਸੁਰੱਖਿਆ ਸੰਭਾਲਦਾ ਹੈ ਅਤੇ ਆਪਣੀ ਕਾਰਗੁਜ਼ਾਰੀ ਵਿੱਚ ਸੁਧਾਰ ਕਰਦਾ ਹੈ। ਪਹਿਲਾਂ ਜਿਸ ਡੇਟਾਬੇਸ ਨੂੰ ਸੰਭਾਲਣ ਲਈ 10 ਲੋਕਾਂ ਦੀ ਟੀਮ ਚਾਹੀਦੀ ਸੀ, ਹੁਣ ਉਹੀ ਕੰਮ ਸਿਰਫ਼ 2-3 ਲੋਕ ਤੇ AI ਸਿਸਟਮ ਮਿਲ ਕੇ ਕਰ ਸਕਦੇ ਹਨ।
ਕਿਨ੍ਹਾਂ ਨੌਕਰੀਆਂ 'ਤੇ ਪੈ ਰਿਹਾ ਹੈ ਅਸਰ
ਇਸ ਬਦਲਾਅ ਦਾ ਸਭ ਤੋਂ ਵੱਧ ਅਸਰ ਉਹਨਾਂ ਨੌਕਰੀਆਂ 'ਤੇ ਪੈ ਰਿਹਾ ਹੈ ਜੋ ਵਾਰ-ਵਾਰ ਇੱਕੋ ਜਿਹੇ ਕੰਮ ਕਰਦੀਆਂ ਹਨ, ਜਿਵੇਂ ਕਿ:
•ਡਾਟਾਬੇਸ ਐਡਮਿਨਿਸਟ੍ਰੇਟਰ
•ਸਪੋਰਟ ਇੰਜੀਨੀਅਰ
•ਟੈਸਟਿੰਗ ਅਤੇ ਬੇਸਿਕ ਕੋਡਿੰਗ ਰੋਲਸ
ਹੁਣ ਸਿਰਫ਼ ਐਂਟਰੀ ਲੈਵਲ ਹੀ ਨਹੀਂ, ਸਗੋਂ ਮਿਡ ਅਤੇ ਸੀਨੀਅਰ ਲੈਵਲ ਦੀਆਂ ਨੌਕਰੀਆਂ ਵੀ ਖ਼ਤਰੇ ਵਿੱਚ ਹਨ ਕਿਉਂਕਿ AI ਹੁਣ ਖੁਦ ਸਿਸਟਮ ਡਿਜ਼ਾਈਨ ਅਤੇ ਆਪਟੀਮਾਈਜ਼ ਕਰਨ ਲੱਗ ਪਿਆ ਹੈ। ਓਰੈਕਲ ਦਾ ਇਹ ਕਦਮ ਆਉਣ ਵਾਲੇ ਸਮੇਂ ਦਾ ਸੰਕੇਤ ਹੈ ਕਿ ਆਈ.ਟੀ. (IT) ਸੈਕਟਰ ਵਿੱਚ ਹੁਣ ਸਿਰਫ਼ ਉਹਨਾਂ ਲੋਕਾਂ ਲਈ ਮੌਕੇ ਹੋਣਗੇ ਜੋ AI ਅਤੇ ਨਵੀਂ ਟੈਕਨਾਲੋਜੀ ਨਾਲ ਖੁਦ ਨੂੰ ਅਪਡੇਟ ਰੱਖਣਗੇ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e
Redmi ਨੇ ਭਾਰਤ 'ਚ ਲਾਂਚ ਕੀਤਾ Note 15 SE 5G ! ਕਰਵਡ ਡਿਸਪਲੇਅ ਤੇ ਦਮਦਾਰ ਬੈਟਰੀ, ਜਾਣੋ ਕੀਮਤ ਤੇ ਫੀਚਰਸ
NEXT STORY 
