ਆਟੋ ਡੈਸਕ– ਬਜਾਜ ਆਟੋ ਦੁਨੀਆ ਦੀਆਂ ਸਭ ਤੋਂ ਪ੍ਰਸਿੱਧ ਕੰਪਨੀਆਂ ’ਚੋਂ ਇਕ ਹੈ। ਇਸਦੇ ਦੋਪਹੀਆ ਅਤੇ ਤਿੰਨ-ਪਹੀਆ ਵਾਹਨਾਂ ਨੂੰ ਲੋਕ ਕਾਫੀ ਪਸੰਦ ਕਰਦੇ ਹਨ। ਕੰਪਨੀ ਦੀ ਸਭ ਤੋਂ ਲੋਕਪ੍ਰਸਿੱਧ ਰੇਂਜ ਬਜਾਜ ਪਲਸਰ ਨੂੰ ‘ਦਿ ਫਾਸਟੈਸਟ ਇੰਡੀਅਨ’ ਕਿਹਾ ਜਾਂਦਾ ਹੈ। ਬਜਾਜ ਆਟੋ ਇਸ ਸਮੇਂ ਕੰਪਿਊਟਰ ਸੈਗਮੈਂਟ ’ਚ 100ਸੀਸੀ ਅਤੇ 110 ਸੀਸੀ ਦੀ ਰੇਂਜ ’ਚ ਬਜਾਜ ਸੀ.ਟੀ. ਅਤੇ ਪਲੈਟਿਨਾ ਨੂੰ ਵੇਚ ਰਹੀ ਹੈ। ਹੁਣ ਖਬਰ ਸਾਹਮਣੇ ਆ ਰਹੀ ਹੈ ਕਿ ਕੰਪਨੀ ਬਹੁਤ ਜਲਦ ਆਪਣੇ ਨਵੀਂ ਸੀ.ਟੀ. 125 ਐਕਸ ਮੋਟਰਸਾਈਕਲ ਨੂੰ ਲਾਂਚ ਕਰਨ ਜਾ ਰਹੀ ਹੈ।
ਲੁੱਕ ਅਤੇ ਫੀਚਰਜ਼
ਨਵੇਂ ਸੀ.ਟੀ. 125 ਐਕਸ ’ਚ ਇਕ ਸ਼ਾਨਦਾਰ ਹੈੱਡਲਾਈਟ ਕਾਊਲ ਮਿਲਦਾ ਹੈ, ਜਿਸ ਵਿਚ ‘ਵੀ’ ਆਕਾਰ ਦਾ ਐੱਲ.ਈ.ਡੀ. ਡੀ.ਆਰ.ਐੱਲ. ਅਤੇ ਇਕ ਛੋਟਾ ਵਾੀਜਰ ਵੀ ਹੁੰਦਾ ਹੈ। ਗੋਲ ਹੈੱਡਲਾਈਟ ’ਚ ਰਫ ਐਂਡ ਟਫ ਅਪੀਲ ਲਈ ਮੈਟਲ ਗਾਰਡ ਵੀ ਹੈ ਅਤੇ ਇਸਦੇ ਫਰੰਟ ਟੈਲੀਸਕੋਪਿਕ ਸਸਪੈਂਸ਼ਨ ’ਚ ਫੋਰਕ ਗੈਟਰ ਹਨ। ਸੀ.ਟੀ. 125 ਐਕਸ ’ਚ ਸੀ.ਟੀ. 110 ਐਕਸ ਦੀ ਬਜਾਏ ਵਾਧੂ ਗਰਿਪ ਲਈ ਰਬੜ ਟੈਂਕ ਪੈਡ ਵੀ ਮਿਲਦਾ ਹੈ। ਇਸਦੇ ਨਾਲ ਹੀ ਇਸ ਵਿਚ ਹੈੱਡਲਾਈਟ, ਟੇਲਲਾਈਟ ਅਤੇ ਟਰਨ ਇੰਡੀਕੇਟਰਸ ਲਈ ਹੈਲੋਜਨ ਬਲਬ ਦਾ ਇਸਤੇਮਾਲ ਕੀਤਾ ਗਿਆ ਹੈ। ਇਸਤੋਂ ਇਲਾਵਾ ਬਜਾਜ ਸੀ.ਟੀ. 125 ਐਕਸ ’ਚ ਬਲੈਕ-ਆਊਟ ਇਫੈਕਟ, ਰਿਬਡ-ਇਫੈਕਟ ਸੀਟ ਕਵਰ, ਰੀਅਰ ’ਚ ਟਵਿਨ ਸ਼ਾਕ ਐਬਜ਼ਰਬਰ, ਸਾਮਾਨ ਨੂੰ ਸੜਨ ਤੋਂ ਬਚਾਉਣ ਲਈ ਐਗਜਾਸਟ ਦੇ ਉਪਰ ਲਗੇਜ ਕੈਰੀਅਰ, ਰਬੜ ਗਰਿੱਪਸ, ਸਾਈਡ ਫ੍ਰੈਸ਼ ਗਾਰਡ ਅਤੇ ਐਨਾਲਾਗ ਇੰਸਟਰੂਮੈਂਟੇਸ਼ਨ ਸ਼ਾਮਲ ਹਨ।
ਇੰਜਣ
ਬਜਾਜ ਸੀ.ਟੀ. 125 ਐਕਸ ’ਚ ਪਲਸਰ 125 ਵਰਗਾ 125 ਸੀਸੀ ਇੰਜਣ ਦਿੱਤਾ ਜਾ ਸਕਦਾ ਹੈ, ਜੋ 11.6 ਬੀ.ਐੱਚ.ਪੀ. ਦੀ ਪਾਵਰ ਅਤੇ 11 ਨਿਊਟਨ ਮੀਟਰ ਦਾ ਟਾਰਕ ਪੈਦਾ ਕਰਦਾ ਹੈ।
ਤੁਹਾਡੀ ਹਰ ਐਕਟੀਵਿਟੀ ’ਤੇ ਨਜ਼ਰ ਰੱਖ ਰਿਹੈ Instagram, ਚੋਰੀ ਫੜੀ ਗਈ ਤਾਂ ਦਿੱਤਾ ਇਹ ਬਿਆਨ
NEXT STORY 
