ਗੈਜੇਟ ਡੈਸਕ- Mahindra ਦੀ ਮਸ਼ਹੂਰ ਐੱਸ ਯੂ. ਵੀ Scorpio ਦਾ ਨਵਾਂ ਅਵਤਾਰ ਹੋਰ ਜ਼ਿਆਦਾ ਦਮਦਾਰ ਹੋਵੇਗਾ। ਦਰਅਸਲ ਕੰਪਨੀ ਇਕ ਨਵਾਂ 2.0-ਲਿਟਰ ਡੀਜਲ ਇੰਜਣ ਤਿਆਰ ਕਰ ਰਹੀ ਹੈ, ਜੋ ਆਉਣ ਵਾਲੇ BS-VI ਐਮਿਸ਼ਨ ਨਾਰਮਸ (ਉਤਸਰਜਨ ਮਾਨਦੰਡਾਂ) ਦੇ ਸਮਾਨ ਹੋਵੇਗਾ। ਰਿਪੋਰਟਸ 'ਚ ਦਾਅਵਾ ਕੀਤਾ ਗਿਆ ਹੈ ਕਿ ਇਹੀ ਇੰਜਣ ਨਵੀਂ Mahindra Scorpio 'ਚ ਦਿੱਤੇ ਜਾਣ ਦੀ ਸੰਭਾਵਨਾ ਹੈ। ਇਹ ਇੰਜਣ ਮੌਜੂਦਾ ਸਕਾਰਪੀਓ ਦੇ ਡੀਜਲ ਇੰਜਣ ਤੋਂ ਜ਼ਿਆਦਾ ਪਾਵਰਫੁੱਲ ਹੋਵੇਗਾ।
ਰਿਪੋਰਟਸ ਮੁਤਾਬਕ ਨਵਾਂ 2.0-ਲਿਟਰ ਵਾਲਾ ਇਹ ਇੰਜਣ ਤਿੰਨ ਵੱਖ-ਵੱਖ ਪਾਵਰ ਆਉਟਪੁੱਟ ਦੇ ਨਾਲ ਆਵੇਗਾ। ਇਨ੍ਹਾਂ ਤਿੰਨਾਂ 'ਚ ਦੂੱਜੇ ਲੈਵਲ ਦੇ ਪਾਵਰ ਆਉਟਪੁੱਟ ਵਾਲਾ ਇੰਜਣ ਨਵੀਂ ਸਕਾਰਪੀਓ 'ਚ ਦਿੱਤੇ ਜਾਣ ਦੀ ਸੰਭਾਵਨਾ ਹੈ। ਇਹ ਪਾਵਰ 160hp ਦਾ ਹੋਵੇਗਾ। ਅਜੇ ਸਕਾਰਪੀਓ ਦੇ ਸਭ ਤੋਂ ਦਮਦਾਰ ਇੰਜਣ ਦੀ ਪਾਵਰ 140hp ਹੈ। ਨਵਾਂ ਇੰਜਣ ਵਰਤਮਾਨ ਮਾਡਲ ਵਾਲੇ 2.2-ਲਿਟਰ mHawk ਇੰਜਣ ਤੋਂ ਕਰੀਬ 80 ਕਿੱਲੋਗ੍ਰਾਮ ਹਲਕਾ ਹੋਵੇਗਾ। ਕੰਪਨੀ ਵੱਧਦੀ ਡਿਮਾਂਡ ਨੂੰ ਵੇਖਦੇ ਹੋਏ ਨੈਕਸਟ ਜਨਰੇਸ਼ਨ ਸਕਾਰਪੀਓ 'ਚ 6-ਸਪੀਡ ਮੈਨੂਅਲ ਟਰਾਂਸਮਿਸ਼ਨ ਤੋਂ ਇਲਾਵਾ ਆਟੋਮੈਟਿਕ ਗਿਅਰਬਾਕਸ ਵੀ ਦੇ ਸਕਦੀ ਹੈ।
ਕੋਡਨਾਮ Z101 ਵਾਲੀ ਨਵੀਂ ਮਹਿੰਦਰਾ ਸਕਾਰਪੀਓ, ਮਰਾਜ਼ੋ ਐੱਮ. ਪੀ. ਵੀ ਤੋਂ ਬਾਅਦ ਕੰਪਨੀ ਦਾ ਦੂਜਾ ਪ੍ਰੋਡਕਟ ਹੋਵੇਗੀ, ਜਿਸ ਦੇ ਕੰਸੈਪਟ ਤੇ ਡਿਜ਼ਾਈਨ ਨੂੰ ਮਹਿੰਦਰਾ ਦੇ ਉਤਰੀ ਅਮਰੀਕਾ ਦੇ ਟੈਕਨੀਕਲ ਸੈਂਟਰ 'ਚ ਤਿਆਰ ਕੀਤਾ ਜਾਵੇਗਾ। ਨਵੀਂ ਸਕਾਰਪੀਓ ਵਰਤਮਾਨ ਮਾਡਲ ਦੀ ਤਰ੍ਹਾਂ ਬਾਡੀ-ਆਨ-ਫ੍ਰੇਮ ਐੱਸ. ਯੂ. ਵੀ ਹੋਵੇਗੀ, ਪਰ ਇੰਜਣ ਨਵਾਂ ਹੋਵੇਗਾ। ਨਵੀਂ ਐੱਸ. ਯੂ. ਵੀ ਵੀ ਵਰਤਮਾਨ ਮਾਡਲ ਦੀ ਤਰ੍ਹਾਂ ਹੀ ਦਮਦਾਰ ਦਿਖੇਗੀ, ਪਰ ਫਰੈਸ਼ ਲੁੱਕ ਦੇਣ ਲਈ ਇਸ ਦੇ ਐਕਸਟੀਰੀਅਰ 'ਚ ਕੁਝ ਬਦਲਾਅ ਦੇਖਣ ਨੂੰ ਮਿਲ ਸਕਦੇ ਹਨ
ਨਵੀਂ ਸਕਾਰਪੀਓ ਦੇ ਸਾਲ 2020 'ਚ ਲਾਂਚ ਹੋਣ ਦੀ ਸੰਭਾਵਨਾ ਹੈ। ਹਾਲਾਂਕਿ, ਤੱਦ ਤੱਕ ਇਸ ਦੀ ਟੱਕਰ 'ਚ ਟਾਟਾ ਮੋਟਰਸ ਤੇ ਮਾਰੂਤੀ ਸੁਜ਼ੂਕੀ ਵਰਗੀਆਂ ਦਮਦਾਰ ਕੰਪਨੀਆਂ ਤੋਂ ਇਲਾਵਾ ਕੀਆ ਮੋਟਰਜ਼ ਤੇ ਐੱਮ. ਜੀ ਮੋਟਰ ਵਰਗੀਆਂ ਕੰਪਨੀਆਂ ਦੀ ਐੱਸ. ਯੂ. ਵੀ ਮਾਰਕੀਟ 'ਚ ਮੌਜੂਦ ਹੋਣਗੀਆਂ, ਜਿਨ੍ਹਾਂ ਤੋਂ ਸਕਾਰਪੀਓ ਦੀ ਟੱਕਰ ਹੋਵੇਗੀ।
ਛੂਤ ਦੀਆਂ ਬੀਮਾਰੀਆਂ ਦੀ ਰੋਕਥਾਮ ਲਈ ਮਦਦਗਾਰ ਹੋ ਸਕਦੇ ਹਨ ਸਮਾਰਟਫੋਨ: ਸਟਡੀ
NEXT STORY 
